ജീവിതത്തിനു നേര്‍ക്കുനേര്‍.....
നേ​രം പു​ല​രു​ന്ന​തേ​യു​ള്ളു. നെ​യ്യാ​റ്റി​ൻ​ക​ര​യ്ക്ക​ടു​ത്തു​ള്ള ഈ​ഴ​ക്കോ​ണ​ത്തെ വീ​ട്ടി​ൽ​നി​ന്നും ആ​റാ​ലും​മൂ​ട് ച​ന്ത ല​ക്ഷ്യ​മാ​ക്കി​യു​ള്ള യാ​ത്ര​യി​ലാ​ണ് വി​ജ​യ​കു​മാ​രി. കൈ​യി​ൽ ചെ​റി​യ ടോ​ർ​ച്ചു​ണ്ട്. ദു​ർ​ഘ​ട​മാ​യ വ​ഴി​യി​ലൂ​ടെ അ​ര​മ​ണി​ക്കൂ​റോ​ളം ന​ട​ന്നു വേ​ണം ഉ​ദി​യ​ൻ​കു​ള​ങ്ങ​ര​യി​ലെ​ത്താ​ൻ. അ​വി​ടെ നി​ന്നു ബ​സി​ൽ ക​യ​റി ആ​റാ​ലും​മൂ​ട് ച​ന്ത​യി​ലെ​ത്തു​ന്പോ​ൾ അ​ഞ്ചു​മ​ണി​യോ​ട​ടു​ത്തി​രി​ക്കും. ച​ന്ത​യി​ലെ​ത്തി​യാ​ൽ വി​ജ​യ​കു​മാ​രി ചു​മ​ലി​ലേ​റ്റു​ന്ന​തു ജീ​വി​ത​ഭാ​ര​മാ​ണ്. 20 വ​ർ​ഷ​ത്തി​ലേ​റെ​യാ​യി തി​രു​വ​ന​ന്ത​പു​രം നെ​യ്യാ​റ്റി​ൻ​ക​ര​യ്ക്കു സ​മീ​പ​മു​ള്ള ആ​റാ​ലും​മൂ​ട് ച​ന്ത​യി​ൽ വി​ജ​യ​കു​മാ​രി​യെ​ന്ന വീ​ട്ട​മ്മ ചു​മ​ടെ​ടു​ത്തു ജീ​വി​തം തു​ട​ങ്ങി​യി​ട്ട്. ചു​മ​ടെ​ടു​ത്തു കി​ട്ടു​ന്ന ചെ​റി​യ വ​രു​മാ​ന​മാ​ണ് വി​ജ​യ​കു​മാ​രി​യു​ടെ കു​ടും​ബ​ത്തെ താ​ങ്ങിനി​ർ​ത്തു​ന്ന​ത്. സ്ത്രീ​ക​ൾ​ക്കു പ​രി​മി​തി​ക​ളു​ണ്ടെ​ന്നും പു​രു​ഷ​ന്മാ​രെ​പ്പോ​ലെ എ​ല്ലാ മേ​ഖ​ല​ക​ളി​ലും വി​ജ​യി​ക്കാ​ൻ ക​ഴി​യി​ല്ലെ​ന്നും പ​റ​യു​ന്ന​വ​ർ വി​ജ​യ​കു​മാ​രി​യു​ടെ ജീ​വി​ത​ത്തെ അ​റി​യു​ക... സ്ത്രീ​ശ​ക്തി​യു​ടെ ജ്വ​ലി​ക്കു​ന്ന അ​ധ്യാ​യ​മാ​ണ് വി​ജ​യ​കു​മാ​രി​യെ​ന്ന വീ​ട്ട​മ്മ.....

