ശിവദാസന്‍ ചുമടെടുക്കുന്നത് വിശക്കുന്നവന് അന്നം തേടാന്‍
വി​ശ​ന്നു​വ​ല​യു​ന്ന​വ​രെ ഭ​ക്ഷി​പ്പി​ക്കു​ന്ന​തി​നേ​ക്കാ​ൾ വ​ലി​യ പു​ണ്യ​ക​ർ​മ​മി​ല്ല. ഒ​രു നേ​ര​ത്തെ ഭ​ക്ഷ​ണ​ത്തി​നു വേ​ണ്ടി തെ​രു​വി​ൽ അ​ല​യു​ന്ന​വ​ർ ഇ​പ്പോ​ഴും ന​മ്മു​ടെ ചു​റ്റി​ലു​മു​ണ്ട്. ദൈ​ന്യ​ത​യാ​ർ​ന്ന നോ​ട്ട​വു​മാ​യി ന​ട​ന്ന​ക​ലു​ന്ന അ​വ​രെ പ​ല​രും അ​വ​ഗ​ണി​ക്കാ​റാ​ണ് പ​തി​വ്. വ​ല്ല ചാ​രി​റ്റി ട്ര​സ്റ്റോ സ​ർ​ക്കാ​ർ ഏ​ജ​ൻ​സി​ക​ളോ ചെ​യ്യ​ട്ടെ എ​ന്ന മ​നോ​ഭാ​വ​മാ​ണ് പ​ല​ർ​ക്കും. അ​വി​ടെ​യാ​ണ് ശി​വ​ദാ​സ​ൻ എ​ന്ന മ​ല​പ്പു​റം ച​ങ്ങ​രം​കു​ളം സ്വ​ദേ​ശി​യു​ടെ ഹൃ​ദ​യ​വ​ലി​പ്പം തൊ​ട്ട​റി​യേ​ണ്ട​ത്.

ശി​വ​ദാ​സ​ൻ ചു​മ​ടെ​ടു​ക്കു​ന്ന​ത് വി​ശ​ക്കു​ന്ന​വ​ന് അ​ന്നം തേ​ടാ​നാ​ണെ​ന്ന​റി​യു​ന്പോ​ൾ ന​മ്മു​ടെ ചി​ന്താ​ഗ​തി​ക​ളെ​​ല്ലാം മാ​റി മ​റി​യും. ക​ഷ്ട​പ്പാ​ടു​ക​ൾ നി​റ​ഞ്ഞ ജീ​വി​ത​ത്തി​നി​ട​യി​ലും ശി​വ​ദാ​സ​ൻ എ​ന്ന ചു​മ​ട്ട് തൊ​ഴി​ലാ​ളി​യു​ടെ ജീ​വി​തം ഉ​ഴി​ഞ്ഞു​വ​ച്ചി​രി​ക്കു​ന്ന​ത് ഒ​രു നേ​ര​ത്തെ അ​ന്ന​ത്തി​നു വേ​ണ്ടി അ​ല​യു​ന്ന​വ​ർ​ക്കാ​ണ്.

