ആശ്രിത നിയമനം ലഭിക്കും, അതോടൊപ്പം ഫാമിലി പെൻഷനും ലഭിക്കും : Deepika.com Tax News

Services & Questions

ആശ്രിത നിയമനം ലഭിക്കും, അതോടൊപ്പം ഫാമിലി പെൻഷനും ലഭിക്കും

സർക്കാർ ജീവനക്കാരായ മകനും ഭാര്യയും ബസ് അപകടത്തിൽ മരണപ്പെട്ടു. രണ്ടുപേർക്കും 20 വർഷത്തിലധികം സർവീസുണ്ട്. (23 വർഷവും, 21 വർഷവും) ഇവരുടെ മരണശേഷം എന്‍റെ മകന്‍റെ രണ്ടു കുട്ടികളും ഞാനുമാണ് നിലവിലെ അവകാശികൾ. എന്‍റെ മകനെ ആശ്രയിച്ചാണ് ഞാൻ കഴിഞ്ഞിരുന്നത്. മകന്‍റെ മക്കളിൽ മൂത്തമകന് 19ഉം ഇളയ കുട്ടിക്ക് 14ഉം വയസാണുള്ളത്. ഇവരിൽ ഒരാൾക്ക് ഗവ.ജോലിയും അതുപോലെ ഫാമിലി പെൻഷനും അർഹതയില്ലേ? കുട്ടികളുടെ മാതാപിതാക്കൾ സർക്കാർ ജീവനക്കാരായതുകൊണ്ട് രണ്ടു കുട്ടി കൾ ക്കും ഫാമിലി പെൻഷന് അർഹതയില്ലേ? അതോ ഒരു ഫാമിലി പെൻഷൻ മാത്രമേ ലഭിക്കുകയുള്ളോ?
കെ. മഹേശ്വരി അമ്മ, ആലപ്പുഴ

മാതാപിതാക്കൾ സർക്കാർ ജീവനക്കാരും സർവീസിലിരുന്നു മരിച്ചവരും ആയതിനാൽ കംപാഷണേറ്റ് വ്യവസ്ഥയിൽ മേജറായ ആൾക്ക് ജോലിക്ക് അർഹതയുണ്ട്.

അതുപോലെ മാതാപിതാക്കളെ ആശ്രയിച്ചുകഴിഞ്ഞിരുന്ന കുട്ടികൾക്ക് ഫാമിലി പെൻഷനും അർഹതയുണ്ട്. മാതാപിതാക്കൾ മരണമടഞ്ഞതിന്‍റെ പിറ്റേദിവസം മുതലാണ് ഫാമിലി പെൻഷന് അർഹത. എന്നാൽ ജോലി ലഭിക്കുന്പോൾ ഫാമിലി പെൻഷൻ നിർത്തുന്നതാണ്. എന്നാൽ പെണ്‍കുട്ടിക്ക് 25 വയസ് വരെയോ വിവാഹിതയാകുന്നതുവരെയോ ഫാമിലി പെൻഷന് അർഹതയുണ്ട്. മാതാപിതാക്കൾ സർക്കാർ ജീവനക്കാരായിരുന്നതുകൊണ്ട് കൂടുതൽ ശന്പളം ലഭിച്ചിരുന്നത് ഇതിൽ ആർക്കായിരുന്നു എന്നു പരിശോധിച്ച് അതിൻപ്രകാരം ഫാമിലി പെൻഷന് അപേക്ഷ സർപ്പിക്കുക.

(23-9-2016 ലെ ഗ.ഉ(പി) 140/16/ധന. പ്രകാരം ഇതിനു തടസമില്ല.