പ്രീഡിഗ്രി അത്ര മോശം ഡിഗിയല്ല
പു​സ്ത​ക​ങ്ങ​ൾ കു​ത്തി​നി​റ​ച്ച ബാ​ഗി​ൽനി​ന്നും, ക​ണ്ടു​മ​ടു​ത്ത യൂ​ണി​ഫോ​മി​ൽ നി​ന്നും രാ​വി​ലെ മു​ത​ൽ വൈ​കീ​ട്ട് വ​രെ​യു​ള്ള പ​ത്തു പ​ന്ത്ര​ണ്ട് പി​രി​യ​ഡു​ക​ളി​ൽ നി​ന്നു​മു​ള്ള സ്വാ​ത​ന്ത്ര്യ പ്ര​ഖ്യാ​പ​നം - അ​താ​യി​രു​ന്നു പ്രീ ​ഡി​ഗ്രി ക്ലാ​സു​ക​ൾ. കേ​ര​ള​ത്തി​ലെ ക​ലാ​ല​യ​ങ്ങ​ളെ അ​ക്ഷ​രാ​ർ​ത്ഥ​ത്തി​ൽ ക​ലാ​ല​യ​ങ്ങ​ളാ​ക്കി​യി​രു​ന്ന പ്രീ ​ഡി​ഗ്രി ക്ലാ​സു​ക​ൾ ഇ​ന്നും ഗൃഹാതുരത്വ മുണർത്തുന്ന ഓ​ർ​മ​യാ​ണ്.

തൃ​ശൂ​ർ കേ​ര​ള​വ​ർ​മ​യാ​യാ​ലും സെ​ന്‍റ് തോ​മ​സാ​യാ​ലും എ​റ​ണാ​കു​ളം മ​ഹാ​രാ​ജാ​സ് ആ​യാ​ലും കോ​ട്ട​യം സി​എം​എ​സായാ​ലും തി​രു​വ​ന​ന്ത​പു​ര​ത്തെ യൂ​ണി​വേ​ഴ്സി​റ്റി കോ​ള​ജാ​യാ​ലും പ്രി ​ഡി​ഗ്രി ക്ലാ​സു​ക​ൾ ഉ​ഷാ​റാ​യി​രു​ന്നു. സ്കൂ​ളി​ന്‍റെ മ​തി​ൽ​ക്കെ​ട്ടു​ക​ൾ​ക്ക​ക​ത്തു നി​ന്നും പു​തി​യ ലോ​ക​ത്തേ​ക്കു​ള്ള വ​ര​വ് ശ​രി​ക്കും ആ​ഘോ​ഷ​മാ​ക്കി​യി​രു​ന്നു പ്രീ ​ഡി​ഗ്രി​ക്കാ​ർ. അ​തു​കൊ​ണ്ടു​ത​ന്നെ പ്രീ ഡി​ഗ്രി​ക്കാ​ർ കോ​ള​ജി​ലാ​കെ പാ​റി​പ്പ​റ​ന്നു ന​ട​ന്നു.

അ​വ​രി​ല്ലാ​തെ ഒ​രു പ​രി​പാ​ടി പോ​ലും കോ​ള​ജു​ക​ളി​ൽ ന​ട​ക്കാ​റി​ല്ല. എ​ന്തി​നും ഏ​തി​നും അ​വ​രു​ണ്ടാ​കാ​റു​ണ്ട്. സ​മ​ര​ത്തി​നാ​യാ​ലും ക​ലാ​പ്ര​വ​ർ​ത്ത​ന​ങ്ങ​ൾ​ക്കാ​യാ​ലും എ​ല്ലാം അ​വ​രാ​യി​രു​ന്നു മു​ൻ​പ​ന്തി​യി​ൽ.

ഡി​ഗ്രി ഫൈ​ന​ൽ ഇ​യ​റു​കാ​രും പി​ജി​ക്കാ​രും പ​ഠി​പ്പി​സ്റ്റു​ക​ളാ​യി മാ​റു​ന്പോ​ൾ ക​ലാ​ല​യം കൈയട​ക്കി​യി​രു​ന്ന​ത് ഇ​വ​രാ​യി​രു​ന്നു.