തെ​രു​വി​ൽ ഉ​റ​ങ്ങു​ന്ന​വ​ർ​ക്കും അ​നാ​ഥ​രും അ​ശ​ര​ണ​രു​മാ​യ​വ​ർ​ക്കും ശി​വ​ദാ​സ​ൻ ഭ​ക്ഷ​ണ​പൊ​തി​ക​ളു​മാ​യെ​ത്തും. പ്ര​ദേ​ശ​ത്തെ വി​വാ​ഹ വീ​ടു​ക​ളി​ലും മ​റ്റു ച​ട​ങ്ങു​ക​ളി​ലും ബാ​ക്കി വ​രു​ന്ന ഭ​ക്ഷ​ണ​ം കു​ഴി കു​ത്തി മൂ​ടു​ന്ന ശീ​ല​ങ്ങ​ൾ വ​രെ പ്ര​ദേ​ശ​വാ​സി​ക​ൾ മാ​റ്റിത്തു​ട​ങ്ങി​യ​ത് ശി​വ​ദാ​സ​ന്‍റെ ക​ട​ന്ന് വ​ര​വി​ലൂ​ടെ​യാ​ണ്. ഏ​ത് ആ​ഘോ​ഷ വേ​ള​ക​ളി​ലും ബാ​ക്കി വ​രു​ന്ന ഭ​ക്ഷ​ണം ശി​വ​ദാ​സ​നു​ള്ള​താ​ണ്. ബാ​ക്കി വ​രു​ന്ന ഭ​ക്ഷ​ണ​ം പൊ​തി​ക​ളാ​ക്കി പ്ര​ദേ​ശ​ത്തെ അ​നാ​ഥാ​ല​ങ്ങ​ളി​ലോ അ​ഗ​തി​മ​ന്ദി​ര​ങ്ങ​ളി​ലോ എ​ത്തി​ച്ച് കൊ​ടു​ക്കു​ന്ന​തു വ​രെ ശി​വ​ദാ​സ​ന് മ​റ്റ് ജോ​ലി​ക​ളി​ല്ല. വീ​ടും നാ​ടും അ​റി​യാ​തെ റോ​ഡ​രി​കി​ൽ അ​ന്തി​യു​റ​ങ്ങു​ന്ന​വ​ർ​ക്ക് പ​ല​പ്പോ​ഴും ശി​വ​ദാ​സ​ൻ ത​ന്നെ​യാ​ണ് ര​ക്ഷി​താ​വ്. എ​ത്ര തി​ര​ക്കി​നി​ട​യി​ലും വ​ഴി​യ​രി​കി​ൽ അ​ന്തി​യു​റ​ങ്ങു​ന്ന​വ​ർ​ക്ക് പൊ​തി​ച്ചോ​റു​മാ​യി ശി​വ​ദാ​സ​ൻ എ​ത്തും.

അ​ശ​ര​ണ​രെ സം​ര​ക്ഷി​ക്കു​ന്ന കേ​ന്ദ്ര​ങ്ങ​ളി​ൽ വി​ശേ​ഷ​ദി​വ​സ​ങ്ങ​ളി​ൽ നെ​യ്ച്ചോ​റും ബി​രി​യാ​ണി​യു​മാ​യി പ​തി​വാ​യി എ​ത്താ​നും അ​ദ്ദേ​ഹം മ​റ​ക്കാ​റി​ല്ല. ത​ങ്ങ​ളു​ടെ ഇ​ല്ലാ​യ്മ​ക​ൾ പ​റ​ഞ്ഞു മാ​റി നി​ൽ​ക്കു​ന്ന​വ​ർ​ക്കും ഭ​ക്ഷ​ണ​പ്പൊ​തി മോ​ഷ്ടി​ച്ച​വ​നെ അ​ടി​ച്ച് കൊ​ല്ലു​ന്ന സ​ദാ​ചാ​ര​വാ​ദി​ക​ളാ​യ മ​ല​യാ​ളി​ക​ൾ​ക്കും ഒ​രു മാ​തൃ​ക​യാ​വണം ശി​വ​ദാ​സി​ന്‍റെ സ്നേ​ഹ​പ്പൊ​തി​ക​ൾ.

