റീ ഒാപ്ഷൻ നൽകി ഫിക്സേഷൻ നടത്താം : Deepika.com Tax News

Services & Questions

റീ ഒാപ്ഷൻ നൽകി ഫിക്സേഷൻ നടത്താം

മൃഗസംരക്ഷണ വകുപ്പിൽ 10-8-2015ൽ എനിക്ക് ഹെഡ് ക്ലർക്കായി പ്രമോഷൻ ലഭിച്ചു. എന്‍റെ ഇൻക്രിമെന്‍റ് തീയതി ഡിസംബറിലായിരുന്നു. എന്നാൽ ഹെഡ് ക്ലർക്കിന്‍റെ പ്രമോഷൻ വന്നപ്പോൾ മുതൽ ഇൻക്രിമെന്‍റ് ഓഗസ്റ്റ് മാസത്തിലായി. 28A (a) പ്രകാരമാണ് ഓപ്ഷൻ കൊടുത്തത്. 28A (b) പ്രകാരം ഓപ്ഷൻ കൊടുത്തിരുന്നുവെങ്കിൽ ഒരു ഇൻക്രിമെന്‍റ് കൂടി ലഭിക്കുകയും ഇൻക്രിമെന്‍റ് ഡിസംബർ മാസം തന്നെ വരികയും ചെയ്യുമായിരുന്നു. ഇതിന്‍റെ അടിസ്ഥാനത്തിലാണ് 2014 ലെ ശന്പളവും ചെയ്തിരിക്കുന്നത്. ഫലത്തിൽ എന്‍റെ ഒരു ഇൻക്രിമെന്‍റ് നഷ്ടപ്പെട്ടു. ഇതു പരിഹരിക്കുവാൻ അടുത്ത കാലത്ത് പുതിയ ഉത്തരവ് ഇറങ്ങിയിട്ടുണ്ടോ?
ഗീതുദാസ്, ആലപ്പുഴ

1-7-2014നും 31-1-2016നും ഇടയിൽ പ്രമോഷൻ ലഭിച്ച ജീവനക്കാർക്ക് പ്രമോഷൻ പ്രകാരം ഫിക്സേഷൻ നടത്തിയപ്പോൾ 28A (a) പ്രകാരം ശന്പളം ഫിക്സ് ചെയ്യുന്നതിനേക്കാൾ ഗുണകരം 28A(b) പ്രകാരം ഓപ്ഷൻ അനുസരിച്ച് ഫിക്സ് ചെയ്യുന്നതായിരുന്നു. ഇതുപ്രകാരം റീ ഓപ്ഷൻ അനുവദിച്ചുകൊണ്ട് സർക്കാർ ഉത്തരവായിട്ടുണ്ട്. 9-2-2017ലെ GO(P) 19/2017 Fin പ്രകാരമുള്ള ഉത്തരവിലാണ് ഇതിനെപ്പറ്റി വിശദീകരിച്ചിട്ടുള്ളത്. അതിനാൽ റീ ഓപ്ഷൻ സമർപ്പിച്ച് 28A(b) പ്രകാരം ഫിക്സേഷൻ നടത്തുക. ഈ ഉത്തരവുപ്രകാരമുള്ള റീഓപ്ഷൻ ഉത്തരവു തീയതി മുതൽ മൂന്നു മാസത്തിനുള്ളിൽ നടത്തണമെന്നാണ് ഉത്തരവിൽ കാണിച്ചിട്ടുള്ളതെങ്കിലും താങ്കളുടെ പ്രശ്നം പരി ഹരിച്ചുകിട്ടും. ഇതുപ്രകാരം ശന്പളം പുതുക്കി നിശ്ചയിക്കുന്പോൾ ആദ്യം ലഭിച്ചതിനേക്കാൾ ഒരു ഇൻക്രിമെന്‍റ് കൂടുതൽ ലഭിക്കുന്നതാണ്.