ഭാ​ര​മേ​റി​യ ദി​ന​ങ്ങ​ൾ

പു​ല​ർ​ച്ചെ അ​ഞ്ചോ​ടെ ച​ന്ത​യി​ലെ​ത്തി​യാ​ലു​ട​ൻ വി​ജ​യ​കു​മാ​രി ത​ന്‍റെ ജോ​ലി​ക​ളി​ലേ​ക്കു ക​ട​ക്കും. സാ​രി​യാ​ണ് വേ​ഷം. ഒ​രു തോ​ർ​ത്ത് ത​ല​യി​ൽ കെ​ട്ടു​മെ​ന്ന​ല്ലാ​തെ മ​റ്റു രൂ​പ​മാ​റ്റ​മൊ​ന്നു​മി​ല്ല. വി​ൽ​ക്കാ​നാ​യി ലോ​റി​ക​ളി​ൽ എ​ത്തി​ക്കു​ന്ന പ​ച്ച​ക്ക​റി​ക​ളും മ​റ്റും വി​ൽ​പ്പ​ന​ക്കാ​രു​ടെ അ​ടു​ത്തെ​ത്തി​ക്കു​ക​യാ​ണ് ആ​ദ്യ​ജോ​ലി. പി​ന്നീ​ട് ച​ന്ത​യി​ൽ നി​ന്നും ആ​ളു​ക​ൾ വാ​ങ്ങു​ന്ന സാ​ധ​ന​ങ്ങ​ൾ ചു​മ​ന്നു പു​റ​ത്തെ​ത്തി​ച്ച് വാ​ഹ​ന​ങ്ങ​ളി​ൽ ക​യ​റ്റ​ണം. ലോ​റി, പി​ക്ക​പ്പ് വാ​ൻ, പെ​ട്ടി ഓ​ട്ടോ തു​ട​ങ്ങി​യ വാ​ഹ​ന​ങ്ങ​ളി​ലാ​ണ് സാ​ധ​ന​ങ്ങ​ൾ ക​യ​റ്റേ​ണ്ട​ത്. ചാ​ക്കൊ​ന്നി​ന് 10 മു​ത​ൽ 15 രൂ​പ വ​രെ​യാ​ണ് കൂ​ലി. ചെ​റി​യ ചാ​ക്കാ​ണെ​ങ്കി​ൽ ല​ഭി​ക്കു​ന്ന​ത് അ​ഞ്ചു രൂ​പ മാ​ത്രം. ആ​ണു​ങ്ങ​ളോ​ടൊ​പ്പ​മാ​ണ് വി​ജ​യ​കു​മാ​രി ച​ന്ത​യി​ൽ ചു​മ​ടെ​ടു​ക്കു​ന്ന​ത്. എ​ന്നാ​ൽ അ​വ​ർ കൂ​ടു​ത​ൽ കൂ​ലി ചോ​ദി​ച്ചു വാ​ങ്ങും. ഹോ​ട്ട​ലു​കാ​ർ, വി​വാ​ഹ പാ​ർ​ട്ടി​ക​ൾ, ക​ച്ച​വ​ട​ക്കാ​ർ, ഹോ​സ്റ്റ​ലു​കാ​ർ എ​ന്നി​ങ്ങ​നെ വി​വി​ധ ത​ര​ത്തി​ലു​ള്ള ആ​ളു​ക​ളാ​ണ് ച​ന്ത​യി​ൽ സാ​ധ​ന​ങ്ങ​ൾ വാ​ങ്ങു​ന്ന​തി​ന് എ​ത്തു​ന്ന​ത്. ക​ച്ച​വ​ട​ക്കാ​ർ​ക്ക് നി​ര​വ​ധി ചാ​ക്കു​ക​ളു​ണ്ടാ​കും. ഇ​തി​ന് ന​ല്ല കൂ​ലി​യും ല​ഭി​ക്കും. ഒ​രു ചാ​യ കു​ടി​ക്ക​ണ​മെ​ങ്കി​ൽ രാ​വി​ലെ പ​ത്തു​മ​ണി​യാ​കും. അ​തു​വ​രെ ജോ​ലി ത​ന്നെ!

നെ​യ്തെ​ടു​ത്ത ജീ​വി​തം

നെ​യ്ത്തു​കാ​രി​യാ​യി​രു​ന്നു വി​ജ​യ​കു​മാ​രി. ആ​റാം ക്ലാ​സി​ൽ പ​ഠ​നം അ​വ​സാ​നി​പ്പി​ച്ച​തു​മു​ത​ൽ ആ​രം​ഭി​ച്ച​താ​ണ് തു​ണി നെ​യ്ത്ത്. അ​മ്മ മ​ടി​യി​ലി​രു​ത്തി പ​ഠി​പ്പി​ച്ച ജോ​ലി​യാ​യി​രു​ന്നു ഇ​ത്. വ​ർ​ഷ​ങ്ങ​ളോ​ളം വി​ജ​യ​കു​മാ​രി നെ​യ്ത്തു ജോ​ലി ചെ​യ്തു ജീ​വി​ച്ചു. തു​ച്ഛ​മാ​യ വേ​ത​ന​മാ​ണു ല​ഭി​ച്ചി​രു​ന്ന​ത്. പി​ന്നീ​ട് ക​ന്പ​നി പൂ​ട്ടി​യ​പ്പോ​ഴാ​ണ് ജോ​ലി നി​ർ​ത്തി​യ​ത്. അ​ന്ന് ക​ന്പ​നി നി​ർ​ത്തി​യി​ല്ലാ​യി​രു​ന്നെ​ങ്കി​ൽ ഇ​ന്നും ആ ​ജോ​ലി ത​ന്നെ തു​ട​രു​മാ​യി​രു​ന്നു​വെ​ന്ന് അ​വ​ർ പ​റ​യു​ന്നു.