ച​ങ്ങ​രം​കു​ള​ത്തെ കാ​രു​ണ്യ​ദൂ​ത​ൻ

പ​ത്തു വ​ർ​ഷം മു​ന്പാ​ണ് ശി​വ​ദാ​സ​ൻ ച​ങ്ങ​രം​കു​ള​ത്ത് ചു​മ​ട്ടുതൊ​ഴി​ലാ​ളി​യാ​യി എ​ത്തു​ന്ന​ത്. ത​മി​ഴ് ക​ല​ർ​ന്ന മ​ല​യാ​ളം സം​സാ​രി​ക്കു​ന്ന ശി​വ​ദാ​സ​നെ​ന്ന ചു​മ​ട്ടുതൊ​ഴി​ലാ​ളി​യെ പ​രി​സ​ര​വാ​സി​ക​ളി​ൽ ആ​രും അ​ത്ര അ​ടു​ത്ത​റി​ഞ്ഞി​രു​ന്നി​ല്ല. വി​ശ​പ്പി​ന്‍റെ വേ​ദ​ന അ​റി​യു​ന്ന​വ​ർ​ക്കി​ട​യി​ൽ ശി​വ​ദാ​സ​ന്‍റെ കാ​രു​ണ്യ​കൈ​ക​ൾ നി​ശബ്ദ​മാ​യി എ​ത്തി​യി​രു​ന്നു.

ജീ​വി​തം പ​ച്ചപി​ടി​പ്പി​ക്കാ​ൻ മാ​ത്ര​മ​ല്ല ചു​മ​ടെ​ടു​ക്കു​ന്ന​ത്, അ​തി​ലൂ​ടെ സ​ഹ​ജീ​വി​ക​ളു​ടെ ക​ണ്ണീ​രൊ​പ്പാ​നും ആ​ശ്വാ​സ​മാ​കാ​നും ശി​വ​ദാ​സ​ൻ ഓ​ടി ന​ട​ന്നു. ലാ​ഭേ​ച്ഛ​യി​ല്ലാ​തെ നാ​ട്ടി​ൽ കാ​രു​ണ്യ​പ്ര​വൃത്ത​നം ന​ട​ത്തു​ന്ന ശി​വ​ദാ​സ​ന് ഏ​വ​രു​ടെ​യും പ്രി​യ​പ്പെ​ട്ട​വ​നാ​കാ​ൻ അ​ധി​ക​നാ​ൾ വേ​ണ്ടി​വ​ന്നി​ല്ല.

ശി​വ​ദാ​സ​നെ അ​ടു​ത്ത​റി​യാ​ൻ തു​ട​ങ്ങി​യ​തോ​ടെ ശി​വ​ദാ​സ​ൻ ചെ​യ്തുവ​രു​ന്ന ക​രു​ണ നി​റ​ഞ്ഞ പ്ര​വ​ർ​ത്തി​ക​ളും പു​റം​ലോ​കം അ​റി​ഞ്ഞു തു​ട​ങ്ങി. ജീ​വി​തം ത​ന്നെ ജീ​വ​കാ​രു​ണ്യ​പ്ര​വ​ർ​ത്ത​ന​ങ്ങ​ൾ​ക്ക് വേ​ണ്ടി ഉ​ഴി​ഞ്ഞുവ​ച്ച ശി​വ​ദാ​സ​ൻ രോ​ഗം കൊ​ണ്ട് വ​ല​യു​ന്ന​വ​ര​ട​ക്കം നി​ര​വ​ധി പേ​ർ​ക്ക് ത​ണ​ൽ വി​രി​ക്കു​ക​യാ​ണ്.

പ്രാ​ഥ​മി​ക വി​ദ്യാ​ഭ്യാ​സം മാ​ത്ര​മു​ള്ള ശി​വ​ദാ​സ​ന്‍റെ മൊ​ബൈ​ലി​ലേ​ക്ക് ദി​വ​സേ​ന​യെ​ത്തു​ന്ന കോ​ളു​ക​ൾ ബി​സി​ന​സ് ആ​വ​ശ്യ​ങ്ങ​ൾ​ക്കോ നേ​രം പോ​ക്കി​നോ അ​ല്ല. ഭ​ക്ഷ​ണം, വ​സ്ത്രം, പു​സ്ത​കം, ത​ല ചാ​യ്ക്കാ​നൊ​രി​ടം ഇ​ങ്ങ​നെ പോ​വു​ന്ന നി​ര​വ​ധി ആ​വ​ശ്യ​ങ്ങ​ൾ. ഒ​ന്നും ത​ന്നെ ക​ണ്ടി​ല്ലെ​ന്ന് ന​ടി​ക്കാ​ൻ ശി​വ​ദാ​സ​ന് ക​ഴി​യി​ല്ല. തെ​രു​വി​ന്‍റെ ദാ​രി​ദ്ര്യ​വും നി​സ​ഹാ​യ​ത​യും പ​ല​പ്പോ​ഴും പ​ല​രും ക​ണ്ണ​ട​ച്ച​വ​ഗ​ണി​ക്കു​ന്പോ​ഴും, ആ ​കാ​ഴ്ച​ക​ൾ ത​രു​ന്ന വേ​ദ​ന സ്വ​യ​മേ​റ്റെ​ടു​ത്ത് പു​റം​ത​ള്ള​പ്പെ​ട്ട മ​നു​ഷ്യ​രു​ടെ ആ​ശ്വാ​സ​മാ​യി മാ​റു​ക​യാ​ണ് ശി​വ​ദാ​സ​ൻ.