ചേ​ട്ട​ൻ​മാ​രു​ടെ ആ​ജ്ഞ​ക​ൾ അ​തേ​പ​ടി അ​നു​സ​രി​ക്കു​ന്ന കൊ​ച്ച​നു​ജ​ൻ​മാ​രും അ​നു​ജ​ത്തി​ക​ളു​മാ​യി പ്രി ​ഡി​ഗ്രി​ക്കൂ​ട്ടം കാ​ന്പ​സു​ക​ളി​ൽ വി​ല​സി​യ കാ​ലം.

1999ന് ​മു​ന്പ്...

പ്രീ ​ഡി​ഗ്രി കോ​ള​ജു​ക​ളി​ൽനി​ന്ന് വേ​ർ​പെ​ടു​ത്തു​ന്ന​ തീ​രു​മാ​നം വ​ന്ന​പ്പോ​ൾ അ​വ​സാ​ന​ത്തെ പ്രീ ​ഡി​ഗ്രി ബാ​ച്ചു​ക​ളി​ൽ പ​ഠി​ക്കാ​ൻ ഭാ​ഗ്യം സി​ദ്ധി​ച്ച​വ​ർ​ക്ക് ആ ​ന​ല്ല ദി​വ​സ​ങ്ങ​ൾ ഇ​ന്നും ഓ​ർ​മ​യി​ൽ പ​ച്ച​പി​ടി​ച്ചുനി​ൽ​ക്കു​ന്നു.

അ​ട​രു​വാ​ൻ വ​യ്യ നി​ൻ ഹൃ​ദ​യ​ത്തി​ൽ നി​ന്നെ​നി​ക്കേ​തു സ്വ​ർ​ഗം വി​ളി​ച്ചാ​ലും എ​ന്ന് മ​ഞ്ഞ​ച്ചാ​യ​മ​ടി​ച്ച കോ​ള​ജ് ചു​മ​രി​ന്‍റെ ഏ​തോ കോ​ണി​ൽ പ്രി ​ഡി​ഗ്രി​യു​ടെ വി​ലാ​പം പോ​ലെ ഏ​തോ പ​യ്യ​ൻ​സ് കു​റി​ച്ചി​ട്ടു.

ചാ​റ്റ​ൽ​മ​ഴ പെ​യ്യു​ന്പോ​ൾ അ​തി​ൽ ന​ന​ഞ്ഞ് ക്ലാ​സി​ലേ​ക്കു ക​ട​ന്നു​വ​ന്ന സു​ന്ദ​രി​പ്പെ​ണ്ണി​നെ നോ​ക്കി​യി​രു​ന്ന​ത് ഈ ​പ്രീ ഡി​ഗ്രി ക്ലാ​സി​ല​ല്ലേ...

ഷേക്സ്പി​യ​റും ഷെ​ല്ലി​യും വ​ള്ള​ത്തോ​ളും മ​ന​സി​ലി​ടം പി​ടി​ച്ച​ത് ഈ ​ക്ലാ​സു​ക​ളി​ൽ വച്ച​ല്ലേ..
ഇ​ൻ​ക്വി​ലാ​ബ് വി​ളി​ക്കാ​നും ഞാ​ൻ നി​ന്നെ പ്രേ​മി​ക്കു​ന്നു​വെ​ന്ന് ഉ​റ​ക്കെ വി​ളി​ച്ചു​പ​റ​യാ​നും ധൈ​ര്യം ത​ന്ന​ത് ഈ ​ക്ലാ​സ് മു​റി​ക​ളി​ലെ കൂ​ട്ടാ​യ്മ​ക​ള​ല്ലേ...

ആ ​ക്ലാ​സ് മു​റി​ക​ളി​ൽ നി​ന്ന​ല്ലേ ജീ​വി​ത​ത്തി​ന്‍റെ പു​തി​യ വ​ഴി​ക​ളി​ലേ​ക്കു​ള്ള യാ​ത്ര തു​ട​ങ്ങി​യ​ത്...

