സർവീസ് ആനുകൂല്യങ്ങൾക്ക് അർഹതയുണ്ട് : Deepika.com Tax News

Services & Questions

സർവീസ് ആനുകൂല്യങ്ങൾക്ക് അർഹതയുണ്ട്

പഞ്ചായത്ത് വകുപ്പിൽ എൽഡി ക്ലർക്കായി കളക്ടറുടെ വികലാംഗ ഉത്തരവു പ്രകാരം 2008 ഓഗസ്റ്റ് 10ന് സർവീസിൽ പ്രവേശിച്ചു. എംഒപി പാസായിട്ടുണ്ട്. അതിൻപ്രകാരം പ്രൊബേഷൻ ഡിക്ലയർ ചെയ്തിട്ടുണ്ട്. എന്നാൽ മറ്റ് യാതൊരുവിധ വകുപ്പുതല പരീക്ഷകളും പാസായിട്ടില്ല. 2012 ജൂൺ 15-ാം തീയതി എനിക്ക് 50 വയസ് പൂർത്തിയായിട്ടുണ്ട്. 50 വയസ് പൂർത്തിയായ ജീവനക്കാരനെ വകുപ്പുതല പരീക്ഷ പാസാകുന്നതിൽനിന്ന് ഒഴിവാക്കിയിട്ടുണ്ടെന്ന് അറിയാൻ കഴിഞ്ഞു. ഇതിന്‍റെ അടിസ്ഥാനത്തിൽ 50 വയസ് പൂർത്തിയായ 2012 ജൂണിനുശേഷം എനിക്ക് യുഡി ക്ലർക്കായി പ്രമോഷൻ ലഭിക്കാൻ അർഹതയില്ലേ? ഞാൻ ഇപ്പോഴും എൽഡി ക്ലർക്കിന്‍റെ തസ്തികയിലാണ് ശന്പളം വാങ്ങുന്നത്.
എം.കെ. യൂസഫ്, തിരുവല്ല

50 വയസ് പൂർത്തിയാകുന്ന ജീവനക്കാർക്ക് കെഎസ്ആർ പാർട്ട് II Rule13 (B) അനുസരിച്ച് വകുപ്പുതല പരീക്ഷ പാസാകുന്നതിൽനിന്ന് ഇളവ് അനുവദിച്ചിട്ടുണ്ട്. 50 വയസ് പൂർത്തിയാകുന്ന 15-6-2012 മുതൽ സീനിയോറിറ്റി പ്രകാരം ലഭിക്കുന്ന പ്രമോഷനും ഹയർഗ്രേഡുകൾക്കും പ്രമോഷൻ തസ്തികയുടെ സ്കെയിൽ അനുവദനീയമാണ്. അതുപോലെ കെഎസ്ആർ റൂൾ 28A പ്രകാരമുള്ള ശന്പളം ഫിക്സേഷൻ ആനുകൂല്യവും ലഭിക്കാൻ അർഹതയുണ്ട്. അതിനാൽ ഓഫീസ് മേധാവി മുഖേന പഞ്ചായത്ത് ഡപ്യൂട്ടി ഡയറക്ടർക്ക് അപേക്ഷ സമർപ്പിക്കുക. 50 വയസ് പൂർത്തീകരിച്ചതിന്‍റെ വിവരം അപേക്ഷയിൽ പ്രത്യേകം സൂചിപ്പിക്കുക. അതിനാൽ ആ തീയതിക്കുശേഷമുള്ള എല്ലാ സർവീസ് ആനുകൂല്യങ്ങൾക്കും അർഹതയുണ്ട്.