Services & Questions
സ്റ്റാഫ് നഴ്സ്: ശന്പള സ്കെയിലുകൾ വർധിപ്പിച്ചു
ഇൻഷ്വറൻസ് മെഡിക്കൽ സർവീസസ് വകുപ്പിലെ സ്റ്റാഫ് നഴ്സുമാരുടെ ശന്പള സ്കെയിലുകൾ വർധിപ്പിച്ചുകൊണ്ട് സർക്കാർ ഉത്തരവ് G.O (അനോമലി റെക്ടിഫിക്കേഷൻ സെൽ) No. 373/2017 (76) Dt. 10-8-2017. ഈ ഉത്തരവുമൂലമുള്ള സാന്പത്തികാനുകൂല്യങ്ങൾ 31-7-2017 വരെ സാങ്കൽപ്പികമായിരിക്കും.
ഇൻഷ്വറൻസ് മെഡിക്കൽ സർവീസസ് വകുപ്പിലെ സ്റ്റാഫ് നഴ്സ് ഗ്രേഡ് II, സ്റ്റാഫ് നഴ്സ് ഗ്രേഡ് I, ഹെഡ് നഴ്സ് തസ്തികകളുടെ ശന്പള സ്കെയിലുകൾ 26,500-56,700രൂപ, 27,800-59,400രൂപ, 30,700-65,400രൂപയിൽനിന്നും യഥാക്രമം 27,800-59,400രൂപ, 29,200-62,400രൂപ, 32,300-68,700രൂപ ആയി പരിഷ്കരിക്കുന്നു. ഇതിന് 1-7-2014 മുതൽ പ്രാബല്യമുണ്ട്. പത്താം ശന്പള പരിഷ്കരണ ഉത്തരവിലെ പേജ് 83 അനുബന്ധം XI ലെ ‘ഇൻഷ്വറൻസ് മെഡിക്കൽ സർവീസസ്’എന്ന ശീർഷകത്തിനു താഴെ കാണുന്ന ഇഎസ്ഐ അലവൻസ് എന്ന ഉപശീർഷകം ഒഴിവാക്കുന്നു.
ഉത്തരവിലെ പേജ് 78ൽ കാണുന്ന പത്താം ശന്പള പരിഷ്കരണ ‘ഇൻഷ്വറൻസ് മെഡിക്കൽ ഓഫീസർ’ എന്ന തസ്തിക ഒഴിവാക്കി പകരം ‘ഇൻഷ്വറൻസ് മെഡിക്കൽ ഓഫീസർ/ അസിസ്റ്റന്റ് ഇൻഷ്വറൻസ് മെഡിക്കൽ ഓഫീസർ’ എന്നു ചേർക്കുന്നു. അതുപോലെ പ്രസ്തുത പേജിൽ തന്നെ കാണുന്ന ‘ജൂണിയർ ലബോറട്ടറി അറ്റൻഡർ’ എന്ന തസ്തിക നീക്കം ചെയ്ത് പകരം ‘ജൂണിയർ ലബോറട്ടറി അസിസ്റ്റന്റ്’എന്നു ചേർക്കുന്നു.