""ഇ​ന്ന് നെ​യ്ത്തി​ന് അ​ന്ന​ത്തേ​ക്കാ​ൾ മെ​ച്ച​മാ​യ ശ​ന്പ​ള​മു​ണ്ട്. എ​ന്നാ​ൽ ശ്വാ​സ​കോ​ശ സം​ബ​ന്ധ​മാ​യ ചി​ല അ​സു​ഖ​ങ്ങ​ളു​ണ്ടാ​യി​രു​ന്ന​തി​നാ​ൽ ആ ​ജോ​ലി എ​നി​ക്കു ബു​ദ്ധി​മു​ട്ടാ​യി​രു​ന്നു. നെ​യ്ത്തു​പു​ര നി​റു​ത്തി​യ സ​മ​യ​ത്ത് നാ​ളു​ക​ളോ​ളം ജോ​ലി​യി​ല്ലാ​താ​യി. മ​റ്റു പ​ല ജോ​ലി​ക​ൾ​ക്കും പോ​യെ​ങ്കി​ലും ഒ​ന്നും അ​ധി​ക​നാ​ൾ നീ​ണ്ടു​നി​ന്നി​ല്ല. അ​ങ്ങനെ​യി​രി​ക്കെ​യാ​ണ് ച​ന്ത​യി​ൽ ചു​മ​ടെ​ടു​ക്കു​ന്ന ജോ​ലി​യി​ലേ​ക്ക് എ​ത്തു​ന്ന​ത്. പു​രു​ഷ​ന്മാ​ർ ചു​മ​ടെ​ടു​ക്കു​ന്ന​തു ക​ണ്ടു മാ​ത്രം പ​രി​ച​യ​മു​ള്ള ത​നി​ക്ക് ഈ ​ജോ​ലി ഇ​ണ​ങ്ങു​മെ​ന്ന് ആ​ദ്യം ക​രു​തി​യി​രു​ന്നി​ല്ല. ജോ​ലി​യൊ​ന്നു​മി​ല്ലാ​തെ കു​ടും​ബം പ​ട്ടി​ണി​യാ​യ അ​വ​സ്ഥ​യാ​യി​രു​ന്നു അ​ന്ന്. പി​ന്നെ ഒ​ന്നും നോ​ക്കി​യി​ല്ല. ഒ​രു കൈ ​നോ​ക്കാ​ൻ ത​ന്നെ തീ​രു​മാ​നി​ച്ചു. എ​ന്നാ​ൽ എ​ത്ര നാ​ൾ ചെ​യ്യു​മെ​ന്നൊ​ന്നും അ​റി​യി​ല്ലാ​യി​രു​ന്നു. ആ​ദ്യ​നാ​ളു​ക​ളി​ൽ ചു​മ​ട് വ​ലി​യ ആ​യാ​സ​ക​ര​മാ​യ ജോ​ലി​യാ​യി​രു​ന്നു. ക​ടു​ത്ത ത​ല​വേ​ദ​ന​യും പു​റം വേ​ദ​ന​യും അ​ല​ട്ടി​യി​രു​ന്നു. എങ്കിലും ആ​ണു​ങ്ങ​ൾ പോ​ലും എ​ടു​ക്കാ​ൻ മ​ടി​ക്കു​ന്ന ഭാ​രം എ​ടു​ക്കാ​നും യാ​തൊ​രു മ​ടി​യുമി​ല്ല. കാ​ര​ണം അ​ടു​പ്പു പു​ക​യ​ണ​മെ​ങ്കി​ൽ ഈ ​ജോ​ലി കൂ​ടി​യേ തീ​രൂ''-​വി​ജ​യ​കു​മാ​രി പ​റ​യു​ന്നു.

