ആക്രമണം സോഷ്യലായി
ആ​ധു​നി​ക ലോ​ക​ത്തി​ൽ യു​വാ​ക്ക​ൾ ല​ഹ​രി ക​ണ്ടെ​ത്തു​ന്ന​തു സൈ​ബ​ർ ലോ​ക​ത്തി​ലാ​ണ്. സൈ​ബ​ർ കു​റ്റ​കൃ​ത്യ​ങ്ങ​ളു​ടെ നി​ര​ക്ക് ദി​നം​പ്ര​തി വ​ർ​ധി​ക്കു​ന്പോ​ൾ ഇ​തി​ന് ഇ​ര​ക​ളാ​കു​ന്ന​വരാ​ക​ട്ടെ കൂടു​ത​ലും സ്ത്രീ​ക​ളും. മൊ​ബൈ​ലും ഇ​ന്‍റ​ർ​നെ​റ്റും ല​ഭി​ച്ചാ​ൽ എ​ന്തു​മാ​കാ​മെ​ന്ന രീ​തി​യി​ലാ​ണ് ആ​ധു​നി​ക സ​മൂ​ഹ​ത്തി​ന്‍റെ പോ​ക്ക്. നേ​ർ​ക്കുനേ​ർ പോ​ർ​വി​ളി​യൊ​ക്കെ പ​ണ്ടാ​യി​രു​ന്നു. ത​നി​ക്കു വി​ദ്വേ​ഷ​മു​ള്ള​വ​ർ​ക്കു​നേ​രേ ഏ​തു വി​ധേ​നയും സൈ​ബ​ർ ആ​ക്ര​മ​ണം ന​ട​ത്താ​മെ​ന്ന ചി​ന്ത​യി​ലാ​ണു നി​ല​വി​ൽ പ​ല​രും.

ആ​ധു​നി​ക യു​ഗ​ത്തി​ൽ ഇ​ന്‍റ​ർ​നെ​റ്റി​ന്‍റെ സ​ഹാ​യ​ത്തോ​ടെ​യു​ള്ള ആ​ശ​യ വി​നി​മ​യം കൂ​ടു​ത​ൽ ന​ട​ക്കു​ന്ന​തു സാ​മൂ​ഹ്യ മാ​ധ്യ​മ​ങ്ങ​ളാ​യ ഫേ​സ്ബു​ക്കും വാ​ട്സ് ആ​പ്പും ട്വി​റ്ററി​ലൂ​ടെ​യു​മൊ​ക്കെ​യാ​ണ്. പു​തി​യ വാ​ർ​ത്ത​ക​ൾ നി​ർ​മി​ക്ക​പ്പെ​ടു​ന്ന​തി​നും കിം​വ​ദ​ന്തി​ക​ൾ പ​ട​ർ​ന്നു പി​ടി​ക്കു​ന്ന​തി​നും പ​ര​സ്പ​രം ക​ല​ഹി​ക്കുന്നതിനും വി​വാ​ദ​ങ്ങ​ൾ സൃ​ഷ്ടി​ക്കുന്ന തിനുമൊ​ക്കെ സാ​മൂ​ഹ്യ മാ​ധ്യ​മ​ങ്ങ​ൾ ഉ​പ​യോ​ഗി​ക്കു​ന്നു. ഇ​ല​ക്ട്രോ​ണി​ക് മാ​ധ്യ​മ​ങ്ങ​ളു​പ​യോ​ഗി​ച്ചു മ​റ്റൊ​രു വ്യ​ക്തി​ക്കു സ​ന്ദേ​ശ​ങ്ങ​ള​യ​ച്ചും അ​ശ്ലീ​ല ചി​ത്ര​ങ്ങ​ളെ​ടു​ത്തു​മൊ​ക്കെ ഉ​പ​ദ്ര​വി​ക്കാ​ൻ ശ്ര​മി​ക്കു​ന്ന​ത് ഇ​ന്നു നി​ത്യ സം​ഭ​വ​ങ്ങ​ളാ​യി മാ​റി​ക്കൊ​ണ്ടി​രി​ക്കു​ന്നു.