രോ​ഗീ​പ​രി​ച​ര​ണം ജീ​വി​ത​ച​ര്യ​ക​ളു​ടെ ഭാ​ഗം

കാ​രു​ണ്യം പാ​ലീ​യേ​റ്റീ​വ് കെ​യ​റി​ലെ വോ​ള​ണ്ടി​യ​റാ​യ ശി​വ​ദാ​സ​ന് രോ​ഗീപ​രി​ച​ര​ണ​വും ജീ​വ​കാ​രു​ണ്യ​പ്ര​വ​ർ​ത്ത​ന​ങ്ങ​ളും ജീ​വി​ത​ച​ര്യ​ക​ളു​ടെ ഭാ​ഗ​മാ​ണ്. അ​പ​ക​ട​ത്തി​ൽ​പ്പെ​ടു​ന്ന​വ​രെ ആ​ശു​പ​ത്രി​യി​ൽ എ​ത്തി​ക്കു​ന്ന​തി​നും രോ​ഗി​ക​ളെ പ​രി​ച​രി​ക്കു​ന്ന​തി​നും ശി​വ​ദാ​സ​ൻ മു​ൻ​പി​ലു​ണ്ടാ​കും. ആ​രും തു​ണ​യി​ല്ലാ​ത്ത വ​യോ​ധി​ക​ർ​ക്കും വി​ധ​വ​ക​ൾ​ക്കും അ​നാ​ഥ​ർ​ക്കും ശി​വ​ദാ​സ​ൻ വ​സ്ത്ര​ങ്ങ​ൾ ശേ​ഖ​രി​ച്ചും ഭ​ക്ഷ്യ​വ​സ്തു​ക്ക​ൾ സ​മാ​ഹ​രി​ച്ചും വീ​ടു​ക​ളി​ൽ എ​ത്തി​ക്കു​ന്നു. ച​ങ്ങ​രം​കു​ള​ത്തെ നൂ​റ് ക​ണ​ക്കി​ന് കാ​ൻ​സ​ർ, കി​ഡ്നി രോ​ഗി​ക​ൾ​ക്ക് പ​രി​ച​ര​ണം ന​ൽ​കി വ​രു​ന്നു. ശി​വ​ദാ​സ​ന്‍റെ ഒ​റ്റ​യാ​ൾ പ്ര​വ​ർ​ത്ത​ന​ങ്ങ​ൾ ക​ണ്ട​റി​ഞ്ഞ പ്ര​ദേ​ശ​വാ​സി​ക​ൾ പ്ര​വ​ർ​ത്ത​ന​ത്തി​ന് വേ​ണ്ട സ​ഹാ​യ​ങ്ങ​ൾ ന​ൽ​കി കൂ​ടെ നി​ൽ​ക്കാ​നും തു​ട​ങ്ങി.

