നാല് ഇൻക്രിമെന്‍റുകൾ ലഭിക്കും : Deepika.com Tax News

Services & Questions

നാല് ഇൻക്രിമെന്‍റുകൾ ലഭിക്കും

കൊമേഴ്സ്യൽ ഡിപ്പാർട്ട്മെന്‍റിൽ എൽഡി ക്ലർക്കായി ജോലി ചെയ്തുവരവേ 2015 ഏപ്രിൽ മാസത്തിലും 2015 ഒക്ടോബർ മാസത്തിലും യുഡി ക്ലർക്കായും ഹെഡ് ക്ലർക്കായും പ്രമോഷൻ ലഭിച്ചു. ഇതിന്‍റെ ഫിക്സേഷൻ നടത്തുകയും ചെയ്തു. ഇതിനുശേഷമാണ് 1-7-2014മുതൽ മുൻകാല പ്രാബല്യത്തോടെ ശന്പള പരിഷ്കരണം നടപ്പിലാക്കിയത്. രണ്ടു പ്രമോഷൻ കിട്ടിയതുപ്രകാരം എനിക്ക് പുതിയ ശന്പളപരിഷ്കരണത്തിൽ ബെനിഫിറ്റ് കിട്ടേണ്ടതല്ലേ? എന്നാൽ രണ്ടു ഫിക്സേഷനും പുതിയ പരിഷ്കരണത്തിൽ ബെനിഫിറ്റ് കിട്ടിയതായി കാണുന്നില്ല. പുതിയ സ്കെയിലിൽ രണ്ട് ഇൻക്രിമെന്‍റുകൾ ലഭിച്ചിട്ടുണ്ടെന്നാണ് തോന്നുന്നത്. ഇതു പരിശോധിക്കാൻ എന്താണ് മാർഗം?
കെ.വി. രാജേന്ദ്രൻ, ഏറ്റുമാനൂർ

1-7-2014 മുതൽ മുൻകാല പ്രാബല്യത്തോടെ ശന്പളം പരിഷ്കരിച്ചപ്പോൾ 1-7-2014 മുതൽ 31-1-2016 വരെയുള്ള കാലത്ത് നടത്തിയ പ്രമോഷനുകൾ, ഹയർഗ്രേഡ് എന്നിവ പുതിയ സ്കെയിൽ പ്രകാരം പുതുക്കുന്നതാണ്. ഒരു പ്രമോഷനിൽ കുറഞ്ഞതു രണ്ട് ഇൻക്രിമെന്‍റ് വച്ച് രണ്ട് പ്രമോഷന് നാലു ഇൻക്രിമെന്‍റുകൾ പുതിയ നിരക്കിൽ ലഭിക്കേണ്ടതാണ്. ഇതു സംബന്ധിച്ച് ഓഫീസ് മേധാവിക്ക് അപേക്ഷ സമർപ്പിച്ച് വ്യക്തത വരുത്താവുന്നതാണ്. ആവശ്യപ്പെട്ടാൽ സർവീസ് ബുക്ക് ജീവനക്കാരന് ലഭ്യമാക്കണം എന്നതാണ് നിയമം.