തടയപ്പെട്ട ശന്പളം പിഎഫിൽ ലയിപ്പിക്കുക, ബാക്കിയുള്ളത് പണമായി മാറിയെടുക്കാം : Deepika.com Tax News

Services & Questions

തടയപ്പെട്ട ശന്പളം പിഎഫിൽ ലയിപ്പിക്കുക, ബാക്കിയുള്ളത് പണമായി മാറിയെടുക്കാം

1- 10- 2001 മുതൽ എയ്ഡഡ് ഹയർ സെക്കൻഡറി സ്കൂളിൽ എച്ച്എസ്എസ് ടീച്ചറായി ജോലി ചെയ്തു. എന്നാൽ സർക്കാർ ഈ നിയമനം അംഗീകരിച്ചില്ല. അതിനാൽ മാനേജ്മെന്‍റ് 20 -1- 2003 മുതൽ ഒരു റിട്ടയർമെന്‍റ് വേക്കൻസിയിൽ പുനർനിയമനം നൽകി. ഈ നിയമനം സർക്കാരും ഡിപ്പാർട്ട്മെന്‍റും അംഗീകരിക്കുകയും 20-1-2003 മുതൽ എനിക്ക് ശന്പളം കിട്ടുകയും ചെയ്തു.

എന്നാൽ മുൻ നിയമനം അംഗീകരിച്ചു കിട്ടാൻ ഹൈക്കോടതിയിൽ ഞാൻ റിട്ട് സമർപ്പിച്ചു. അതിന്‍റെ അടിസ്ഥാനത്തിൽ എന്‍റെ നിയമനം 1-10-2001 മുതൽ അംഗീകരിച്ച് ശന്പളം നൽകുവാൻ കോടതി ഉത്തരവിട്ടു. കോടതി വിധിയുടെ അടിസ്ഥാനത്തിൽ എന്‍റെ നിയമനം 1- 10- 2001 മുതൽ അംഗീകരിച്ചുകൊണ്ട് ഡിപ്പാർട്ട്മെന്‍റ് ഉത്തരവ് നൽകി. ഉത്തരവിൽ തടയപ്പെട്ട കാലത്തെ ശന്പളം പിഎഫിൽ ലയിപ്പിക്കണമെന്ന് പറഞ്ഞിട്ടുണ്ട്. അപ്പോൾ അതിനുശേഷമുള്ളത് പണമായി ലഭിക്കുമോ?
പി.കെ. മീന, പത്തനംതിട്ട

1- 10- 2001 മുതൽ ശന്പളം ക്രമീകരിച്ച് ഇപ്പോൾ നിലവിൽ വാങ്ങിക്കൊണ്ടിരിക്കുന്ന ശന്പളം വരെ ക്രമപ്പെടുത്തേണ്ടതാണ്. 1- 10- 2001 മുതൽ ശന്പളം ഫിക്സ് ചെയ്ത് 19-1-2003 വരെയുള്ള ശന്പള കുടിശിക മൊത്തമായി പിഎഫിൽ ലയിപ്പിക്കുക. ആ തുക പിൻവലിക്കാനുള്ള തീയതിക്കുശേഷം മാത്രം പിൻവലിക്കുക. 20- 1- 2003 മുതൽ 2017 മാർച്ച് വരെയുള്ള കുടിശിക രൊക്കം പണമായി മാറിയെടുക്കാവുന്നതാണ്. ഈ കാലയളവിലുള്ള ശന്പള പരിഷ്കരണങ്ങൾ പുനർക്രമീകരിക്കുന്പോൾ നിലവിലുള്ള വ്യവസ്ഥ പിൻതുടരേണ്ടതാണ്. അതായത് ഓപ്ഷൻ മുൻപ് നൽകിയിട്ടുള്ളത് മാറ്റുവാൻ സാധിക്കില്ല.