നി​ര​വ​ധി മേന്മക​ൾ നി​ല​നി​ൽ​ക്കു​ന്പോ​ൾ ത​ന്നെ പ​ര​സ്പ​രം ക​ല​ഹി​ക്കാ​നും വേ​ദ​നി​പ്പി​ക്കാ​നു​മൊ​ക്കെ​യു​ള്ള ശ​ക്തി​യു​ണ്ട് ഇ​ത്ത​രം മാ​ധ്യ​മ​ങ്ങ​ൾ​ക്ക് എ​ന്ന കാ​ര്യ​ത്തി​ൽ ത​ർ​ക്ക​മി​ല്ല. ഒ​രാ​ളെ സമൂഹ​ത്തി​നു മു​ന്നി​ൽ അ​പ​ഹാ​സ്യ​നാ​ക്കാ​നും ത​ള​ർ​ത്താ​നും സാ​മൂ​ഹ്യ മാ​ധ്യ​മ​ങ്ങ​ൾ​ക്കു സാ​ധി​ക്കു​ന്നു. ജീ​വി​ത സാ​ഹ​ച​ര്യ​ങ്ങ​ളി​ൽ വ​ല​യു​ന്ന​വ​രെ സ​ഹാ​യി​ക്കാ​നും ഇ​തേ മാ​ധ്യ​മ​ങ്ങ​ൾ​ക്കു സാ​ധി​ക്കു​ന്നു​വെ​ന്ന​തു വി​സ്​മ​രി​ക്കു​ന്നി​ല്ലെ​ങ്കി​ലും സൈ​ബ​ർ ആ​ക്ര​മ​ണ​ത്തി​ലൂ​ടെ അ​പ​ഹാ​സ്യ​രാ​കു​ന്ന​തു നി​ര​വ​ധി​പേ​രാ​ണ്. ന​ടി പാ​ർ​വ​തി​ക്കു​നേരേ എ​ത്തി​യ ട്രോ​ളു​ക​ൾ ഇ​തി​ന് ഉ​ദാ​ഹ​ര​ണ​മാ​യി ന​മു​ക്കു മു​ന്നി​ലു​ണ്ട്.

എ​തി​രാ​ളി​ക​ളെ തെ​ര​ഞ്ഞു​പി​ടി​ച്ച്

എ​തി​രാ​ളി​ക​ളെ തെ​ര​ഞ്ഞു പി​ടി​ച്ചു വ്യ​ക്തി​ഹ​ത്യ ന​ട​ത്താ​നും സ്വ​ന്തം പ്ര​തി​ച്ഛാ​യ വ​ർ​ധി​പ്പി​ക്കാ​നു​മൊ​ക്കെ ഇ​ന്നു സാ​മൂ​ഹ്യ മാ​ധ്യ​മ​ങ്ങ​ൾ കാ​ര്യ​മാ​യി ഉ​പ​യോ​ഗി​ക്ക​പ്പെ​ടു​ന്നു. ആ​ടി​നെ പ​ട്ടി​യാ​ക്കാ​നും പ​ട്ടി​യെ ആ​ടാ​ക്കാ​നു​മു​ള്ള സൂ​ത്ര​പ്പ​ണി​ക​ളൊ​ക്കെ കൃ​ത്യ​മാ​യി അ​റി​യാ​വു​ന്ന ത​ന്ത്ര​ശാ​ലി​ക​ളാ​യ ഒ​രു സം​ഘം ത​ന്നെ പ​ല​പ്പോ​ഴും ഇ​ത്ത​രം ജോ​ലി​ക​ൾ​ക്കു നി​യ​മി​ക്ക​പ്പെ​ടാ​റു​ണ്ടെ​ന്ന​താ​ണു സ​ത്യം. അ​റി​ഞ്ഞു​കൊ​ണ്ടു മ​റ്റൊ​രാ​ളെ സ​മൂ​ഹ​ത്തി​ൽ മോ​ശ​ക്കാ​രാ​ക്കു​ക​യാ​ണെ​ന്ന തി​രി​ച്ച​റി​വ് ഇ​വ​രി​ൽ ഏ​റെ​പേ​ർ​ക്കുണ്ടെ​ങ്കി​ലും വ​കതി​രി​വ് ല​വ​ലേ​ശം ഇ​ല്ലെ​ന്നു​മാ​ത്രം. കൊ​ച്ചി​ ഉ​ൾ​പ്പെ​ടെ സം​സ്ഥാ​ന​ത്തി​ന്‍റെ വി​വി​ധ​യി​ട​ങ്ങ​ൾ സൈ​ബ​ർ യു​ദ്ധ​ങ്ങ​ളു​ടെ കേ​ന്ദ്ര​ങ്ങ​ളാ​ണ്.

