പെൻഷൻ നിർണയവും ബ്രോക്കൺ സർവീസും: പുതിയ ഉത്തരവുകൾ : Deepika.com Tax News

Services & Questions

പെൻഷൻ നിർണയവും ബ്രോക്കൺ സർവീസും: പുതിയ ഉത്തരവുകൾ

എയ്ഡഡ് സ്കൂളിലെ/കോളജിലെ അധ്യാപകർ/ അനധ്യാപകർ സ്ഥിരം സർവീസിൽ പ്രവേശിക്കുന്നതിനു മുന്പുള്ള അവരുടെ ബ്രോക്കൺ സർവീസ് (ലീവ് വേക്കൻസി) പെൻഷൻ ആനുകൂല്യങ്ങൾക്ക് പരിഗണിക്കുന്നത് സംബന്ധിച്ച് സർക്കാർ വീണ്ടും ഉത്തരവിറക്കി.

2018മാർച്ച് 21ന് ഇറക്കിയ സ.ഉ(പി) നം. 47 2018 ധനകാര്യം ഉത്തരവ് പറയുന്നു:- 1-6-2016 മുതൽ സർവീസിൽനിന്ന് വിരമിക്കുന്നവർക്ക് അവരുടെ സ്ഥിരം സർവീസിനു മുന്പുള്ള ബ്രോക്കൺ സർവീസ് പെൻഷൻ നിർണയത്തിന് പരിഗണിക്കില്ല. അതായത് 31-5-2016നോ അതിനു മുന്പോ സർവീസിൽനിന്ന് വിരമിച്ചവർക്ക് ബ്രോക്കൺ സർവീസ് യോഗ്യ സേവനകാലമായി പരിഗണിച്ച് പെൻഷൻ നിർണയം നടത്താം. അതോടൊപ്പം KSR Vol II, P III Rule14E(a) സർക്കാർ തീരുമാനം 8(I)ഉം Rule 31ന്‍റെ കുറിപ്പ് 3ഉം മുകളിലെ ഉത്തരവിലൂടെ 1-6-2016 മുതൽ പ്രാബല‍്യത്തിൽ സർക്കാർ റദ്ദാക്കി. ഈ രണ്ടു നിയമങ്ങളും ബ്രോക്കൺ സർവീസുകളെ സംബന്ധിച്ച് കെഎസ് ആറിൽ പ്രതിപാദിച്ചതാണ്.

ബ്രോക്കൺ സർവീസിനെ സംബന്ധിച്ച് ആദ്യ ഉത്തരവ് ഇറങ്ങിയത് 9-5-2016ലാണ്. (സ.ഉ(പി)നം. 66/2016). 9-5-2016ൽ ഇറങ്ങിയ ഉത്തരവിന്‍റെ വിശദീകരണമാണ് അതിനുശേഷം 5-8-2016ൽ ഇറക്കിയ സർക്കാർ ഉത്തരവ്.(സ.ഉ. (പി)നം.113/2016).

തുടർന്ന് 16-2-2018ൽ സർക്കാർ ഇറക്കിയ ഉത്തരവിൽ(സ.ഉ(പി)നം.21/2018) 9-5-2016മുതൽ ബ്രോക്കൺ സർവീസ് പെൻഷനു യോഗ്യ സേവനകാലമല്ലാതായി. ഇതാണ് 21-3-2018ലെ ഉത്തരവിൽ 1-6-2016 ആയി മാറ്റിയത്.