പ്രമോഷൻ സ്വീകരിക്കുന്നില്ല, ഹയർഗ്രേഡ് നഷ്‌‌ടപ്പെടുമോ? : Deepika.com Tax News

Services & Questions

പ്രമോഷൻ സ്വീകരിക്കുന്നില്ല, ഹയർഗ്രേഡ് നഷ്‌‌ടപ്പെടുമോ?

എയ്ഡഡ് ഹൈസ്കൂളിൽ ലാസ്റ്റ് ഗ്രേഡ് സെർവന്‍റായി 25 വർഷമായി ജോലി ചെയ്യുന്നു. എനിക്ക് അഞ്ചു വർഷത്തെ സർവീസ് കൂടി ബാക്കിയുണ്ട്. അടുത്തവർഷം ഞങ്ങളുടെ സ്കൂളിലെ ക്ലർക്ക് വിരമിക്കും. ഞാൻ എസ്എസ്എൽസി പാസായ ആളാണ്. ഞാനാണ് സീനിയർ. എന്നാൽ ക്ലർക്കിന്‍റെ പോസ്റ്റിലേക്കുള്ള പ്രമോഷനിൽ എനിക്ക് താത്പര്യം ഇല്ല. എന്‍റെ ശന്പളത്തിൽ കൂടുതൽ കുറവു വരില്ല. അതിനാൽ പ്രമോഷൻ വേണ്ടെന്നു വച്ചുകൊണ്ട് എനിക്ക് ലാസ്റ്റ്ഗ്രേഡ് സെർവന്‍റായി തുടരുന്നതിനു തടസം ഉണ്ടോ? പ്രമോഷൻ ഉപേക്ഷിച്ചാൽ അടുത്ത ഹയർഗ്രേഡ് ലഭിക്കില്ല എന്നു പറയുന്നതു ശരിയാണോ?
ജേക്കബ് തോമസ്, കട്ടപ്പന

സാധാരണ സമയബന്ധിത ഹയർഗ്രേഡ് വാങ്ങുന്പോൾ ഭാവിയിലുണ്ടാകുന്ന പ്രമോഷൻ നിരസിക്കില്ല എന്ന വ്യവസ്ഥയോടെയാണ് അത് സ്വീകരിക്കുന്നത്. എന്നാൽ ലാസ്റ്റ് ഗ്രേഡ് ജീവനക്കാർക്ക് ലഭിക്കാവുന്ന പ്രമോഷൻ തസ്തികയായ ക്ലർക്ക് തസ്തിക വേണ്ടെന്നുവച്ചാൽ പിന്നീടുള്ള ഹയർഗ്രേഡുകൾ നൽകാൻ പാടില്ല എന്നതായിരുന്നു നിലവിലെ വ്യവസ്ഥ. എന്നാൽ ഇപ്പോൾ എയ്ഡഡ് സ്കൂൾ സർവീസിലെ ക്ലർക്ക് തസ്തികയിലേക്കുള്ള പ്രമോഷൻ ഉപേക്ഷിച്ച് ലാസ്റ്റ് ഗ്രേഡ് തസ്തികയിൽ തുടരുന്നവർക്ക് സമയബന്ധിത ഗ്രേഡ് അനുവദിക്കുമെന്ന് സർക്കാർ ഉത്തരവിറക്കിയിട്ടുണ്ട്. സ.ഉ.(എംഎസ്)396/2016/ധന. തീയതി 12-10-2016.