അപേക്ഷ നിരസിച്ചതിൽ തെറ്റില്ല : Deepika.com Tax News

Services & Questions

അപേക്ഷ നിരസിച്ചതിൽ തെറ്റില്ല

17/7/1989ൽ പിഎസ്‌‌സി വഴി കൃഷി വകുപ്പിൽ വർക്ക് സൂപ്രണ്ട് ആയി ജോലിയിൽ പ്രവേശിച്ചു. തുടർന്നു കൃഷി വകുപ്പിൽനിന്ന് റിലീവ് ചെയ്ത് 17-/2-/1994ൽ പൊതുമരാമത്ത് വകുപ്പിൽ ജോലിയിൽ പ്രവേശിക്കുകയും ചെയ്തു. ഇക്കാലയളവിൽ എന്‍റെ ശന്പളം സംരക്ഷിച്ചുകിട്ടുകയും ചെയ്തു. സർവീസ് ബ്രേക്ക് കൂടാതെ 10 വർഷം പൂർത്തിയായപ്പോൾ 17-/7/1999ൽ ഒന്നാമത്തെ സമയബന്ധിത ഹയർഗ്രേഡും 16 വർഷം പൂർത്തിയായപ്പോൾ രണ്ടാമത്തേതും 22 വർഷം പൂർത്തിയായപ്പോൾ 17/7/2011ൽ മൂന്നാമത്തേയും സമയബന്ധിത ഹയർഗ്രേഡ് ലഭിച്ചു.

16/-7/-2016 ൽ 27 വർഷത്തെ സമയബന്ധിത ഹയർ ഗ്രേഡ് ലഭിക്കുന്നതിനായി അപേക്ഷ സമർപ്പിച്ചെങ്കിലും പൊതുമരാമത്ത് വകുപ്പ് ചീഫ് എൻജിനിയറുടെ (നിരത്തുകളും പാലങ്ങളും വിഭാഗം, തിരുവനന്തപുരം) ഓഫീസിൽനിന്ന് അപേക്ഷ നിരസിക്കുകയും 17/-7-/1989 മുതൽ 16-2-1994 വരെയുള്ള സേവനകാലം സമയബന്ധിത ഹയർ ഗ്രേഡിന് പരിഗണിക്കുകയില്ലെന്നും മുന്പ് നൽകിയിട്ടുള്ള സമയബന്ധിത ഹയർ ഗ്രേഡിന് പുതിയ പ്രൊപ്പോസൽ നൽകണമെന്നും ആവശ്യപ്പെട്ടു. എനിക്ക് നാലാമത്തെ സമയബന്ധിത ഹയർഗ്രേഡ് ലഭിക്കുന്നതിന് അർഹതയില്ലേ?
ജോസ് ടി. , പെരുന്പാവൂർ

താങ്കൾ 17-7-1989ൽ കൃഷി വകുപ്പിൽ സൂപ്രണ്ടായി ജോലിയിൽ പ്രവേശിച്ചു. എന്നാൽ 17-2-1994 മുതലാണ് പൊതുമരാമത്തു വകുപ്പിൽ മൂന്നാം ഗ്രേഡ് ഓവർസീയർ ആയി പിഎസ്‌‌സി മുഖേന ജോലിയിൽ പ്രവേശിച്ചത്. ഇതനുസരിച്ച് താങ്കളുടെ എൻട്രി കേഡർ എന്നു പറയുന്നത് ഓവർസീയർ ഗ്രേഡ് IIIഎന്നുള്ളതാണ്. രണ്ടു തസ്തികകളുടെയും ശന്പള സ്കെയിൽ ഒന്നുതന്നെ ആണെങ്കിലും രണ്ട് വ്യത്യസ്ത തസ്തികയിലാണ് അറിയപ്പെടുന്നത്. 15-9-1985 വരെയുള്ള കാലം വരെയാണ് ഒരേ ശന്പള സ്കെയിലിലുള്ള തസ്തികകൾക്ക് ഹയർഗ്രേഡ് അനുവദിച്ചിട്ടുള്ളത്. 15/-9/-1985നുശേഷം ഉള്ള ഹയർഗ്രേഡുകൾ അനുവദിക്കുന്പോൾ എൻട്രി കേഡറിലെ തസ്തികയയാണ് അടിസ്ഥാനമായി കണ ക്കാക്കുന്നത്. എന്നാൽ വ്യത്യസ്ത വകുപ്പുകളിലെ തസ്തികകളുടെ പേരും ശന്പള സ്കെയിലിലും ഒന്നുതന്നെയാണെങ്കിൽ അത് സർവീസ് ഗ്രേഡിന് പരിഗണിക്കും. (ഗവ. സർക്കുലർ നന്പർ. 46/2008 തീയതി 8/-8-/2008). അതിനാൽ 27 വർഷത്തെ ഹയർ ഗ്രേഡിനുള്ള അർഹത 17.02.2021ലാണ്. താങ്കൾക്കു ലഭിച്ച നിർദേശങ്ങൾ ശരിയാണ്.