പ്രീ ​ഡി​ഗ്രി​ക്ക് ഗ്രൂ​പ്പ് നാ​ല്

ഗ്രൂ​പ്പി​സം ഏ​റ്റ​വു​മ​ധി​ക​മു​ള്ള​ത് പ്രീ ​ഡി​ഗ്രി​ക്കാ​ണെ​ന്നു തോ​ന്നി​യി​ട്ടു​ണ്ട്. ആ​കെ നാ​ല് ഗ്രൂ​പ്പാ​ണ് പ്രീ ​ഡി​ഗ്രി​ക്കു​ണ്ടാ​യി​രു​ന്ന​ത്. ഫ​സ്റ്റും സെ​ക്ക​ൻഡും തേ​ർ​ഡും ഫോ​ർ​ത്തും. ഇ​തി​ൽ ഫ​സ്റ്റും സെ​ക്ക​ൻഡും പ​ഠി​പ്പി​സ്റ്റു​ക​ൾ​ക്കാ​യി​ട്ടു​ള്ള​താ​യി​രു​ന്നു. ന​ല്ല മാ​ർ​ക്കും മൂ​ള​യു​മു​ള്ള​വ​ർ​ക്കാ​യി​രു​ന്നു ഇ​തു ര​ണ്ടു​മെ​ന്ന ധാ​ര​ണ കാ​ലാ​കാ​ല​ങ്ങ​ളാ​യി അ​ര​ക്കി​ട്ടു​റ​പ്പി​ച്ചി​ട്ടു​ണ്ടാ​യി​രു​ന്നു. ഫോ​ർ​ത്ത് ഗ്രൂ​പ്പും അ​ക്കൂ​ട്ട​ത്തി​ൽ പെ​ടു​ന്ന​വ​ർ​ക്കു ത​ന്നെ​യാ​യി​രു​ന്നു. ക​ണ​ക്കി​ൽ ന​ല്ല വി​വ​ര​മു​ള്ള​വ​രും ബാ​ങ്ക് ജോ​ലി സ്വ​പ്നം ക​ണ്ട​വ​രും മും​ബൈ​യി​ലെ അ​ക്കൗ​ണ്ടന്‍റ് ജോ​ലി മോ​ഹി​ച്ച​വ​രും നേ​രേ ഫോ​ർ​ത്ത് ഗ്രൂ​പ്പ് തേ​ടി. കാ​ര്യ​മാ​യി പ​ഠി​ക്കാ​ൻ ത​യാ​റി​ല്ലാ​ത്ത, പൊ​തു​വെ ഉ​ഴ​പ്പ​ൻ​മാ​ർ എ​ന്നെ​ല്ലാ​വ​രും മു​ദ്ര​കു​ത്തി​യ പി​ൻ​ബ​ഞ്ചു​കാ​ർ മി​ക്ക​വ​രും തേ​ർ​ഡ് ഗ്രൂ​പ്പി​ലേ​ക്ക് ഒ​ഴു​കി​യെ​ത്തി​യി​രു​ന്നു.

തേ​ർ​ഡ് ഗ്രൂ​പ്പാ​യി​രു​ന്നു ഗ്രൂ​പ്പ്

നാ​ലു ഗ്രൂ​പ്പു​ക​ളി​ൽ തേ​ർ​ഡ് ഗ്രൂ​പ്പാ​യി​രു​ന്നു ഗ്രൂ​പ്പെ​ന്ന് തേ​ർ​ഡ് ഗ്രൂ​പ്പു​കാ​ർ പ​റ​യും. കാ​ര​ണം കാ​ര്യ​മാ​യി പ​ഠ​നാ​ധ്വാ​നം ഇ​ല്ലാ​ത്ത​വ​രാ​യി​രു​ന്നു തേ​ർ​ഡ് ഗ്രൂ​പ്പു​കാ​ർ. അ​തു​കൊ​ണ്ടു​ത​ന്നെ കോ​ള​ജി​ലെ ഏ​തു പ​രി​പാ​ടി​ക്കും മു​ന്നി​ൽ തേ​ർ​ഡ് ഗ്രൂ​പ്പു​കാ​രാ​യി​രി​ക്കും. ക്ലാ​സി​ൽ ക​യ​റി​യി​ല്ലെ​ങ്കി​ലും പ​ഠി​ച്ചെ​ടു​ക്കാ​മെ​ന്ന വ​ല്ലാ​ത്തൊ​രു ആ​ത്മ​വി​ശ്വാ​സം എ​ല്ലാ തേ​ർ​ഡ് ഗ്രൂ​പ്പു​കാ​ർ​ക്കു​മു​ണ്ടാ​യി​രു​ന്നു. പാ​വം തേ​ർ​ഡ് ഗ്രൂ​പ്പു​കാ​ര​നെ പ​ല​ർ​ക്കും വ​ലി​യ വി​ല​യു​ണ്ടാ​യി​രു​ന്നി​ല്ലെ​ന്ന​തും സ​ത്യം. പ​ത്താം ക്ലാ​സി​ൽ മോ​ഡ​റേ​ഷ​നൊ​ക്കെ വ​ഴി 210 മാ​ർ​ക്ക് നേ​ടി ക​ഷ്ടി​ച്ച് പ​ത്തെ​ന്ന ക​ട​ന്പ താ​ണ്ടി​യ​വ​ർ​ക്ക് തേ​ർ​ഡ് ഗ്രൂ​പ്പ​ല്ലാ​തെ വേ​റെ ഗ്രൂ​പ്പൊ​ന്നു​മു​ണ്ടാ​യി​രു​ന്നി​ല്ല തെ​ര​ഞ്ഞെ​ടു​ക്കാ​ൻ.

