ഹാഫ് പേ ലീവ് എടുക്കാവുന്നതാണ് : Deepika.com Tax News

Services & Questions

ഹാഫ് പേ ലീവ് എടുക്കാവുന്നതാണ്

വനം വകുപ്പിൽ ക്ലർക്കായി കൊല്ലം ജില്ലയിൽ ജോലിചെയ്യുന്നു. സർവീസിൽ പ്രവേശിച്ചിട്ട് രണ്ടു വർഷവും ഏഴു മാസവുമായിട്ടുണ്ട്. എനിക്ക് അത്യാവശ്യമായി 15 ദിവസത്തെ അവധി ആവശ്യമുണ്ട്. ശന്പളത്തിൽ കുറവുവരാതെ എനിക്ക് കമ്യൂട്ടഡ് ലീവ് എടുക്കാൻ സാധിക്കുമോ? എന്‍റെ ക്രെഡിറ്റിൽ ഇപ്പോൾ 40 ദിവസത്തെ ഹാഫ് പേ ലീവുണ്ട്. ഏണ്‍ഡ് ലീവ് എടുത്താൽ അത് കൂടുതൽ നഷ്ടം ഉണ്ടാക്കും എന്നാണ് മനസിലാക്കാൻ സാധിച്ചത്. എന്‍റെ പ്രൊബേഷൻ പീരിയഡ് വിജയകരമായി പൂർത്തിയാക്കി പ്രഖ്യാപിച്ചിട്ടുള്ളതാണ്.
കെ.എസ്. ജിസമ്മ, ആലപ്പുഴ

സ്ഥിരം തസ്തികയിൽ നിയമിക്കപ്പെട്ടവർക്കും അതുപോലെ ഒഫിഷ്യേറ്റിംഗ് തസ്തികയിൽ മൂന്നു വർഷം പൂർത്തിയാക്കിയവർക്കും മാത്രമാണ് കമ്യൂട്ടഡ് ലീവ് എടുക്കാനുള്ള അർഹത. ഒഫിഷ്യേറ്റിംഗ് തസ്തികയിൽ മൂന്നു വർഷം പൂർത്തിയാക്കിയവർക്ക് കമ്യൂട്ടഡ് ലീവ് എടുക്കുന്നതിന് തടസമില്ല. ആവശ്യം ഒഴിവാക്കാൻ സാധിക്കാത്തതാണെങ്കിൽ ഹാഫ് പേ ലീവ് എടുക്കാം. ഇപ്പോൾ ഡിഎയുടെ ശതമാനം കുറവാണെങ്കിൽപോലും ഹാഫ് പേയും ഫുൾ ഡിഎയും ലഭിക്കുമല്ലോ. ശന്പളത്തിൽ കുറവുവരാതെയിരിക്കണമെങ്കിൽ ഏണ്‍ഡ് ലീവ് തന്നെ എടുക്കേണ്ടിവരും. താങ്കൾ സർവീസ് കുറഞ്ഞ ജീവനക്കാരി ആയതുകൊണ്ട് തത്കാലം വലിയ നഷ്ടം സംഭവിക്കുന്നില്ല.