പു​തി​യ ധാ​ർ​മി​ക​ത
സ്ഥ​ല​കാ​ലാ​തീ​ത​മാ​യ ന​വ​സ​ന്ദേ​ശ​ങ്ങ​ൾ ലോ​ക​ത്തി​നു ന​ൽ​കി​യ​തു​കൊ​ണ്ടാ​ണ് യേ​ശു​വി​നെ വി​ശ്വ​ഗു​രു എ​ന്നു വി​ളി​ക്കു​ന്ന​ത്. നി​ല​വി​ലി​രു​ന്ന മോ​ശ​യു​ടെ നി​യ​മ​സം​ഹി​ത​യ്ക്കു പു​തി​യ വ്യാ​ഖ്യാ​നം ന​ൽ​കി​ക്കൊ​ണ്ട് യേ​ശു പ​ഠി​പ്പി​ച്ച പു​തി​യ ധാ​ർ​മി​ക​ത മ​ല​യി​ലെ പ്ര​സം​ഗ​ത്തി​ൽ ന​മ്മെ ആ​ക​ർ​ഷി​ക്കു​ന്നു. നി​യ​മ​ത്തെ ഇ​ല്ലാ​താ​ക്കാ​നോ ന​ശി​പ്പി​ക്കാ​നോ അ​ല്ല, അ​ത് പൂ​ർ​ത്തി​യാ​ക്കാ​നാ​ണ് യേ​ശു വ​ന്ന​ത്. മ​നു​ഷ്യ​മ​ഹ​ത്വ​ത്തി​നും മ​നു​ഷ്യാ​വ​കാ​ശ​ങ്ങ​ൾ​ക്കും ഭം​ഗ​മേ​ൽ​പ്പി​ക്കു​ന്ന നി​യ​മ​ങ്ങ​ളൊ​ക്കെ തി​രു​ത്ത​പ്പെ​ടേ​ണ്ട​വ​യാ​ണെ​ന്ന് യേ​ശു വാ​ദി​ച്ചു. അ​ന്ധ​മാ​യ നി​യ​മാ​നു​ഷ്ഠാ​ന​മ​ല്ല, മ​നു​ഷ്യ​സ്നേ​ഹ​മാ​ണ് പ്ര​ധാ​നം. എ​ല്ലാ നി​യ​മ​ങ്ങ​ളെ​യും ദൈ​വ​സ്നേ​ഹം, പ​ര​സ്നേ​ഹം എ​ന്നീ ര​ണ്ടു പ്ര​മാ​ണ​ങ്ങ​ളി​ൽ അ​വി​ടു​ന്ന് സം​ഗ്ര​ഹി​ച്ചു. ബാ​ഹ്യാ​ചാ​ര​ങ്ങ​ൾ​ക്കെ​ന്ന​തി​നേ​ക്കാ​ൾ ആ​ന്ത​രി​ക മാ​റ്റ​ത്തി​ന് പ്രാ​ധാ​ന്യം കൊ​ടു​ത്ത​താ​ണ് യേ​ശു ന​ൽ​കി​യ ധാ​ർ​മി​ക​ത​യു​ടെ ഏ​റ്റ​വും വ​ലി​യ സ​വി​ശേ​ഷ​ത.

മ​ല​യി​ലെ പ്ര​സം​ഗം രേ​ഖ​പ്പെ​ടു​ത്തി​യി​രി​ക്കു​ന്ന മ​ത്താ​യി​യു​ടെ സു​വി​ശേ​ഷം അ​ഞ്ചാം അ​ധ്യാ​യം 20 മു​ത​ൽ 48 വ​രെ വാ​ക്യ​ങ്ങ​ളി​ൽ ശ്ര​ദ്ധേ​യ​മാ​യ ആ​റു വി​രു​ദ്ധോ​ക്തി​ക​ൾ നാം ​കാ​ണു​ന്നു. പ​ഴ​യ​നി​യ​മ​ത്തി​ൽ​നി​ന്നോ യ​ഹൂ​ദ​പാ​ര​ന്പ​ര്യ​ത്തി​ൽ​നി​ന്നോ എ​ന്തെ​ങ്കി​ലും ഉ​ദ്ധ​രി​ച്ച​ശേ​ഷം അ​തി​ന് യേ​ശു ന​ൽ​കു​ന്ന ന​വ​മാ​യ വ്യാ​ഖ്യാ​ന​മാ​ണ് വി​രു​ദ്ധോ​ക്തി. ഇ​വ​യി​ൽ നാ​ലെ​ണ്ണം ആ​ദ്യം ന​മു​ക്കു പ​രി​ശോ​ധി​ക്കാം.

