ഒഴിവുവരുന്ന മുറയ്ക്ക് നിയമനം ലഭിക്കും : Deepika.com Tax News

Services & Questions

ഒഴിവുവരുന്ന മുറയ്ക്ക് നിയമനം ലഭിക്കും

മലപ്പുറം ജില്ലയിലെ പി എസ്‌സി റാങ്ക് ലിസ്റ്റിൽനിന്ന് ടൂറിസം വകുപ്പിൽ ഹെഡ് ക്വാർട്ടേഴ്സ് ഒഴിവിൽ ലാസ്റ്റ് ഗ്രേഡ് തസ്തികയിൽ നിയമനം ലഭിച്ചു ജോലി ചെയ്തുവരുന്നു. മലപ്പുറം ജില്ലയിൽ ടൂറിസം വകുപ്പിന് ഓഫീസുകൾ ഇല്ലാത്തതിനാൽ എനിക്ക് നിയമനം മാറ്റി ലഭിച്ചില്ല. ഞാൻ മറ്റു വകുപ്പുകളിലേക്ക് സ്ഥലം മാറ്റത്തിനുവേണ്ടി അപേക്ഷിച്ചുവെങ്കിലും നിശ്ചിത പരിധിയിൽ ഒഴിവുകൾ ഇല്ല എന്നാണറിയാൻ കഴിഞ്ഞത്. അതിനാൽ സ്ഥലംമാറ്റം ലഭിക്കുന്നില്ല. എനിക്ക് സ്വന്തം ജില്ലയിലേക്ക് മാറ്റം ലഭിക്കാൻ എന്താണ് ചെയ്യേണ്ടത്?
മുഹമ്മദ് ബഷീർ, മലപ്പുറം

ജില്ലാതലത്തിൽ ഓഫീസുകൾ ഇല്ലാത്ത വകുപ്പുകളുടെ ഹെഡ്ക്വാർട്ടേഴ്സിൽ നിയമിതരാകുന്ന ലാസ്റ്റ് ഗ്രേഡ് ജീവനക്കാർക്ക് അവർ നിയമനത്തിനായി തെരഞ്ഞെടുത്ത ജില്ലയിലേക്ക് അന്തർവകുപ്പു സ്ഥലംമാറ്റത്തിന് അപേക്ഷിക്കാം. അപേക്ഷ സമർപ്പിച്ച വകുപ്പിൽ പിഎസ്‌‌ സി ക്ക് റിപ്പോർട്ട് ചെയ്യാനുള്ളതോ അടുത്തുണ്ടാകുന്നതോ ആയ ഒഴിവിൽ നിയമനം ലഭിക്കേണ്ടതാണ്. ഹെഡ്ക്വാർട്ടേഴ്സിൽ ഉണ്ടാകുന്ന ഒഴിവ് ഹെഡ് ക്വാർട്ടേഴ്സ് ഒഴിവായി കണക്കാക്കേണ്ടതാണ്. അതിനാൽ താങ്കൾ അപേക്ഷിച്ച വകുപ്പിൽ അടുത്തുണ്ടാകുന്ന ഒഴിവിൽ നിയമനം ലഭിക്കാൻ താങ്കൾക്ക് അർഹതയുണ്ട്.