ഒ​രു മൊ​ബൈ​ൽ ഫോ​ണും ഇ​ന്‍റ​ർ​നെ​റ്റ് ക​ണ​ക്ഷ​നു​മു​ണ്ടെ​ങ്കി​ൽ എ​വി​ടെ​യി​രു​ന്നും യു​ദ്ധ​മാ​കാ​മെ​ന്ന​താ​ണു സ്ഥി​തി. ഇ​ന്‍റ​ർ​നെ​റ്റോ മൊ​ബൈ​ൽ ഫോ​ണോ ഇ​ല്ലാ​തെ ഒ​രു ദി​വ​സം പോ​ലും ത​ള്ളി​നീ​ക്കാ​ൻ പ​റ്റാ​ത്ത അ​വ​സ്ഥ​യി​ലേ​ക്കു നാം ​എ​ത്തി​യി​രി​ക്കു​ന്നു. ന​ല്ലൊ​രു ശ​ത​മാ​നം ആ​ശ​യ വി​നി​മ​യ​വും ഇ​ത്ത​രം മാ​ധ്യ​മ​ങ്ങ​ളെ അ​ശ്ര​യി​ച്ചു​മി​രി​ക്കു​ന്നു. ആ​ധു​നി​ക സാ​ങ്കേ​തി​ക വി​ദ്യ ഉ​പ​യോ​ഗി​ച്ചു​ള്ള ആ​ശ​യ വി​നി​മ​യം ഇ​ന്നു വ​ള​രെ​യ​ധി​കം വ​ർ​ധി​ച്ചുക​ഴി​ഞ്ഞു. അ​തി​ന​നു​സ​രി​ച്ച് സാ​മൂ​ഹ്യ മാ​ധ്യ​മ​ങ്ങ​ളെ ദു​രു​പ​യോ​ഗം ചെ​യ്തു​കൊ​ണ്ടു​ള്ള സൈ​ബ​ർ കു​റ്റ​കൃ​ത്യ​ങ്ങ​ൾ പ​ല​ രൂ​പ​ത്തി​ലും ഭാ​വ​ത്തി​ലും ഏ​റി​വ​രു​ന്ന ഒ​രു കാ​ല​ഘ​ട്ട​ത്തി​ലാ​ണു നാം ​ഇ​ന്നു ജീ​വി​ക്കു​ന്ന​തും. എ​തി​രാ​ളി​ക​ളെ തെ​ര​ഞ്ഞു​പി​ടി​ച്ച് ആ​ക്ര​മി​ക്കു​ന്ന പ്ര​വ​ണ​ത സ​മൂ​ഹ​ത്തി​ൽ ഏ​റി​വ​രു​ന്നു​ണ്ട്.

പ​ണ്ടൊ​ക്കെ നേ​രി​ട്ടു​ള്ള ആ​ക്ര​മ​ണ​മാ​യി​രു​ന്നു ന​ട​ന്നി​രു​ന്ന​തെ​ങ്കി​ൽ ഇ​ന്നു ഒ​ളി​യ​ന്പു​ക​ളാ​ണ് ഏ​ൽ​ക്കു​ന്ന​ത്. ഇ​തി​ൽ കു​റേ​യൊ​ക്കെ ത​മാ​ശ രൂ​പേ​ണ സ്വീ​ക​ാര്യ​മാ​ണെ​ങ്കി​ലും വ്യ​ക്തിജീ​വി​ത​ത്തി​ലേ​ക്കും സ്വ​കാ​ര്യ​ത​യി​ലേ​ക്കും ക​ട​ക്കു​ന്ന​താ​ണു വി​ഷ​യ​ങ്ങ​ൾ​ക്കു കാ​ര​ണം. ഒ​രാ​ളു​ടെ ജീ​വി​തം ത​ക​ർ​ക്കാ​ൻ ഇ​ത്ത​രം ആ​ക്ര​മ​ണ​ങ്ങ​ൾ​ക്കു സാ​ധി​ക്കു​ന്നു. ഇ​തെ​ല്ലാം കു​റ്റ​കൃ​ത്യ​ങ്ങ​ളാ​ണെ​ങ്കി​ലും ദി​ന​വും ഈ ​ആ​ക്ര​മ​ണം വ​ർ​ധി​ച്ചു​വ​രു​ന്ന​താ​യാ​ണു കാ​ണാ​ൻ ക​ഴി​യു​ക.

