സീനിയോറിറ്റി ലിസ്റ്റ് പരിശോധിക്കുക : Deepika.com Tax News

Services & Questions

സീനിയോറിറ്റി ലിസ്റ്റ് പരിശോധിക്കുക

10/8/2000ൽ പ്യൂണ്‍ തസ്തികയിൽ ആരോഗ്യവകുപ്പിൽ സർവീസിൽ പ്രവേശിച്ചു. ആദ്യത്തെ രണ്ട് സമയബന്ധിത ഗ്രേഡുകൾ വാങ്ങിയിട്ടുണ്ട്. യോഗ്യതയുടെയും സീനിയോറിറ്റിയുടെയും അടിസ്ഥാനത്തിൽ 10 ശതമാനം ജീവനക്കാരെ തസ്തിക മാറ്റംവഴി എൽഡി ക്ലർക്ക്/എൽഡി ടൈപ്പിസ്റ്റ് തസ്തികകളിൽ നിയമിക്കാറുണ്ടെന്ന് അറിയുന്നു. എസ്എസ്എൽസി പാസായ രണ്ടു ഹയർഗ്രേഡുകളും വാങ്ങിയ എനിക്ക് എൽഡി ക്ലർക്ക് തസ്തികയിൽ പ്രമോഷൻ കിട്ടാൻ അർഹതയുണ്ടോ? ഇപ്പോഴത്തെ സീനിയോറിറ്റി ലിസ്റ്റ് ഞാൻ പരിശോധിച്ചിട്ടില്ല. ഇതിനുവേണ്ടി ഞാൻ പ്രത്യേക അപേക്ഷ നൽകേണ്ടതുണ്ടോ?
പി. ജസീന, തിരുവല്ല

ക്ലാസ് IVതസ്തികയിൽ പ്രവേശനം ലഭിച്ച് വിവിധ വകുപ്പുകളിൽ ജോലിചെയ്യുന്ന ജീവനക്കാർക്ക് യോഗ്യതയുടെയും സീനിയോറിറ്റിയുടെയും അടിസ്ഥാനത്തിൽ എൽഡി ക്ലർക്ക്/ എൽഡി ടൈപ്പിസ്റ്റ് തസ്തികകളിൽ തസ്തികമാറ്റം വഴി നിയമനം നൽകാറുണ്ട്. നിലവിൽ 10 ശതമാനം ജീവനക്കാരെയാണ് നിയമിക്കുന്നത്. ആരോഗ്യവകുപ്പിൽ ജില്ലാ അടിസ്ഥാനത്തിലാണ് ഈ തസ്തികയിലുള്ള ജീവനക്കാരുടെ സീനിയോറിറ്റി ലിസ്റ്റ് തയാറാക്കിയിട്ടുള്ളത്. ഉദ്യോഗസ്ഥ ഭരണപരിഷ്കാര വകുപ്പിന്‍റെ 3-1-2014ലെ G O (P) No. 1/2014/ഉ.ഭ.പ.വ. എന്ന ഉത്തരവിൽ ഇത് വിശദമാക്കിയിട്ടുണ്ട്. നിലവിലുള്ള സീനിയോറിറ്റി ലിസ്റ്റ് പരിശോധിക്കുക. നിലവിൽ ഏതു ജീവനക്കാരെ വരെ തസ്തികമാറ്റം വഴി നിയമിച്ചിട്ടുണ്ടെന്ന് പരിശോധിച്ച് എന്തെങ്കിലും തെറ്റുണ്ടെങ്കിൽ ജില്ലാ മെഡിക്കൽ ഓഫീസർക്ക് പരാതിപ്പെടുക.