തേ​ർ​ഡ് ഗ്രൂ​പ്പാ​ണെ​ന്ന് പ​റ​യു​ന്പോ​ൾ ഉ​ട​ൻ മ​റു​ചോ​ദ്യ​മെ​ത്തു​മാ​യി​രു​ന്നു - പ​ത്തി​ല് മാ​ർ​ക്ക് കു​റ​വാ​യി​രു​ന്നോ....

പ​ത്തി​ലെപ്പോ​ലെ കു​ത്തി​യി​രു​ന്ന് പ​ഠി​ക്കേ​ണ്ട കാ​ര്യ​മൊ​ന്നും പ്രീ ​ഡി​ഗ്രി​ക്കു​ണ്ടാ​യി​രു​ന്നി​ല്ല. പ​ഠി​ക്കാ​തെ ഉ​ഴ​പ്പി ന​ട​ക്കാ​ൻ താ​ത്പ​ര്യ​മു​ള്ള​വ​ർ​ക്കും പ്രീ ​ഡി​ഗ്രി​ക്കാ​ലം മ​നോ​ഹ​ര​മാ​യി​രു​ന്നു. ഒ​രു​പാ​ട് അ​ദ​ർ ആ​ക്ടി​വി​റ്റീ​സി​ന് സാ​ധ്യ​ത​യു​ള്ള ടൈ​മാ​യി​രു​ന്നു അ​തെ​ന്നു പ്രീ ​ഡി​ഗ്രി​ക്കു പ​ഠി​ച്ചി​രു​ന്ന​വ​ർ പ​റ​യു​ന്നു.

കാന്പ​സ് രാ​ഷ്‌ട്രീയ​ത്തി​ന്‍റെ തീ​ച്ചൂ​ള ക​ത്തി​ജ്വ​ലി​ച്ചു​കൊ​ണ്ടി​രു​ന്ന ആ ​ന​ല്ല കാ​ല​ത്താ​ണ് പ്രീ ​ഡി​ഗ്രി​ക്കാ​ർ കാന്പ​സി​നെ ഇ​ള​ക്കി​മ​റി​ച്ച​ത്. സ​മ​ര​ത്തി​നും ക​ല്ലേ​റി​നു​മെ​ല്ലാം ഈ ​ഇ​ളം​ത​ല​മു​റ​ക്കാ​ർ കൈ​മെ​യ് മ​റ​ന്ന് മു​ന്പിലു​ണ്ടാ​യി​രു​ന്നു. സ്കൂ​ളു​ക​ളി​ൽ ത​ള​യ്ക്ക​പ്പെ​ട്ട സ്വാ​ത​ന്ത്ര്യം അ​വ​ർ കാന്പ​സി​ൽ പൊ​ട്ടി​ച്ചെ​റി​ഞ്ഞു. ചോ​ര തി​ള​യ്ക്കു​ന്ന യു​വ​ത്വം എ​ന്ന​ത് പ്രീ ഡി​ഗ്രി പി​ള്ളേ​രെ സം​ബ​ന്ധി​ച്ച് ശ​രി​യാ​യി​രു​ന്നു. ലാ​ത്തി​യ​ടി​യും ഗ്ര​നേ​ഡും അ​വ​ർ​ക്കു പു​ല്ലാ​യി​രു​ന്നു. ചേ​ട്ട​ൻ​മാ​രെപ്പോലെ അ​വ​രും സ​മ​ര​മു​ഖ​ങ്ങ​ളി​ൽ ക​ത്തി​ക്ക​യ​റി.


