അക്കൗണ്ടന്‍റ് ജനറലിനു പരാതി നൽകുക : Deepika.com Tax News

Services & Questions

അക്കൗണ്ടന്‍റ് ജനറലിനു പരാതി നൽകുക

1983 നവംബർ 18ന് എച്ച്എസ്എ ആയി സർക്കാർ സ്കൂളിൽ നിയമനം ലഭിച്ചു. 31-3-2015 ൽ എച്ച്എസ്എ ആയി വിരമിച്ചു. എന്‍റെ ജനനത്തീയതി 2-10-1958 ആണ്. 2014 ജൂലൈ, ഓഗസ്റ്റ്, സെപ്റ്റംബർ എന്നീ മാസങ്ങളിൽ എനിക്ക് മെഡിക്കൽ സർട്ടിഫിക്കറ്റ് ഇല്ലാതെ ശന്പള രഹിത അവധിയെടുക്കേണ്ടി വന്നു. 30 വർഷവും എട്ടു മാസവും സർവീസുണ്ട്. വിരമിച്ച സമയത്തെ ശന്പള സ്കെയിലായ 30,610 അനുസരിച്ച് പെൻഷനും ഇതര ആനുകൂല്യങ്ങളും ലഭിച്ചു.

എന്നാൽ 2014 ജൂലൈയിൽ ശന്പളപരിഷ്കരണം വന്നപ്പോൾ മൂന്നു മാസത്തെ ലീവ് കഴിച്ച് എനിക്ക് ഇൻക്രിമെന്‍റോടുകൂടി പുതിയ ശന്പള സ്കെയിൽ 2014 ഒക്ടോബറിൽ ശന്പളം പരിഷ്കരിച്ച് 63,900കിട്ടി. 2014 നവംബർ മുതൽ 2015 മാർച്ച് 31‌ വരെ ഞാൻ സൂപ്പർ ആനുവേഷനിലായിരുന്നു. അതിനാൽ പെൻഷൻ കണക്കാക്കാൻ സർവീസിലെ അവസാന 10 മാസം എടുക്കുന്പോൾ ഒന്പതു മാസം pre-revised scaleഉം ഒരു മാസം Revised scaleലും ആണ് വരുന്നത്.

Revised പെൻഷൻ എനിക്ക് ഇപ്പോൾ അനുവദിച്ചിരിക്കുന്നത് 17,237, ഫാമിലി പെൻഷൻ Higher Rate 19,170ഉം Normal Rate 19,170 ഉം ആണ്. Average Emoluments 34,472 ആണ്.
എന്‍റെ പെൻഷൻ കണക്കാക്കിയിരിക്കുന്നത് എങ്ങനെയാണ്? പ്രീ റിവൈസ്ഡ് സ്കെയിലിന്‍റെ കൂടെ 80 ശതമാനം ഡിഎ കൂട്ടികിട്ടുവാൻ എനിക്ക് അർഹതയുണ്ടോ? ഡിഎ കൂട്ടികിട്ടുന്പോൾ പഴയ പെൻഷൻ തുകയേക്കാൾ പുതിയ പെൻഷൻ തുക വളരെ കൂടുതൽ/കുറവ് വരുന്നതിനാൽ എന്തു ചെയ്യണം?
അന്ന മാത്യു, കോതമംഗലം

1-7-2014 അല്ലെങ്കിൽ അതിനുശേഷം വിരമിച്ച ജീവനക്കാരുടെ പെൻഷൻ കണക്കാക്കുന്പോൾ പ്രീ റിവൈസ്ഡ് പീരിയഡിന്‍റെ അടിസ്ഥാന ശന്പളത്തോടൊപ്പം അന്ന് നിലവിൽ ഉണ്ടായിരുന്ന ഡിഎ 73% അല്ലെങ്കിൽ 63% കൂടി കൂട്ടേണ്ടതാണ്. അങ്ങനെ കണക്കാക്കപ്പെടുന്ന പുതുക്കിയ പെൻഷൻ റിവൈസ്ഡ് സ്കെയിലിന്‍റെ 50% ൽ കുറവായാൽ (30 വർഷം സർവീസുള്ളവർക്ക്) 50% ആയി ഉയർത്തി നൽകേണ്ടതാണ് എന്ന് പെൻഷൻ പരിഷ്കരണ ഉത്തരവിന്‍റെ GO(P) 9/2016 Fin Dt. 20/1/2016, 2.3 ഖണ്ഡികയിൽ സൂചിപ്പിച്ചിട്ടുണ്ട്. താങ്കളുടെ പെൻഷൻ കണക്കാക്കിയതിൽ തെറ്റുള്ളതായി മനസിലാക്കുന്നു. അക്കൗണ്ടന്‍റ് ജനറലിന് നേരിട്ട് പരാതി സമർപ്പിക്കുക. PPO No. Ref No. എന്നിവ വ്യക്തമാക്കിയിരിക്കണം.