കു​ടും​ബം

അ​മ​ര​വി​ള​യി​ലെ ഒ​രു ഓ​ട്ട് ക​ന്പ​നി​യി​ൽ ചു​മ​ട്ടു​തൊ​ഴി​ലാ​ളി​യാ​യി​രു​ന്നു വി​ജ​യ​കു​മാ​രി​യു​ടെ ഭ​ർ​ത്താ​വ്. ക​ന്പ​നി പൂ​ട്ടി​യ​തോ​ടെ തൊ​ഴി​ൽ ന​ഷ്ട​പ്പെ​ട്ടു. ക​ഠി​നാ​ധ്വാ​നി​യാ​യി​രു​ന്ന​തി​നാ​ൽ അ​ദ്ദേ​ഹം പി​ന്നീ​ട് പ​ല ജോ​ലി​ക​ളും ചെ​യ്തു കു​ടും​ബം പു​ല​ർ​ത്തി. പി​ന്നീ​ട് ക​ടു​ത്ത ക്ഷ​യ​രോ​ഗം പി​ടി​പെ​ട്ട​തോ​ടെ ആ​രോ​ഗ്യം ക്ഷ​യി​ച്ചു. പ​ല ത​വ​ണ ചി​കി​ത്സ ന​ട​ത്തി​യെ​ങ്കി​ലും പൂ​ർ​ണ​മാ​യും സു​ഖ​പ്പെ​ട്ടി​ല്ല. രോ​ഗ​ബാ​ധി​ത​നാ​യ​തോ​ടെ വ​ർ​ഷ​ങ്ങ​ളാ​യി വീ​ട്ടി​ൽ നി​ന്നു പു​റ​ത്തി​റ​ങ്ങാ​റി​ല്ല. ര​ണ്ടു കു​ട്ടി​ക​ളു​ണ്ട്. ഒ​രു ആ​ണ്‍കു​ട്ടി​യും ഒ​രു പെ​ണ്‍​കു​ട്ടി​യും. ച​ന്ത​യി​ൽ ചു​മ​ടെ​ടു​ത്തു​ത​ന്നെ പെ​ണ്‍​കു​ട്ടി​യെ ന​ല്ല നി​ല​യി​ൽ വി​വാ​ഹം ക​ഴി​ച്ച​യ​ച്ചു. മ​ക​ൻ ഒ​രു ലോ​റി​യി​ൽ ക്ലീ​ന​റാ​യി പോ​കു​ന്നു. ആ​ഴ്ച​യി​ൽ ര​ണ്ടോ മൂ​ന്നോ ദി​വ​സം മാ​ത്ര​മാ​ണ് ജോ​ലി. അ​തി​ൽ നി​ന്നും അ​വ​ന് ക​ഴി​യാ​നു​ള്ള​തു പോ​ലും ല​ഭി​ക്കി​ല്ല. അ​തു​കൊ​ണ്ടു​ത​ന്നെ താ​ൻ ജോ​ലി ചെ​യ്യാ​തെ വീ​ട്ടി​ൽ അ​ടു​പ്പു പു​ക​യി​ല്ല. ആ​രോ​ഗ്യ​മു​ള്ള കാ​ല​ത്തോ​ളം ജോ​ലി ചെ​യ്തേ മ​തി​യാ​കൂ- വി​ജ​യ​കു​മാ​രി നെ​ടു​വീ​ർ​പ്പെ​ടു​ന്നു.