മ​ധു​വി​നെപ്പോലു​ള്ള​വ​ർ ഇ​നി ഉ​ണ്ടാ​വാ​തി​രി​ക്ക​ട്ടെ

വി​ശ​പ്പി​ന്‍റെ വി​ളി​യാ​ൽ മ​ടു​ത്ത​വ​രെ ജീ​വി​ത​ത്തി​ലേ​ക്ക് പി​ടി​ച്ചു കൊ​ണ്ടു വ​രാ​ൻ ശ്ര​മി​ക്കു​ക​യാ​ണ് ല​ക്ഷ്യ​മെ​ന്നും മ​ധു​വി​നെപ്പോ​ലു​ള്ള​വ​ർ കേ​ര​ള​ത്തി​ൽ ഇ​നി ഉ​ണ്ടാ​വാ​തി​രി​ക്ക​ട്ടെ എ​ന്നും ഈ ​ചു​മ​ട്ടു​തൊ​ഴി​ലാ​ളി പ്ര​ത്യാ​ശ പ്ര​ക​ടി​പ്പി​ക്കു​ന്നു. ധാ​രാ​ളം പ​ണം ക​യ്യി​ലു​ള്ള​വ​ർ​ക്ക് മാ​ത്ര​മെ മ​റ്റു​ള്ള​വ​രെ സ​ഹാ​യി​ക്കാ​ൻ ക​ഴി​യൂ എ​ന്ന മ​നോ​ഭാ​വ​മാ​ണ് പ​ല​ർ​ക്കും.

നി​ർ​ധ​ന​രാ​യ കു​ട്ടി​ക​ൾ​ക്ക് വ​സ്ത്ര​ങ്ങ​ളോ മറ്റോ ന​ൽ​ക​ണ​മെ​ങ്കി​ൽ ഏ​തെ​ങ്കി​ലും സം​ഘ​ട​ന​യു​ടെ​യോ കൂ​ട്ടാ​യ്മ​യു​ടെ​യോ സ​ഹാ​യം വേ​ണ​മെ​ന്ന നി​ല​യു​മു​ണ്ട്. വി​ശ​ക്കു​ന്ന​വ​ന് ഭ​ക്ഷ​ണ​മെ​ത്തി​ക്കാ​നും വേ​ണം ചി​ല​ർ​ക്കെ​ല്ലാം പ​ര​സ​ഹാ​യം. ഇ​വി​ടെ​യാ​ണ് കാ​രു​ണ്യ​മേ​ഖ​ല​യി​ലെ ശി​വ​ദാ​സി​നെ​പ്പോ​ലു​ള്ള​വ​രു​ടെ മ​ഹ​ത്വം ദ​ർ​ശി​ക്കാ​ൻ.

കാ​രു​ണ്യ​പ്ര​വ​ർ​ത്ത​നം ’പ്ര​ക​ടി​പ്പി​ച്ച്’ അ​തി​ന്‍റെ ഒ​രു ഫോ​ട്ടോ എ​ടു​ത്ത് സോ​ഷ്യ​ൽ മീ​ഡി​യ​ക​ളി​ൽ പ്ര​ച​രി​പ്പി​ച്ച് കി​ട്ടു​ന്ന ലൈ​ക്കി​നു വേ​ണ്ടി ചാ​രി​റ്റി പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന സം​ഘ​ട​ന​ക​ളും കൂ​ട്ടാ​യ്മ​ക​ളും ഒ​രു​പാ​ടു​ണ്ട്. അ​വ​ർ​ക്കി​ട​യി​ൽ സ​ഹ​ജീ​വി​ക​ളു​ടെ വി​ശ​പ്പി​ന്‍റെ വി​ളി​യ​റി​ഞ്ഞ് ശി​വ​ദാ​സനെ​പ്പോ​ലെ ഓ​ടി​യെത്തു​ന്ന​വ​രു​ണ്ടെ​ന്നും ചു​റ്റി​ലു​മു​ള്ള "മ​ധു​മാ​രെ’ അ​റി​യി​ച്ചു​കൊ​ടു​ക്കാ​നും ന​മു​ക്ക് ക​ഴി​യ​ണം. ഒ​രു വ്യ​ക്തി​യു​ടെ ഏ​റ്റ​വും വ​ലി​യ വേ​ദ​ന വി​ശ​പ്പാ​ണ്. വി​ശ​പ്പി​ന്‍റെ വി​ളി വി​ളി​പ്പാ​ട​ക​ലെ​യെ​ത്താ​ത്ത​വ​ർ​ക്ക് "മ​ധു​മാ​രെ’ തി​രി​ച്ച​റി​യാ​ൻ ക​ഴി​യി​ല്ല. കൈ​നീ​ട്ടാ​തെ പ​ട്ടി​ണി​യി​ൽ വെ​ന്തുരു​കി ജീ​വി​തം ഹോ​മി​ക്കു​ന്ന​വ​ർ​ക്കി​ട​യി​ലേ​ക്ക് ആ​ധു​നി​ക​കാ​ല​ത്തെ തി​ര​ക്കു​ക​ൾ​ക്കി​ട​യി​ലും ഓ​ടി​യെ​ത്താ​ൻ ശി​വ​ദാ​സ​ൻ​മാ​രെ പോ​ലു​ള്ള​വരും ആ​ശ്വാ​സ​ത​ണ​ലാ​ണ്.