ക​ലോ​ത്സ​വ​ങ്ങ​ളി​ൽ പ​ങ്കെ​ടു​ക്കാ​ൻ ക​ഴി​യു​ന്ന​തി​ലെ​ല്ലാം അ​വ​ർ പ​ങ്കെ​ടു​ത്തു. സ്റ്റേ​ജി​ൽ കൂ​വ​ലു​ക​ൾ ഏ​റ്റു​വാ​ങ്ങി​യി​ട്ടും മ​ടി കൂ​ടാ​തെ അ​വ​ർ പാ​ടി​ത്ത​ക​ർ​ത്തു. ക​വി​ത​ക​ൾ ചൊ​ല്ലി​ക്ക​യ​റി. വി​ക​ല​മാ​യ അ​നു​ക​ര​ണ​ക​ല​യി​ലൂ​ടെ കൂ​വ​ലു​ക​ൾ ഹൃ​ദ​യ​ത്തി​ലേ​റ്റു​വാ​ങ്ങി. ച​ന്തു​വി​നെ തോ​ൽ​പ്പി​ക്കാ​നാ​വി​ല്ല മ​ക്ക​ളെ എ​ന്ന ഡ​യ​ലോ​ഗ് പോ​ലെ അ​വ​ർ സ്റ്റേ​ജ് കൈയട​ക്കി​ക്കൊ​ണ്ടേ​യി​രു​ന്നു.
ക​ലാ​ല​യ മാ​ഗ​സി​നു​ക​ളി​ൽ പ​ഴ​യ പ്രീ ​ഡി​ഗ്രി​ക്കാ​രു​ടെ ര​ച​ന​ക​ൾ ഇ​ന്നു വാ​യി​ക്കു​ന്പോ​ൾ കൗ​തു​കം തോ​ന്നും. പ​ല​തും കാ​മു​കി​യെ വ​ർ​ണി​ച്ചെ​ഴു​തി​യ ക​വി​ത​ക​ൾ. കാ​മു​കി​യെ ആ​കാ​ശ നീ​ലി​മ​യോ​ടും പു​ഴ​യി​ലെ കു​ഞ്ഞോ​ള​ത്തോ​ടും ചെ​റു​കാ​റ്റി​നോ​ടും ഉ​പ​മി​ച്ചെ​ഴു​തി​യ മ​ഹ​ദ് ക​വി​ത​ക​ൾ!! അ​ന്ന​തെ​ഴു​തി​യ പ​ല​രും പി​ന്നീ​ട് ന​ല്ല ക​വി​ത​ക​ളു​ടെ ആ​ശാ​ൻ​മാ​രാ​യി മാ​റി​യെ​ന്ന​തു കാ​ലം കാ​ത്തു​വച്ച കൗ​തു​കം.

പെ​ണ്‍​കു​ട്ടി​ക​ൾ​ക്കും പ്രീ ​ഡി​ഗ്രി ആ​ഘോ​ഷ​ത്തി​ന്‍റെ സ്വാ​ത​ന്ത്ര്യ കാ​ല​മാ​യി​രു​ന്നു. ന​ല്ല വേ​ഷ​ങ്ങ​ള​ണി​യാ​നും അ​ണി​ഞ്ഞൊ​രു​ങ്ങാ​നും കി​ട്ടി​യ അ​വ​സ​ര​ങ്ങ​ൾ. അ​വ​ർ അ​തു ന​ന്നാ​യി ഉ​പ​യോ​ഗ​പ്പെ​ടു​ത്തി. യൂ​ണി​ഫോ​മി​ന്‍റെ നി​യ​ന്ത്ര​ണ​ങ്ങ​ളി​ല്ലാ​ത്ത കാ​ലം. ഹാ​ഫ് സാ​രി​യും ദാ​വ​ണി​യും പാ​വാ​ട​യും ബ്ലൗ​സും ഒ​ടു​വി​ൽ ചുരി​ദാ​റും കാന്പ​സി​ലെ വ​ർ​ണ​ക്കാ​ഴ്ച​ക​ളാ​യി.