ച​ന്ത​യി​ലേ​ക്ക്

30-ാം വ​യ​സി​ലാ​ണ് താ​ൻ ച​ന്ത​യി​ൽ എ​ത്തു​ന്ന​തെ​ന്ന് വി​ജ​യ​കു​മാ​രി പ​റ​യു​ന്നു. കു​റ​ച്ചു ദി​വ​സം ചു​മ​ടെ​ടു​ത്തു നോ​ക്കാ​മെ​ന്നാ​യി​രു​ന്നു ക​രു​തി​യി​രു​ന്ന​ത്. എ​ന്നാ​ൽ ഇ​തു ത​ന്നെ ജീ​വ​നോ​പാ​ധി​യാ​യി മാ​റു​മെ​ന്ന് ആ​ദ്യം ക​രു​തി​യി​രു​ന്നി​ല്ല. ആ​ദ്യ​ദി​നം 20 രൂ​പ​യാ​യി​രു​ന്നു പ്ര​തി​ഫ​ല​മാ​യി ല​ഭി​ച്ച​ത്. ശ​രാ​ശ​രി ഒ​രു ചു​മ​ടി​ന് ഒ​രു രൂ​പ മു​ത​ൽ അ​ഞ്ചു​രൂ​പ വ​രെ ല​ഭി​ച്ചി​രു​ന്നു. ഒ​രു വാ​ഴ​ക്കു​ല ചു​മ​ക്കു​ന്ന​തി​ന് അ​ന്ന് ഒ​രു രൂ​പ​യാ​യി​രു​ന്നു കൂ​ലി. എ​ന്നാ​ൽ ആ​ണു​ങ്ങ​ൾ​ക്ക് കൂ​ലി കൂ​ടു​ത​ൽ ല​ഭി​ച്ചി​രു​ന്നു. തു​ട​ക്ക​ക്കാ​രി​യാ​യ​തി​നാ​ൽ ഇ​തേ​ക്കു​റി​ച്ച് ആ​രോ​ടും ചോ​ദി​ച്ചി​ല്ല, പ​റ​ഞ്ഞു​മി​ല്ല. കൂ​ലി​ക്കു ത​ർ​ക്കി​ച്ച് ഉ​ള്ള ജോ​ലി കൂ​ടി ഇ​ല്ലാ​താ​ക്ക​ണ്ട എ​ന്നു ക​രു​തി. ഇ​ന്ന് ച​ന്ത​യി​ൽ വ​രു​ന്ന കു​റ​ച്ചു​പേ​ർ സ്ഥി​ര​മാ​യി വി​ജ​യ​കു​മാ​രി​യെ ചു​മ​ട്ടു ജോ​ലി​ക​ൾ​ക്കാ​യി വി​ളി​ക്കു​ന്നു​ണ്ട്. അ​തു​കൊ​ണ്ടു​ത​ന്നെ ഒ​രു സ്ഥി​ര​വ​രു​മാ​ന​വും ല​ഭി​ക്കു​ന്നു.

സ്ത്രീ​യു​ടെ വെ​ല്ലു​വി​ളി​ക​ൾ

ച​ന്ത​യി​ൽ ചു​മ​ടെ​ടു​ക്കു​ന്ന സ്ത്രീ​ക​ളെ​ക്കു​റി​ച്ചു കേ​ട്ടി​ട്ടി​ല്ല. അ​തു​കൊ​ണ്ടു​ത​ന്നെ​യാ​കാം പു​രു​ഷ​ന്മാ​ർ​ക്കു ല​ഭി​ക്കു​ന്ന കൂ​ലി ത​നി​ക്കു ല​ഭി​ക്കു​ന്നി​ല്ലെ​ന്നു വി​ജ​യ​കു​മാ​രി പ​റ​യു​ന്നു. പു​രു​ഷ​ന്മാ​ർ​ക്കു പ​തി​ന​ഞ്ചോ ഇ​രു​പ​തോ രൂ​പ ല​ഭി​ക്കു​ന്പോ​ൾ വി​ജ​യ​കു​മാ​രി​ക്കു ല​ഭി​ക്കു​ന്ന​ത് 10 രൂ​പ മാ​ത്രം. കൂ​ലി ല​ഭി​ച്ചി​ല്ലെ​ങ്കി​ൽ പു​രു​ഷ​ന്മാ​ർ ചോ​ദി​ച്ചു വാ​ങ്ങും. എ​ന്നാ​ൽ താ​ൻ ഇ​ക്കാ​ര്യ​ത്തി​ൽ ത​ർ​ക്കി​ക്കാ​നൊ​ന്നും പോ​കാ​റി​ല്ലെ​ന്നും വി​ജ​യ​കു​മാ​രി പ​റ​യു​ന്നു.

""ത​ർ​ക്കി​ച്ചി​ട്ടു​കാ​ര്യ​മി​ല്ല. കാ​ര​ണം ന​മു​ക്കു ജോ​ലി​യാ​ണ​ല്ലോ വ​ലു​ത്. ചി​ല​ർ തു​ച്ഛ​മാ​യ കൂ​ലി​യേ ന​ൽ​കൂ. ചി​ല​ർ മ​ന​സ​റി​ഞ്ഞു ത​രും. മ​റ്റു ചി​ല​രാ​ക​ട്ടെ കൂ​ടു​ത​ൽ ജോ​ലി ചെ​യ്യി​ച്ച് കു​റ​ച്ച് കൂ​ലി ത​രു​ന്ന​വ​രാ​ണ്. അ​വ​ർ ര​ണ്ടും മൂ​ന്നും ചാ​ക്കു​ക​ൾ ത​ല​യി​ൽ വ​ച്ചു​ത​രും. ഞാ​ൻ മ​ടി​യി​ല്ലാ​തെ ചു​മ​ക്കും! ക്വി​ന്‍റ​ൽ ചാ​ക്കു​ക​ൾ എ​ടു​ക്കു​ന്ന​തു ശീ​ല​മാ​ക്കി​യ​തോ​ടെ ക്വി​ന്‍റ​ൽ കു​മാ​രി​യെ​ന്നു പേ​രും വീ​ണു''- വിജയകുമാരി പറയുന്നു.