സൈ​ബ​ർ​മേ​ഖ​ല അ​ഥ​വാ ക്രി​മി​ന​ൽ മേ​ഖ​ല

സൈ​ബ​ർ​മേ​ഖ​ല എ​ന്നാ​ൽ ക്രി​മി​ന​ൽ മേ​ഖ​ല എ​ന്നാ​യി മാ​റു​ക​യാ​ണ്. അ​തും വെ​റും ക്രി​മി​ന​ൽ മേ​ഖ​ല​യ​ല്ല, കൊ​ടും ക്രി​മി​ന​ൽ മേ​ഖ​ല. സൈ​ബ​ർ വ​ല​യി​ൽ കു​ടു​ങ്ങു​ന്ന​വ​രി​ൽ ന​ല്ലൊ​രു ശ​ത​മാ​ന​വും സ്ത്രീ​ക​ളാ​ണ്. സൈ​ബ​ർ മേ​ഖ​ല​വ​ഴി സ്വ​ത്ത് ത​ട്ടി​പ്പ്, അ​ഴി​മ​തി, പെ​ണ്‍​വാ​ണി​ഭം ഇ​വ​യ്ക്കെ​ല്ലാം ച​ടു​ല​മാ​യ വ​ള​ർ​ച്ച​യാ​ണ്. സ്ത്രീ​ക​ൾ​ക്ക് ഇ​തി​ന്‍റെ ആ​ഴ​മോ ഭീ​ഷ​ണി​ക​ളോ തി​രി​ച്ച​റി​യാ​നാ​വാ​ത്ത​താ​ണ് ഇ​വ​ർ കു​ടു​ങ്ങു​വാ​ൻ കാ​ര​ണം. സൈ​ബ​ർ കു​റ്റ​ങ്ങ​ളു​ടെ വ​ള​ർ​ച്ച​യാ​ക​ട്ടെ ആ​ഗോ​ള കു​റ്റ​കൃ​ത്യ​ങ്ങ​ളു​ടെ 35 ശ​ത​മാ​ന​ത്തി​ലേ​റെ​യെ​ന്നാ​ണു ക​ണ​ക്ക്.

