സമയബന്ധിത ഹയർഗ്രേഡ് പ്രൊബേഷനുമായി ബന്ധമില്ല : Deepika.com Tax News

Services & Questions

സമയബന്ധിത ഹയർഗ്രേഡ് പ്രൊബേഷനുമായി ബന്ധമില്ല

പഞ്ചായത്ത് വകുപ്പിൽ എട്ടു വർഷമായി എൽഡി ക്ലർക്കായി ജോലി ചെയ്യുന്നു. വികലാംഗ ക്വാട്ടയിൽ ജില്ലാ കളക്ടറുടെ ഉത്തരവുപ്രകാരമാണ് എനിക്കു ജോലി ലഭിച്ചത്. ഡിപ്പാർട്ട്മെന്‍റൽ ടെസ്റ്റുകളൊന്നും പാസായിട്ടില്ല. അതിനാൽ എനിക്ക് ആകെ ഒരു ഇൻക്രിമെന്‍റ് മാത്രമേ ലഭിച്ചിട്ടുള്ളൂ. 2014ലെ ശന്പള പരിഷ്കരണവും ചെയ്തിട്ടില്ല. ഇപ്പോൾ എനിക്ക് 50 വയസ് പൂർത്തിയായി. 50 വയസ് പൂർത്തിയായവർക്ക് ടെസ്റ്റ് യോഗ്യതയിൽനിന്നും ഇളവുള്ളതായി അറിയുന്നു. അങ്ങനെയെങ്കിൽ എന്‍റെ പ്രൊബേഷൻ പാസാക്കി ശന്പളം നൽകാവുന്നതല്ലേ? ഞാൻ ഇതുസംബന്ധിച്ച് ആർക്കാണ് പരാതി നൽകേണ്ടത്?
കെ.പി. ജോർജ്, ഏന്തയാർ

അന്പത് വയസ് പൂർത്തിയായ ജീവനക്കാരെ വകുപ്പുതല ടെസ്റ്റ് പാസാകുന്നതിൽനിന്നും ഒഴിവാക്കിയിട്ടുണ്ട്. അതിനാൽ താങ്കൾക്ക് 50 വയസ് പൂർത്തിയായിട്ടുണ്ടെന്നു കാണിച്ചുകൊണ്ടുള്ള അപേക്ഷ ഓഫീസ് മേധാവിക്ക് സമർപ്പിക്കുക. അതുമുഖേന പ്രൊബേഷൻ ഡിക്ലയർ ചെയ്യാവുന്നതും നഷ്ടപ്പെട്ടുപോയ ഇൻക്രിമെന്‍റുകൾ ലഭിക്കാവുന്നതുമാണ്. 2014ലെ ശന്പള പരിഷ്കരണത്തിന് ഇത് ബാധകമല്ല. അതുപോലെ എട്ടു വർഷം പൂർത്തീകരിച്ചാൽ ഒരു മാസത്തെ സമയബന്ധിത ഹയർഗ്രേഡിന് അർഹതയുണ്ട്. ഇതിന് പ്രൊബേഷൻ ബാധകമല്ല.