സർക്കാരിലേക്ക് അപേക്ഷ സമർപ്പിക്കാം, പ്രശ്നം പരിഹരിക്കാം : Deepika.com Tax News

Services & Questions

സർക്കാരിലേക്ക് അപേക്ഷ സമർപ്പിക്കാം, പ്രശ്നം പരിഹരിക്കാം

പ്രൈമറി ഹെഡ്മാസ്റ്റർ ആയി 31-/3-/1992ൽ വിരമിച്ചു. എന്‍റെ ജനനത്തീയതി 7-/8-/1936 ആണ്. 24/-6-/1964 മുതൽ 31-/8-/1991 വരെയുള്ള തുടർച്ചയായ സേവനകാലമായ 27 വർഷവും രണ്ടു മാസവും എട്ടു ദിവസവും കണക്കാക്കിയാണ് സർവീസ് / പെൻഷൻ ആനുകൂല്യങ്ങൾ അനുവദിച്ചു കിട്ടിയത്. എന്‍റെ സ്ഥിര നിയമനത്തിനു മുന്പുള്ള അണ്‍ ട്രെയിൻഡ് സർവീസ് (1-/8-/1961 മുതൽ 3-6-1962 വരെ)കാല‌വും ട്രെയിനിംഗ് പീരിയഡ് (8/-6-/1962 മുതൽ 31-/3-/1964 വരെ)കാലവും സേവനകാലത്തോടു ചേർത്ത് ആനുകൂല്യങ്ങൾ അനുവദിച്ച് കിട്ടിയില്ല. ഇതിനായി ഹർജികൾ നൽകിയെങ്കിലും ഫലമുണ്ടായില്ല. എന്നാൽ നിരവധി വ്യക്തികൾക്ക് അണ്‍ ട്രെയിൻഡ് സേവനകാലവും ട്രെയിനിംഗ് കാലവും സേവനകാലത്തോടു ചേർത്ത് ആനുകൂല്യങ്ങൾ നൽകിയതായി അറിയാൻ കഴിഞ്ഞു. ആയതിനാൽ ഇക്കാര്യത്തിൽ സർക്കാരിന് പുനഃപരിശോധനാ ഹർജി നൽകിയാൽ ഫലം കിട്ടുമോ?
എം.എം. തോമസ്, എറണാകുളം

അധ്യാപകരുടെ ട്രെയിനിംഗ് കാലം സർക്കാർ മേഖലയിലും എയ്ഡഡ് സ്കൂൾ സർവീസ് മേഖലയിലും പെൻഷന് കണക്കാക്കുന്നുണ്ട്. ഇതിൽ ചില തർക്കവിഷയങ്ങൾ ഉണ്ട്. 1-6-1974 ലെ ഗ.ഉ(എംഎസ്) നം. 103/74/ പൊതു വിദ്യാഭ്യാസ ഉത്തരവു പ്രകാരം എയ്ഡഡ് സ്കൂൾ സർവീസ് കാലത്തോ ഗവണ്‍മെന്‍റ് സ്കൂൾ സർവീസ് കാലത്താേ അല്ലെങ്കിൽ ഈ രണ്ടു സർവീസിനും ഇടയ്ക്കുള്ള കാലത്താേ ആണെങ്കിൽ പോലും പെൻഷന് കണക്കാക്കിക്കൊണ്ട് 24-1-1968 മുതൽ പ്രാബല്യത്തിൽ ഉത്തരവുണ്ട്. അതിനാൽ സർക്കാരിലേക്ക് അപേക്ഷ സമർപ്പിച്ച് വ്യക്തത നേടി പ്രശ്നം പരിഹരിക്കാവുന്നതാണ്.