എ​ന്നെ ഇ​ഷ്ട​മു​ണ്ടെ​ങ്കി​ൽ നാ​ളെ പ​ച്ചപ്പാ​വാ​ട​യും ബ്ലൗ​സും ഇ​ട്ടു​വ​ര​ണ​മെ​ന്ന പൊ​ടി​മീ​ശ​ക്കാ​ര​ന്‍റെ ക​ൽ​പ​ന അ​തേപ​ടി അ​നു​സ​രി​ച്ച ഉ​ണ്ട​ക്ക​ണ്ണി​യെ എ​ത്ര​യോ പ്രീ ഡി​ഗ്രി കാന്പ​സു​ക​ളി​ൽ ക​ണ്ടി​ട്ടു​ണ്ട്...

സ്പൈ​ക്ക​ല്ലെ​ങ്കി​ലും ത​ല​മു​ടി​യി​ൽ പു​തു​പു​ത്ത​ൻ സ്റ്റൈ​ലു​ക​ൾ കൊ​ണ്ടു​വ​ന്ന​തും പാ​ന്‍റ്സി​ന്‍റെ ബാ​ക്ക് പോ​ക്ക​റ്റി​ൽ ചെ​റി​യ ചീ​ർ​പ്പ് തി​രു​കി​വച്ച​തും പ്രീ ​ഡി​ഗ്രി​ക്കാ​ല​ത്താ​യി​രു​ന്നു. ചെ​ത്തിന​ട​ക്കാ​ൻ ബൈ​ക്ക് അ​ധി​ക​മി​ല്ലാ​യി​രു​ന്നു. എ​ന്നാ​ൽ സൈ​ക്കി​ൾ വേ​ണ്ട​ത്ര. ക​ടം​വാ​ങ്ങി​യ സൈ​ക്കി​ളി​ൽ കാ​മു​കി​യെ രാ​വി​ലെ​യും വൈ​കീ​ട്ടും അ​ക​ന്പ​ടി സേ​വി​ച്ച​തും പ്രീ​ ഡി​ഗ്രി​ക്കാ​ല​ത്തുത​ന്നെ​യ​ല്ലേ...

ക്ലാ​സു ക​ട്ടു ചെ​യ്യാ​ൻ ആ​ദ്യം പ​ഠി​ച്ച​തും അ​തി​നു ധൈ​ര്യം കാ​ണി​ച്ച​തും പ്രീ ​ഡി​ഗ്രി ക്ലാ​സി​ൽ വച്ച​ല്ലേ...​മൊ​ബൈ​ലും വാ​ട്സാ​പും ഇ​ല്ലാ​ത്ത അ​ക്കാ​ല​ത്ത​ല്ലേ നീ ​ആദ്യ​മാ​യി പ്രേ​മ​ലേ​ഖ​നം രാ​ത്രി​യി​ലി​രു​ന്ന് എ​ഴു​തി​യു​ണ്ടാ​ക്കി​യ​ത്....​പ്രീ ഡി​ഗ്രി ക്ലാ​സു​ക​ളി​ലെ പ്ര​ണ​യം മാ​ർ​ക്വേ​സി​ന്‍റെ കോ​ള​റ​ക്കാ​ല​ത്തെ പ്ര​ണ​യ​ത്തേ​ക്കാ​ൾ ര​സ​ക​ര​മാ​ണ്...​എ​ല്ലാ കാന്പ​സി​ലും....

പ്രീ ​ഡി​ഗ്രി സെ​ക്ക​ൻഡ് ഇ​യ​റി​ൽ ക​ല്യാ​ണം ക​ഴി​ഞ്ഞ് ആ ​കാ​മു​കി പോ​കു​ന്പോ​ൾ എ​ത്ര ക​ര​ഞ്ഞി​രി​ക്കു​ന്നു...​പി​റ്റേ​ന്നു ക്ലാ​സി​ലെ​ത്തി​യ​പ്പോ​ൾ ആ​ദ്യം നോ​ക്കി​യ​ത് അ​വ​ളി​രു​ന്ന സീ​റ്റി​ലേ​ക്ക​ല്ലേ....
പി​ന്നീ​ട് ഭ​ർ​ത്താ​വു​മൊ​ന്നി​ച്ച് അ​വ​ൾ പു​തു​പു​ത്ത​ൻ സാ​രി​യെ​ടു​ത്ത് സ​ർ​വാ​ഭ​ര​ണ​ഭൂ​ഷി​ത​യാ​യി കോ​ള​ജി​ലെ​ത്തി ല​ഡു​ത​ന്ന​പ്പോ​ൾ അ​തു വാ​ങ്ങാ​ൻ നി​ൽ​ക്കാ​തെ കോ​ള​ജ് കാന്പ​സി​ലേ​ക്കു ന​ട​ന്നു​നീ​ങ്ങി​യ​ത് ഓ​ർ​മ​യി​ല്ലേ....