ഒ​ന്നാ​മ​ത്തെ വി​രു​ദ്ധോ​ക്തി: കൊ​ല്ല​രു​ത് എ​ന്ന് നി​ങ്ങ​ൾ കേ​ട്ടി​ട്ടു​ണ്ട​ല്ലോ. എ​ന്നാ​ൽ, ഞാ​ൻ നി​ങ്ങ​ളോ​ടു പ​റ​യു​ന്നു, സ​ഹോ​ദ​ര​നോ​ട് കോ​പി​ക്കു​ന്ന​വ​നും സ​ഹോ​ദ​ര​നെ ഭോ​ഷാ എ​ന്നു വി​ളി​ക്കു​ന്ന​വ​നും വി​ഡ്ഢി എ​ന്നു വി​ളി​ക്കു​ന്ന​വ​നും കൊ​ല​പാ​ത​ക​ത്തി​ന് തു​ല്യ​മാ​യ തെ​റ്റു​ത​ന്നെ ചെ​യ്യു​ന്നു. മ​റ്റു​ള്ള​വ​രോ​ട് കോ​പി​ക്കു​ന്പോ​ഴും അ​വ​രെ അ​പ​മാ​നി​ക്കു​ന്പോ​ഴും അ​വ​രു​ടെ സ​ൽ​പ്പേ​ര് ക​ള​ങ്ക​പ്പെ​ടു​ത്തു​ന്പോ​ഴും കൊ​ല​പാ​ത​കം ചെ​യ്യു​ക​യാ​ണെ​ന്ന് പ​റ​ഞ്ഞ​പ്പോ​ൾ, കൊ​ല​പാ​ത​ക​ത്തി​ന്‍റെ വേ​ര് മ​നു​ഷ്യ​ന്‍റെ ആ​ന്ത​രി​ക ത​ല​ങ്ങ​ളി​ലാ​ണ് കി​ട​ക്കു​ന്ന​തെ​ന്ന് അ​വി​ടു​ന്ന് വ്യ​ക്ത​മാ​ക്കു​ക​യാ​യി​രു​ന്നു. കോ​പ​വും അ​വ​ഹേ​ള​ന​വും സ്വ​ഭാ​വ​ഹ​ത്യ​യു​മെ​ല്ലാം മ​നു​ഷ്യ​വ്യ​ക്തി​ത്വ​ത്തെ അ​വ​മ​തി​ക്കു​ന്ന​തി​ന് തു​ല്യ​മാ​ണ്. അ​തി​നാ​ൽ ഓ​രോ മ​നു​ഷ്യ​നെ​യും ബ​ഹു​മാ​നി​ക്കു​ക എ​ന്ന​താ​ണ് യേ​ശു ഈ ​വി​രു​ദ്ധോ​ക്തി​യി​ലൂ​ടെ ഉ​യ​ർ​ത്തി​ക്കാ​ട്ടു​ന്ന മൂ​ല്യം. ബ​ലി​യ​ർ​പ്പ​ണ​ത്തെ​ക്കാ​ൾ പ്ര​ധാ​നം സ​ഹോ​ദ​ര​നു​മാ​യു​ള്ള ര​മ്യ​ത​യാ​ണെ​ന്നും യേ​ശു തു​ട​ർ​ന്ന് പ​റ​ഞ്ഞു​വ​യ്ക്കു​ന്നു. അ​നു​ര​ഞ്ജ​ന​ത്തി​ന് ഇ​ത്ര​യേ​റെ പ്രാ​ധാ​ന്യം കൊ​ടു​ക്കു​ന്ന പ്ര​ബോ​ധ​നം മ​റ്റെ​വി​ടെ​യെ​ങ്കി​ലും കാ​ണാ​നാ​വു​മോ? അ​നു​ര​ഞ്ജ​ന​മെ​ന്ന മൂ​ല്യം ക്രി​സ്തു​ദ​ർ​ശ​ന​ത്തി​ന്‍റെ മു​ഖ​മു​ദ്ര​യാ​ണ്.


ര​ണ്ടാ​മ​ത്തെ വി​രു​ദ്ധോ​ക്തി​യി​ൽ, വ്യ​ഭി​ചാ​രം ആ​ന്ത​രി​ക ത​ല​ത്തി​ൽ ആ​രം​ഭി​ക്കു​ന്നു​വെ​ന്ന് യേ​ശു പ​ഠി​പ്പി​ക്കു​ന്നു. ആ​സ​ക്തി​യോ​ടെ സ്ത്രീ​യെ നോ​ക്കു​ന്ന​വ​ൻ, അ​വ​ളു​മാ​യി ഹൃ​ദ​യ​ത്തി​ൽ വ്യ​ഭി​ചാ​രം ചെ​യ്തു​ക​ഴി​ഞ്ഞു. ദു​ർ​മ​നോ​മു​ക്ത​മാ​യ വ്യ​ക്തി​ബ​ന്ധ​മാ​ണ് ഇ​വി​ടെ അ​ന്ത​ർ​ഹി​ത​മാ​യി​രി​ക്കു​ന്ന മൂ​ല്യം. ഉ​പേ​ക്ഷാ​പ​ത്രം കൊ​ടു​ത്ത് ഭാ​ര്യ​യെ ഉ​പേ​ക്ഷി​ക്കു​ന്ന രീ​തി മോ​ശ​യു​ടെ നി​യ​മം അ​നു​വ​ദി​ച്ചി​രു​ന്നു. ഭാ​ര്യ​യി​ൽ എ​ന്തെ​ങ്കി​ലും തെ​റ്റു ക​ണ്ട് അ​വ​ന് അ​വ​ളോ​ട് ഇ​ഷ്ട​മി​ല്ലാ​താ​യാ​ൽ വി​വാ​ഹ​മോ​ച​ന​പ​ത്രം കൊ​ടു​ത്ത് അ​വ​ളെ പ​റ​ഞ്ഞ​യ​യ്ക്കാം. ഈ ​ആ​നു​കൂ​ല്യ​ത്തെ യേ​ശു പൂ​ർ​ണ​മാ​യി നി​രാ​ക​രി​ക്കു​ന്നു.