ക​ന​മു​ള്ള ചാ​ക്കു​ക​ൾ

കാ​ബേ​ജ് നി​റ​ച്ച ചാ​ക്കി​നാ​ണ് ഏ​റ്റ​വും അ​ധി​കം ക​ന​മു​ള്ള​തെ​ന്നു വി​ജ​യ​കു​മാ​രി അ​നു​ഭ​വ​ത്തി​ൽ നി​ന്നും പ​റ​യു​ന്നു. 90 മു​ത​ൽ 100 കി​ലോ വ​രെ​യാ​ണ് കാ​ബേ​ജ് ചാ​ക്കു​ക​ളു​ടെ തൂ​ക്കം. ചേ​ന്പ് നി​റ​ച്ച ചാ​ക്കി​നും നൂ​റു​കി​ലോ​യോ​ളം തൂ​ക്കം വ​രും. വെ​ള്ള​രി, വെ​ണ്ട എ​ന്നി​വ നി​റ​ച്ച ചാ​ക്കി​നു താ​ര​ത​മ്യേ​ന ഭാ​രം കു​റ​വാ​ണ്.

ജീ​വി​ക്കാ​നു​ള്ള ആ​ത്മ​വി​ശ്വാ​സം

വി​ജ​യ​കു​മാ​രി​ക്ക് ഒ​രേ​യൊ​രു ആ​ഗ്ര​ഹ​മേ ഉ​ള്ളൂ. ആ​രോ​ഗ്യ​മു​ള്ളി​ട​ത്തോ​ളം കാ​ലം ജോ​ലി ചെ​യ്തു ജീ​വി​ക്ക​ണം. സ്വ​ന്ത​മാ​യി അ​ധ്വാ​നി​ച്ച് ഒ​രു വീ​ടു​വ​യ്ക്ക​ണ​മെ​ന്ന​താ​ണ് വി​ജ​യ​കു​മാ​രി​യു​ടെ ഇ​പ്പോ​ഴ​ത്തെ സ്വ​പ്നം. ഇ​പ്പോ​ഴു​ള്ള വീ​ട് ഇ​ടി​ഞ്ഞു വീ​ഴാ​റാ​യി. മ​ക​ളെ വി​വാ​ഹം ക​ഴി​ച്ച​യ​ച്ച​തി​ന്‍റെ ബാ​ധ്യ​ത​ക​ളു​ണ്ടാ​യി​രു​ന്ന​തി​നാ​ൽ വീ​ട് ന​ന്നാ​ക്കാ​നാ​യി​ല്ല. എ​ന്നാ​ൽ പ​ഞ്ചാ​യ​ത്തി​ൽ നി​ന്നും വീ​ട് അ​നു​വ​ദി​ക്കു​ന്ന​തി​നാ​യി അ​പേ​ക്ഷ കൊ​ടു​ത്തു കാ​ത്തി​രി​പ്പ് ആ​രം​ഭി​ച്ചി​ട്ട് വ​ർ​ഷ​ങ്ങ​ളാ​യി. പ​ഞ്ചാ​യ​ത്ത് ത​യ്യാ​റാ​ക്കി​യ പ​ട്ടി​ക​യി​ൽ ഉ​ൾ​പ്പെ​ട്ടി​ട്ടു​മു​ണ്ട്. എ​ന്നാ​ൽ ഇ​തു​വ​രെ ല​ഭി​ച്ചി​ല്ല. പി​ന്നെ മ​ക​ന് തൊ​ഴി​ലെ​ടു​ത്തു ജീ​വി​ക്കു​ന്ന​തി​ന് ഒ​രു ക​ട​യി​ട്ടു കൊ​ടു​ക്ക​ണം. എ​ല്ലാം ഈ ​ചു​മ​ലി​ൽ ഭ​ദ്ര​മാ​ണ്. വി​ജ​യ​കു​മാ​രി​യു​ടെ വാ​ക്കു​ക​ളി​ൽ ആ​ത്മ​വി​ശ്വാ​സം നി​റ​യു​ന്നു.

റി​ച്ചാ​ർ​ഡ് ജോ​സ​ഫ്