കുട​യെ​ടു​ക്കാ​തെ മ​ഴ​ക്കാ​ല​ത്ത് പ്രീ ​ഡി​ഗ്രി​ക്കാ​ർ കാന്പ​സി​ലെ​ത്തു​മാ​യി​രു​ന്നു. കൂ​ടെ​പ​ഠി​ക്കു​ന്ന ഏ​തെ​ങ്കി​ലും പെ​ണ്‍​കു​ട്ടി കു​ട​ചൂ​ടി പോ​കു​ന്ന​തു ക​ണ്ടാ​ൽ ഉ​ട​ൻ ചാ​ടി​ക്ക​യ​റി ആ ​കു​ട​ക്കീ​ഴി​ൽ ചേ​ർ​ന്നു ന​ട​ക്കാ​നൊ​രു ന​ന്പ​ർ...

പ്രീ ​ഡി​ഗ്രി​ക്കാ​ര​ൻ നേ​രി​ടേ​ണ്ടി വ​ന്ന റാ​ഗിം​ഗും പ​റ​യാ​തെ വ​യ്യ. സ്കൂ​ളി​ൽ നി​ന്ന് ന​ഗ​ര​ത്തി​ലെ കോ​ള​ജി​ൽ പ്രീ ​ഡി​ഗ്രി​ക്ക് അ​ഡ്മി​ഷ​ൻ കി​ട്ടി പോ​കു​ന്പോ​ൾ ആ​രൊ​ക്കെ​യോ ഭീ​ഷ​ണി​പ്പെ​ടു​ത്തി​ക്കൊ​ണ്ട് ആ​ശ്വ​സി​പ്പി​ച്ചു - റാ​ഗിം​ഗ് സൂ​ക്ഷി​ക്ക​ണം​ട്ടോ....

ഹോ​സ്റ്റ​ൽ മു​റി​യി​ൽ പു​സ്ത​കം തു​റ​ന്നു​വച്ച​യു​ട​ൻ വാ​തി​ലി​ൽ മു​ട്ടു​കേ​ട്ട് വി​റ​ച്ചി​ട്ടു​ണ്ട്. ത​വ​ള​ച്ചാ​ട്ടം ചാ​ടാ​നും അ​ടി​വ​സ്ത്രം മാ​ത്ര​മി​ട്ട് ഒ​റ്റ​ക്കാ​ലി​ൽ ഡാ​ൻ​സ് ക​ളി​ക്കാ​നും എ​രി​വു​ള്ള മു​ള​ക് ക​ടി​ച്ചു​പി​ടി​ച്ച് അ​ഞ്ചു​മി​നി​റ്റ് അ​ന​ങ്ങാ​തെ നി​ൽ​ക്കാ​നു​മൊ​ക്കെ​യാ​യി ഒ​രു ഡ​സ​നോ​ളം നന്പറുകൾ. റാ​ഗിം​ഗ് നേ​രി​ട്ട് റൂ​മി​ലെ​ത്തി ക​ട്ടി​ലി​ൽ വീ​ഴു​ന്പോ​ഴു​ള്ള ആ​ശ്വാ​സം അ​ടു​ത്ത വ​ർ​ഷം ഇ​തെ​ല്ലാം ജൂ​നി​യേ​ഴ്സി​നു നേ​രെ എ​ടു​ക്കാ​മ​ല്ലോ എ​ന്നാ​യി​രു​ന്നു...