ഒ​രു മി​നി​ട്ടി​ൽ നൂ​റ്റി അ​ന്പ​തോ​ളം ഇ​ര​ക​ളെ​യാ​ണു സൈ​ബ​ർ ക്രൈം ​മേ​ഖ​ല​യ്ക്കു ല​ഭി​ക്കു​ന്ന​ത്. പ്ര​ധാ​ന​മാ​യ ഒ​രു വ​സ്തു​ത സൈ​ബ​ർ പ്ര​തി​ക​ൾ ശി​ക്ഷി​ക്ക​പ്പെ​ടാ​തെ പോ​കു​ന്നു എ​ന്ന​താ​ണ്. ഏ​തെ​ങ്കി​ലും സാ​മൂ​ഹ്യ മാ​ധ്യ​മ​ങ്ങ​ളു​ടെ സ​ഹാ​യ​ത്താ​ൽ മ​റ്റൊ​രു വ്യ​ക്തി​യെ മെ​സേജു​ക​ളി​ലൂ​ടെ​യോ മ​റ്റെ​തെ​ങ്കി​ലും വി​ധേ​ന​യോ അ​യാ​ളു​ടെ വി​കാ​ര​ങ്ങ​ളെ വ്ര​ണ​പ്പെ​ടു​ത്തു​ക​യോ ഭ​യ​പ്പെ​ടു​ത്തു​ക​യോ ഭീ​ഷ​ണി​പ്പെ​ടു​ത്തു​ക​യോ വ​ഴി ഉ​പ​ദ്ര​വി​ക്കാ​ൻ ശ്ര​മി​ക്കു​ന്ന പ്ര​വൃ​ത്തി​യെ "സൈ​ബ​ർ ബു​ള്ളി​ യി​ംഗ്' എ​ന്നാ​ണ് പ​റ​യു​ക. ഒ​രു വ്യ​ക്തി​യെ പ്ര​ത്യേ​ക ഉ​ദ്ദേ​ശ്യത്തോ​ടു കൂ​ടി ഏ​തെ​ങ്കി​ലും ഗ്രൂ​പ്പി​ൽ​നി​ന്ന് ഒ​റ്റ​പ്പെ​ടു​ത്തി മാ​റ്റി നി​ർ​ത്തു​ക, വ്യ​ക്തി​യെ വേ​ദ​നി​പ്പി​ക്കു​ന്ന ത​ര​ത്തി​ലോ ഭീ​ഷ​ണി​പ്പെ​ടു​ത്തു​ന്ന ത​ര​ത്തി​ലോ ഉള്ള സ​ന്ദേ​ശ​ങ്ങ​ള​യ​യ്ക്കു​ക, അ​നാ​വ​ശ്യ​മാ​യ മെ​സേജു​ക​ൾ മ​റ്റൊ​രാ​ളു​ടെ പേ​ജി​ൽ ടാ​ഗ് ചെ​യ്യു​ക, മ​റ്റൊ​രാ​ളു​ടെ അ​ക്കൗ​ണ്ട് ഹാ​ക്ക് ചെ​യ്തു​കൊ​ണ്ടു ദു​രു​പ​യോ​ഗം ചെ​യ്യു​ക, മ​റ്റൊ​രാ​ളു​ടെ വി​കാ​ര​ങ്ങ​ളെ വ്ര​ണ​പ്പെ​ടു​ത്തു​ന്ന ത​ര​ത്തി​ൽ വ​ള​രെ ആ​ക്ര​മ​ണ സ്വ​ഭാ​വ​മു​ള്ള സ​ന്ദേ​ശ​ങ്ങ​ള​യ​ച്ചു​കൊ​ണ്ടേ​യി​രി​ക്കു​ക, അ​തു​പോ​ലെ ത​ന്നെ ഒ​ന്നി​ല​ധി​കം പ്രൊ​ഫൈ​ലു​ക​ളു​പ​യോ​ഗി​ച്ചും മ​റ്റും പ​ല​രോ​ടു​മാ​യി സം​വ​ദി​ക്കു​ക​യും വ്യ​ക്തി ബ​ന്ധ​ങ്ങ​ൾ സ്ഥാ​പി​ച്ചു​കൊ​ണ്ടു ഭീ​ഷ​ണി​പ്പെ​ടു​ത്തി പ​ണം ത​ട്ടി​യെ​ടു​ക്കു​ന്ന ത​ര​ത്തി​ലു​ള്ള പ്ര​വ​ണ​ത​യും ലൈം​ഗി​ക പീ​ഡ​ന​ങ്ങ​ളുമൊക്കെ സ​ർ​വ​സാ​ധാ​ര​ണ​മാ​യി​ക്കൊ​ണ്ടി​രി​ക്കു​ന്നു. ഇ​തി​നെ​തി​രെ സ​മൂ​ഹ​ത്തി​ന്‍റെ വി​വി​ധ​ത​ല​ങ്ങ​ളി​ൽ​നി​ന്നു ശ​ക്ത​മാ​യ പ്ര​തി​ക​ര​ണ​ങ്ങ​ൾ ഉ​ണ്ടാ​കു​ന്നു​ണ്ടെ​ങ്കി​ലും തു​ട​ർ ന​ട​പ​ടി​ക​ൾ ന​ന്നേ കു​റ​വാ​ണെ​ന്ന​താ​ണു വ​സ്തു​ത.


മാ​ന്യ​മാ​യ സൈ​ബ​ർ പെ​രു​മാ​റ്റം

സൈ​ബ​ർ ലോ​ക​ത്തെ പ​ര​സ്പ​ര പ്ര​വ​ർ​ത്ത​ന​ത്തി​നി​ട​യി​ൽ ന​മ്മ​ൾ പാ​ലി​ക്കാ​നു​ള്ള ചി​ല മ​ര്യാ​ദ​ക​ളും ക​ട​മ​ക​ളും നി​യ​മ​പ​ര​മാ​യ ബാ​ധ്യ​ത​ക​ളു​മു​ണ്ട്. ഇ​ന്‍റ​ർ​നെ​റ്റ്, സോ​ഷ്യ​ൽ മീ​ഡി​യ ഉ​പ​യോ​ഗി​ച്ചു പ​ഠ​നം ന​ട​ത്തു​ന്ന രീ​തി​യി​ലേ​ക്കു വി​ദ്യാ​ർ​ഥി​ക​ൾ​ക്കു മാ​റാ​ൻ ക​ഴി​യ​ണം. സോ​ഷ്യ​ൽ മീ​ഡി​യ​യും ഇ​ന്‍റ​ർ​നെ​റ്റും ഫ​ല​പ്ര​ദ​മാ​യി ഉ​പ​യോ​ഗി​ച്ച് പ​ഠി​ക്കാ​ൻ അ​ധ്യാപ​ക​രും ര​ക്ഷാക​ർ​ത്താ​ക്ക​ളും വ​ഴി​കാ​ട്ടി​ക​ളാ​കേ​ണ്ട​തു​ണ്ട്. ഓ​രോ ദി​വ​സ​വും അ​റി​വു​ക​ൾ മാ​റി വ​രു​ന്നു. എ​ന്നാ​ൽ പാ​ഠ​പു​സ്ത​ക​ത്തി​ലെ അ​റി​വു​ക​ൾ എ​ളു​പ്പം മാ​റു​ന്നി​ല്ല. സ​ഹ​വ​ർ​ത്തി​ത്വ പ​ഠ​ന​ത്തി​ന്‍റെ പു​തി​യ മേ​ഖ​ല​ക​ൾ സോ​ഷ്യ​ൽ മീ​ഡി​യ തു​റ​ന്നു ത​രു​ന്നു. ഓ​രോ കു​ട്ടി​യും സൈ​ബ​ർ ലോ​ക​ത്ത് സാ​മൂ​ഹ്യ​വ​ൽ​ക്ക​രി​ക്ക​പ്പെ​ടേ​ണ്ട​തു​ണ്ട്.

