പകരം ആളെ കണ്ടെത്തേണ്ടത് മേലധികാരി : Deepika.com Tax News

Services & Questions

പകരം ആളെ കണ്ടെത്തേണ്ടത് മേലധികാരി

പാർട്ട്ടൈം സ്വീപ്പറായി നീതിന്യായ വകുപ്പിൽ ജോലിചെയ്യുന്ന ശാരീരിക ന്യൂന തയുള്ളയാളാണ്. എനിക്ക് 50 ശതമാനത്തിൽ അധികം ന്യൂ നത ഉണ്ട്. കാഷ്വൽ ലീവ്, സ്പെഷൽ കാഷ്വൽ ലീവ് എന്നിവ ലഭിക്കുവാൻ ബുദ്ധിമുട്ടുണ്ട്. സാധാരണ 15 ദിവസത്തിൽ കൂടുതൽ കാഷ്വൽ ലീവ് അനുവദിക്കാറില്ല. അല്ലെങ്കിൽ അവധി എടുക്കുന്ന ദിവസങ്ങൾ പ്രത്യേകം ആളുകളെക്കൊണ്ട് ഞാൻ തന്നെ ജോലി ചെയ്യിപ്പിക്കണമെന്നാണ് പറയുന്നത്. മാത്രവുമല്ല സ്പെഷൽ കാഷ്വൽ ലീവ് അനുവദിക്കാൻ ബുദ്ധിമുട്ടും കാണിക്കാറുണ്ട്. സ്പെഷൽ കാഷ്വൽ ലീവ് എടുത്താൽ കണ്‍വയൻസ് അലവൻസ് കുറയുമെന്നാണ് കാരണം പറയുന്നത്. ഇതു സംബന്ധിച്ച കൂടുതൽ വിവരങ്ങൾ അറിയാൻ ആഗ്രഹിക്കുന്നു.

വി.പി. ലതാദേവി,
തിരുവല്ല

കെഎസ്ആർ റൂൾ 16 എ അപ്പൻഡിക്സ് ഏഴു പ്രകാരം കണ്‍വയൻസിന് അർഹരായ ശാരീരിക ന്യൂനതയുള്ള എ ല്ലാ ജീവനക്കാർക്കും ഒരു കലണ്ടർ വർഷത്തിൽ 15 സ്പെഷൽ കാഷ്വൽ ലീവിന് അർഹതയുണ്ട്. തങ്ങളുടെ ശാരീ രിക ന്യൂനതയുടെ ചികിത്സയ്ക്കായിട്ടാണ് അവധി അനുവദിക്കുന്നത്. അതിനാൽ മെഡിക്കൽ സർട്ടിഫിക്കറ്റ് അവധി അപേക്ഷയോടൊപ്പം നൽകണം. അപേക്ഷ സാധാരണ ഗതിയിൽ എഴുതികൊടുത്താൽ മതി. അതുപോലെ അവധി ഒന്നിച്ച് എടുക്കണമെന്നില്ല.

പാർട്ട്ടൈം സ്വീപ്പർ അവധി എടുക്കുന്പോൾ പകരം ആളെ ഏർപ്പെടുത്തേണ്ട ചുമതല ഓഫീസ് മേലധികാരിയുടേതാണ്. അവധി കാലയളവിൽ കണ്‍വയൻസ് അലവൻസിനും അർഹതയുണ്ട്.
(ഗ.ഉ (പി) 404/2011‍/ധന. തീയതി 24-09-2011)