ച​ങ്ങ​രം​കു​ളം മൂ​ക്കു​ത​ല സ്വ​ദേ​ശി​യാ​യ ശി​വ​ദാ​സ​ൻ പ​ഠി​ച്ച​തും വ​ള​ർ​ന്ന​തും ത​മി​ഴ്നാ​ട്ടി​ലാ​ണ്. ആ​ല​ങ്കോ​ട് എ​ര​ഞ്ഞി​ക്കാ​ട്ട് ക​മ​ല​മ്മ​യു​ടെ​യും ബാ​ല​ൻ നാ​യ​രു​ടെ​യും മ​ക​നാ​യ ശി​വ​ദാ​സ​ൻ ത​ന്‍റെ കു​ട്ടി​ക്കാ​ലം ചെ​ല​വ​ഴി​ച്ച​തും ചെ​ന്നൈ​യി​ലാ​ണ്. ഇ​പ്പോ​ൾ ച​ങ്ങ​രം​കു​ള​ത്തി​ന​ടു​ത്ത് മൂ​ക്കു​ത​ല​യി​ൽ കു​ടും​ബ​സ​മേ​തം താ​മ​സി​ക്കു​ന്ന ശി​വ​ദാ​സ​ൻ എ​പ്പോ​ഴും വി​വി​ധ കാ​രു​ണ്യ പ്ര​വ​ർ​ത്ത​ന​ങ്ങ​ളു​മാ​യി തി​ര​ക്കി​ലാ​ണ്. കൂ​ടെ ജോ​ലി ചെ​യ്യു​ന്ന​വ​രു​ടെ സ​ഹാ​യ​സ​ഹ​ക​ര​ണ​ങ്ങ​ളും ശി​വ​ദാ​സ​ന് ജോ​ലി​ക്കി​ട​യി​ലെ കാ​രു​ണ്യ​പ്ര​വ​ർ​ത്ത​ന​ങ്ങ​ൾ ത​ട​സ​മി​ല്ലാ​തെ കൊ​ണ്ടു ന​ട​ക്കാ​ൻ സാ​ഹ​ച​ര്യം ഒ​രു​ക്കി​ക്കൊ​ടു​ക്കു​ന്നു.

ഭാ​ര്യ ല​ത​യും മ​ക്ക​ളാ​യ ആ​ദി​ത്യ​ൻ, അം​ഗി​ത എ​ന്നി​വ​രും ശി​വ​ദാ​സി​ന്‍റെ കാ​രു​ണ്യ​പ്ര​വ​ർ​ത്ത​ന​ങ്ങ​ളി​ൽ അ​ക​മ​ഴി​ഞ്ഞ സ​ഹാ​യ​ങ്ങ​ൾ ന​ൽ​കി എ​പ്പോ​ഴും കൂ​ടെ​യു​ണ്ട്. ശി​വ​ദാ​സ​ൻ ന​ന്പ​ർ -8547059938.

ഷാ​ഫി ച​ങ്ങ​രം​കു​ളം