വി​ക​സി​ത രാ​ജ്യ​ങ്ങ​ളി​ൽ ഇ​ന്‍റ​ർ​നെ​റ്റ് ഉ​പ​യോ​ഗ​ത്താ​ൽ വി​ദ്യാ​ഭ്യാ​സം ആ​ധു​നി​ക​വ​ത്കരി​ക്ക​പ്പെ​ട്ടു​കൊ​ണ്ടി​രി​ക്കു​ക​യാ​ണ്. എ​ന്നാ​ൽ വി​വ​ര സാ​ങ്കേ​തി​ക വി​ദ്യ​യു​ടെ സാ​ധ്യ​ത​ക​ളെ​പ്പ​റ്റി ന​മ്മു​ടെ അ​വ​ബോ​ധം അ​ത്ര മി​ക​ച്ച​ത​ല്ല. സോ​ഷ്യ​ൽ മീ​ഡി​യ​യും ഇ​ന്‍റ​ർ​നെ​റ്റും കു​ട്ടി​ക​ളെ പ​ഠ​ന​ത്തി​ൽ താ​ല്പ​ര്യം കു​റ​യ്ക്കും, സ്വ​ഭാ​വം മോ​ശ​മാ​കും എ​ന്നൊ​ക്കെ​യു​ള്ള ചി​ന്ത​ക​ളാ​ണു ന​മു​ക്കു​ള്ള​ത്. യ​ഥാ​ർ​ഥത്തി​ൽ പ്രാ​യോ​ഗി​ക ത​ല​ത്തി​ൽ​നി​ന്നു​കൊ​ണ്ടു വേ​ണം ന​മ്മ​ൾ ഇ​ക്കാ​ര്യ​ത്തെ സ​മീ​പി​ക്കാ​ൻ. അ​പ​ക​ടം ഉ​ണ്ടാ​കു​മെ​ന്നു ക​രു​തി ഒ​രാ​ളും റോ​ഡി​ലൂ​ടെ ന​ട​ക്കാ​തി​രി​ക്കു​ന്നി​ല്ല, വാ​ഹ​നം ഒ​ാടി​ക്കാ​തി​രി​ക്കു​ന്നി​ല്ല, ശ്ര​ദ്ധ​യോ​ടെ ചെ​യ്താ​ൽ അ​പ​ക​ടം ഒ​ഴി​വാ​ക്കാ​ൻ ക​ഴി​യു​മെ​ന്ന ബോ​ധ​മാ​ണു രൂ​പ​പ്പെ​ടു​ത്തേ​ണ്ട​ത്.

