ഭർത്താവിന്‍റെ വിവരങ്ങൾ അറിയാൻ വിവരാവകാശ നിയമം പ്രയോജനപ്പെടുത്താം : Deepika.com Tax News

Services & Questions

ഭർത്താവിന്‍റെ വിവരങ്ങൾ അറിയാൻ വിവരാവകാശ നിയമം പ്രയോജനപ്പെടുത്താം

എന്‍റെ ഭർത്താവ് ക്ലാസ് ഫോർ ജീവനക്കാരനായി ഫിഷറീസ് വകുപ്പിൽ 2001ൽ ജോലിയിൽ പ്രവേശിച്ചു. ഞാനും ഭർത്താവും 18 വർഷമായി പിരിഞ്ഞ് താമസിക്കുകയാണ്. ബന്ധം വേർപെടുത്തിയിട്ടില്ല.

കോടതി അനുവദിച്ച തുക കൈപ്പറ്റി ജീവിക്കുകയാണ്. ഒരു മകനും ഉണ്ട്. ഭർത്താവ് പെൻഷനായിട്ട് രണ്ടു മാസമായി എന്നറിയുന്നു. ഇതു സംബന്ധിച്ച കൂടുതൽ വിവരങ്ങൾ എവിടെ അന്വേഷിക്കണം? എനിക്ക് മറ്റു ജീവിതമാർഗമൊന്നുമില്ല. പെൻഷന് നോമിനിയായി എന്‍റെ പേര് നൽകിയിട്ടുണ്ടോ? നോമിനിയെ വച്ചിട്ടില്ലെങ്കിൽ അദ്ദേഹത്തിന്‍റെ കാലശേഷം വിവാഹ സർട്ടിഫിക്കറ്റ് ഹാജരാക്കിയാൽ ഭർത്താവിന്‍റെ പെൻഷൻ കിട്ടാൻ അർഹതയുണ്ടോ?
വനജ, ഗുരുവായൂർ

താങ്കളുടെ ഭർത്താവ് സർവീസിൽ നിന്ന് വിരമിച്ചോ, പെൻഷൻ ബുക്കിൽ ഫാമിലിയുടെ പേര് ഉൾപ്പെടുത്തിയിട്ടുണ്ടോ, പെൻഷൻ ആരുടെ പേരിലാണ് ചേർത്തിട്ടുള്ളത് തുടങ്ങിയ വിവരങ്ങൾ ഭർത്താവ് അവസാനം ജോലി ചെയ്തിരുന്ന ഓഫീസിലോ അല്ലെങ്കിൽ പെൻഷൻ അനുവദിച്ച് ഉത്തരവിറക്കിയ മേൽ ഓഫീസിലോ രേഖാമൂലം (വിവരാവകാശം മുഖേന അപേക്ഷ സമർപ്പിക്കുക) ആവശ്യപ്പെട്ടാൽ ലഭിക്കുന്നതാണ്. വിവാഹബന്ധം വേർപ്പെടുത്താത്തതുകൊണ്ട് നിലവിൽ ഇപ്പോഴും ഭാര്യയാണ് എന്ന അവകാശത്തിന്‍റെ അടിസ്ഥാനത്തിൽ അപേക്ഷ സമർപ്പിക്കുക. ഭർത്താവിന്‍റെ കാലശേഷം വിവാഹസർട്ടിഫിക്കറ്റും അതുപോലുള്ള അനുബന്ധ രേഖകളും സമർപ്പിച്ചാൽ ഫാമിലി പെൻഷന് അർഹതയുണ്ട്.