ഒ​രു കാ​ര​ണ​വ​ശാ​ലും വി​വാ​ഹ​മോ​ച​നം പാ​ടി​ല്ല എ​ന്നാ​ണ് മൂ​ന്നാ​മ​ത്തെ വി​രു​ദ്ധോ​ക്തി​യി​ലൂ​ടെ യേ​ശു പ​ഠി​പ്പി​ക്കു​ന്ന​ത്. പ​ര​സം​ഗം നി​മി​ത്ത​മ​ല്ലാ​തെ എ​ന്നൊ​രു ആ​നു​കൂ​ല്യം മ​ത്താ​യി സു​വി​ശേ​ഷ​ക​ൻ ഇ​വി​ടെ കൂ​ട്ടി​ച്ചേ​ർ​ത്തി​ട്ടു​ണ്ട്. മ​ർ​ക്കോ​സി​ന്‍റെ സു​വി​ശേ​ഷ​ത്തി​ലും ലൂ​ക്കാ​യു​ടെ സു​വി​ശേ​ഷ​ത്തി​ലും യാ​തൊ​രു ആ​നു​കൂ​ല്യ വ്യ​വ​സ്ഥ​യു​മി​ല്ലാ​തെ വി​വാ​ഹ​മോ​ച​ന​ത്തെ നി​രാ​ക​രി​ക്കു​ന്ന വാ​ക്യ​ങ്ങ​ളാ​ണ് നാം ​കാ​ണു​ന്ന​ത്.

നാ​ലാ​മ​ത്തെ വി​രു​ദ്ധോ​ക്തി ചി​ന്ത​യി​ലും വാ​ക്കി​ലും പ്ര​വൃ​ത്തി​യി​ലും പു​ല​ർ​ത്തേ​ണ്ട സ​ത്യ​സ​ന്ധ​ത അ​നി​ഷേ​ധ്യ​മാ​യി പ​ഠി​പ്പി​ക്കു​ന്ന തി​രു​വ​ച​ന​മാ​ണ്. അ​തേ എ​ന്നോ അ​ല്ല എ​ന്നോ തെ​ളി​ച്ചു പ​റ​യാ​ൻ മാ​ത്ര​മു​ള്ള സ​ത്യ​സ​ന്ധ​ത​യും സു​താ​ര്യ​ത​യു​മാ​ണ് നാം ​പു​ല​ർ​ത്തേ​ണ്ട​ത്.

മ​ല​യി​ലെ പ്ര​സം​ഗ​ത്തി​ലെ നാ​ല് വി​രു​ദ്ധോ​ക്തി​ക​ളാ​ണ് നാം ​പ​രി​ചി​ന്ത​ന​ത്തി​ന് വി​ധേ​യ​മാ​ക്കി​യ​ത്. അ​ഞ്ച് മാ​ന​വീ​യ മൂ​ല്യ​ങ്ങ​ൾ ഇ​വി​ടെ അ​ന്തഃ​സ്ഥി​ത​മാ​യി​ട്ടു​ണ്ട്. മ​നു​ഷ്യ​മ​ഹ​ത്വം, സം​ശു​ദ്ധ​മാ​യ വ്യ​ക്തി​ബ​ന്ധം, വി​വാ​ഹ​ത്തി​ന്‍റെ അ​ഭേ​ദ്യ​ത, അ​നു​ര​ഞ്ജ​നം, സ​ത്യ​സ​ന്ധ​ത. പ്രീ​ശ​രു​ടെ​യും നി​യ​മ​ജ്ഞ​രു​ടെ​യും ധാ​ർ​മി​ക​ത​യെ ഉ​ല്ലം​ഘി​ക്കു​ന്ന ഉ​ദാ​ത്ത​മാ​യ ധാ​ർ​മി​ക​ത​യാ​ണ് യേ​ശു പ​ഠി​പ്പി​ച്ച​ത്. യേ​ശു​വി​ന്‍റെ ധീ​ര​വും ആ​ധി​കാ​രി​ക​വു​മാ​യ നി​യ​മ​വ്യാ​ഖ്യാ​ന​ത്തി​ന് അ​വി​ടു​ന്ന് കൊ​ടു​ത്ത വി​ല​യാ​ണ് കു​രി​ശ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.