സൈ​ബ​ർ ഇ​ട​പെ​ട​ലു​ക​ൾ ന​ട​ത്തു​ന്പോ​ഴും ഇ​തു​പോ​ലു​ള്ള ബോ​ധം രൂ​പ​പ്പെ​ടേ​ണ്ട​തു​ണ്ട്. കു​റ്റ​വാ​സ​ന​യു​ള്ള​വ​ർ ആ​ധു​നി​ക ടെ​ക്നോ​ള​ജി ദു​രു​പ​യോ​ഗം ചെ​യ്യും. ത​ങ്ങ​ൾ ചെ​യ്യു​ന്ന​തു കു​റ്റ​കൃ​ത്യ​മാ​ണെ​ന്ന​റി​യാ​തെ പ​ല​രും കു​റ്റം ചെ​യ്യാ​നി​ട​യു​ണ്ട്. ഒ​രു രാ​ജ്യ​ത്തി​രു​ന്നു​കൊ​ണ്ടു മ​റ്റൊ​രു രാ​ജ്യ​ത്ത് കു​റ്റ​കൃ​ത്യ​ത്തി​ലേ​ർ​പ്പെ​ടാ​ൻ ക​ഴി​യും. ഓ​രോ രാ​ജ്യ​ത്തി​ലെ​യും സൈ​ബ​ർ നി​യ​മ​ങ്ങ​ളി​ൽ വ്യ​ത്യാ​സ​മു​ണ്ട്. സൈ​ബ​ർ നി​യ​മ​ങ്ങ​ളെ കു​റ്റ​മ​റ്റ​താ​ക്കാ​നു​ള്ള ശ്ര​മ​ങ്ങ​ൾ ലോ​ക​ത്താ​ക​മാ​നം ന​ട​ന്നു​കൊ​ണ്ടി​രി​ക്കു​ന്നു​ണ്ട്. മാ​ന്യ​മാ​യ സൈ​ബ​ർ പെ​രു​മാ​റ്റ​മി​ല്ലെ​ങ്കി​ൽ ഒ​രാ​ളു​ടെ ജോ​ലി​ത​ന്നെ ന​ഷ്ട​പ്പെ​ടാം.