ഫ​സ്റ്റ് ഇ​യ​റി​ൽ ഉ​ഴ​പ്പി​യ​വ​ർ​ക്കെ​ല്ലാം സെ​ക്ക​ൻഡ് ഇ​യ​റി​ൽ ഇ​ര​ട്ടി​പ്പ​ണി​യാ​യി​രു​ന്നു. സെ​ക്ക​ൻഡ് ഇ​യ​ർ എ​ന്നു പ​റ​യാ​ൻ ച​മ്മ​ലു​ള്ള​വ​ർ പ്രീ ​ഡി​ഗ്രി ഫൈ​ന​ൽ ഇ​യ​ർ എ​ന്നാ​ണ് സ്വ​യം വി​ശേ​ഷി​പ്പി​ച്ചി​രു​ന്ന​ത്.

കോ​ള​ജി​ൽനി​ന്ന് ടൂ​റു​പോ​കു​ന്പോ​ൾ ക​ല​പി​ല​ക്കൂ​ട്ട​മാ​യി പ്രീ ​ഡി​ഗ്രി​ക്കാ​ർ ബ​സു​ക​ളി​ൽ നി​റ​ഞ്ഞു നി​ന്നി​രു​ന്നു. ചു​രു​ക്കി​പ്പ​റ​ഞ്ഞാ​ൽ പ്രീ ​ഡി​ഗ്രി​ക്കാ​രാ​ണ് കോ​ള​ജ് കാന്പ​സു​ക​ളെ കാന്പ​സു​ക​ളാ​ക്കി​യി​രു​ന്ന​ത്. അ​വ​ർ പ​ടി​യി​റ​ങ്ങി​യ​പ്പോ​ഴാ​ണ് അ​വ​രു​ടെ വി​ല കാ​ന്പ​സു​ക​ള​റി​ഞ്ഞ​ത്.
അ​വ​സാ​ന​ത്തെ പ്രീ ​ഡി​ഗ്രി​ക്കാാ​ർ 2001ൽ ​കാന്പ​സി​ന്‍റെ പ​ടി​യി​റ​ങ്ങി​യ​ത് ര​ണ്ടുതു​ള്ളി ക​ണ്ണു​നീ​ർ കാന്പ​സി​നു ന​ൽ​കി​യി​ട്ടാ​ണ്. പി​ന്നെ ക്ലാ​സ്മേ​റ്റ്സ് സി​നി​മ വ​ന്ന​പ്പോ​ൾ, പ​ഴ​യ കൂ​ട്ടു​കാ​രെ​ല്ലാം ഒ​ന്നി​ച്ചു​കൂ​ടാ​ൻ തു​ട​ങ്ങി​യ​പ്പോ​ൾ, പ​ഴ​യ പ്രീ ​ഡി​ഗ്രി ബാ​ച്ചു​കാ​ർ പ​ല​വ​ഴി​യി​ൽനി​ന്നും ഒ​ന്നി​ച്ചു​കൂ​ടി...​ഫെ​യ്സ്ബു​ക്കി​ലും വാ​ട്സാ​പ്പി​ലും പ്രീ ​ഡി​ഗ്രി ബാ​ച്ച് ഗ്രൂ​പ്പു​ക​ളു​ണ്ടാ​ക്കി...

പൊ​ടി​മീ​ശ​ക്കാ​രും ഉ​ണ്ട​ക്ക​ണ്ണി​മാ​രു​മെ​ല്ലാം കാ​ല​ങ്ങ​ൾ​ക്കുശേ​ഷം വീ​ണ്ടും ക​ണ്ടു​മു​ട്ടി....
ബി.​കോം ഫ​സ്റ്റ് ക്ലാ​സു​കാ​ര​നാ​യ ദാ​സ​നെ ക​ണ്ട​പ്പോ​ൾ പാ​വം പ്രീ ​ഡി​ഗ്രി​ക്കാ​ര​നാ​യ വി​ജ​യ​ൻ പ​റ​ഞ്ഞു - പ്രീ ​ഡി​ഗ്രി അ​ത്ര മോ​ശം ഡി​ഗ്രി​യൊ​ന്നു​മ​ല്ല ദാ​സാ....
പ​ഴ​യ പ്രീ ​ഡി​ഗ്രി​ക്കാ​ർ അ​തേ​റ്റു പ​റ​ഞ്ഞു..
പ്രീ ​ഡി​ഗ്രി അ​ത്ര മോ​ശം ഡി​ഗ്രി​യൊ​ന്നു​മ​ല്ല ദാ​സാ.....

ഋ​ഷി