ജാ​ഗ്ര​തൈ, പി​ന്നി​ൽ ക​ണ്ണു​ണ്ട്

സൈ​ബ​ർ ലോ​ക​ത്തു​ള്ള ഓ​രോ പ്ര​വ​ർ​ത്ത​ന​വും ഏ​വ​രും സൂ​ക്ഷി​ച്ചു ചെ​യ്യേ​ണ്ട​താ​ണ്. ന​മ്മു​ടെ ഇ​ട​പെ​ട​ലു​ക​ളും പ്ര​വ​ർ​ത്ത​ന​ങ്ങ​ളും ഫേ​സ്ബു​ക്കി​ലും വാ​ട്സ് ആ​പ്പി​ലും ഇ-​മെ​യി​ലി​ലും ഇ​ന്‍റ​ർ​നെ​റ്റി​ലു​മൊ​ക്കെ നി​ഗൂ​ഢ​മാ​യി അ​വ​ശേ​ഷി​ക്ക​പ്പെ​ടു​ന്ന​താ​ണ്. അ​തെ​ല്ലാം ക​ർ​ക്ക​ശ​മാ​യ സൈ​ബ​ർ നി​യ​മ​ങ്ങ​ളു​ടെ നി​ഷേ​ധി​ക്കാ​നാ​കാ​ത്ത തെ​ളി​വു​ക​ൾ ആ​യി മാ​റു​ക​യും ചെ​യ്യു​ന്നു. സം​ശ​യം തോ​ന്നു​ന്ന​വ​രു​ടെ ഓ​ണ്‍​ലൈ​ൻ പ്ര​വ​ർ​ത്ത​ന​ങ്ങ​ൾ നി​രീ​ക്ഷി​ക്കാ​നു​ള്ള നി​യ​മ പ​രി​ര​ക്ഷ അ​ന്വേഷ​ണ ഏ​ജ​ൻ​സി​ക​ൾ​ക്കു​ണ്ട്. സാ​മൂ​ഹി​ക വി​രു​ദ്ധ പ്ര​വൃത്തി​ക​ളി​ൽ ഏ​ർ​പ്പെ​ടു​ന്ന​വ​രു​ടെ ഫോ​ണ്‍​കോ​ളു​ക​ളും സോ​ഷ്യ​ൽ മീ​ഡി​യ പ്ര​വ​ർ​ത്ത​നങ്ങ​ളും അ​ധി​കൃ​ത​ർ നി​രീ​ക്ഷി​ക്കു​ന്നു​ണ്ട്. ആ​ധു​നി​ക ലോ​ക​ത്ത് നാം ​ഒ​രോ​രു​ത്ത​രും കൂ​ടു​ത​ൽ സു​താ​ര്യ​മാ​യി പ്ര​വ​ർ​ത്തി​ക്കേ​ണ്ടി​യി​രി​ക്കു​ന്നു. സൈ​ബ​ർ ലോ​ക​ത്ത് വ​ള​രെ സൗ​ക​ര്യ​പ്ര​ദ​മാ​യ ഒ​രു ഇ​രി​പ്പി​ടം എ​ല്ലാ വ്യ​ക്തി​ക​ൾ​ക്കും ല​ഭി​ക്കു​ന്നു​ണ്ട്.
എ​ന്നാ​ൽ, ഇ​വ ന​ന്നാ​യി ഉ​പ​യോ​ഗി​ക്ക​ണ​മെ​ന്നു​മാ​ത്രം. എ​ന്തു​കൊ​ണ്ടാ​ണ് ആ​ളു​ക​ൾ മ​റ്റു​ള്ള​വ​രെ സൈ​ബ​ർ മാ​ർ​ഗ​ത്തി​ലൂ​ടെ അ​ക്ര​മി​ക്കു​ന്ന​തെ​ന്നും ഏ​തു ത​രം വ്യ​ക്തി​ത്വ​മു​ള്ള​വ​രാ​ണ് ഇ​ത്ത​രം പെ​രു​മാ​റ്റ​ങ്ങ​ളി​ലേ​ക്കു വ​ഴി തി​രി​യു​ന്ന​തെ​ന്നു​മു​ള്ള ത​ര​ത്തി​ലു​ള്ള മ​ന​ഃശാ​സ്ത്ര പ​ഠ​ന​ങ്ങ​ൾ കു​റ​വാ​ണ്. സ്വ​ന്തം ആ​ഗ്ര​ഹ​ങ്ങ​ൾ​ക്കും താ​ല്പ​ര്യ​ങ്ങ​ൾ​ക്കും മാ​ത്രം പ്രാ​ധാ​ന്യം കൊ​ടു​ക്കു​ക​യും ആ​ത്മാ​ർ​ഥത​യു​ള്ള വ്യ​ക്തിബ​ന്ധ​ങ്ങ​ൾ​ക്കു​മ​പ്പു​റം പ​ണ​ത്തി​നും അ​ധി​കാ​ര​ത്തി​നു​മൊ​ക്കെ പ്രാ​ധാ​ന്യം കൊ​ടു​ക്കു​ക​യും ചെ​യ്യു​ന്ന​വ​രാ​ണ് സൈ​ബ​ർ ആ​ക്ര​മ​ണ​ത്തി​നു പി​ന്നി​ലു​ള്ള ഒ​രു വി​ഭാ​ഗം. പൊ​തു​വേ മ​റ്റു​ള്ള​വ​രു​ടെ ശ്ര​ദ്ധ ത​ന്നി​ലേ​ക്കാ​ക​ർ​ഷി​ക്കു​വാ​ൻ പ്രാ​പ്തി​യു​ള്ള​വ​രും അ​തി​ൽ ആ​ത്മ​വി​ശ്വാ​സ​മു​ള്ള​വ​രു​മാ​ണി​ത്ത​ര​ക്കാ​ർ. എ​ന്നാ​ൽ ആ​രോ​ടും അ​ത്ര വൈ​കാ​രി​ക​മാ​യ അ​ടു​പ്പം കാ​ത്തുസൂ​ക്ഷി​ക്കാ​ൻ ഇ​വ​ർ​ക്കു സാ​ധി​ക്കു​ക​യു​മി​ല്ല. സ്വ​ന്തം നേ​ട്ട​ങ്ങ​ൾ​ക്കു​വേ​ണ്ടി വ​സ്തു​ത​ക​ൾ വ​ള​ച്ചൊ​ടി​ക്കു​ന്ന​വ​രും കാ​ര്യ​മാ​യി നു​ണ​ക​ൾ നെ​യ്തെ​ടു​ക്കു​ന്ന​വ​രു​മാ​ണി​വ​ർ. സൈ​ബ​ർ മേ​ഖ​ല സ്ത്രീ​ക​ൾ​ക്കാ​ണു കൂ​ടു​ത​ൽ അ​പ​ക​ട​ക​ര​മെ​ന്ന തി​രി​ച്ച​റി​വ് പെ​ണ്‍​കു​ട്ടി​ക​ൾ​ക്കും അ​മ്മ​മാ​ർ​ക്കും ന​ൽ​കേ​ണ്ട​താ​ണ്. ചൂ​ഷ​ണാ​ത്മ​ക​മാ​യ വ​ശ​ങ്ങ​ൾ​ക്കെ​തി​രേ എ​പ്പോ​ഴും ജാ​ഗ്ര​ത പു​ല​ർ​ത്ത​ണം.

റോബിൻ ജോർജ്