ഫാമിലി പെൻഷൻ തുല്യമായി വീതിച്ചു നൽകും : Deepika.com Tax News

Services & Questions

ഫാമിലി പെൻഷൻ തുല്യമായി വീതിച്ചു നൽകും

സർക്കാർ ജീവനക്കാരനായ എന്‍റെ സ ഹോദരനും ഭാര്യയുംു വാഹനാപകടത്തിൽ മരണപ്പെട്ടു. അവർക്ക് പ്രായപൂർത്തിയാകാ ത്ത മൂന്നു കുട്ടികളുണ്ട്. ഈ മൂന്നു കുട്ടികളും ഒരേ പ്രസവത്തിലുള്ളതാണ്. ഈ കുട്ടികൾക്ക് ഫാമിലി പെൻഷന് അർഹത ഇല്ലേ? ഇരട്ടക്കുട്ടികളുടെ കാര്യമേ കെഎസ് ആർ പറയുന്നുള്ളൂ എന്നാണ് ഓഫീസിൽ അന്വേഷിച്ചപ്പോൾ അറിയാൻ കഴിഞ്ഞത്. കുട്ടികൾ ഇപ്പോൾ എന്‍റെ സംരക്ഷണയിലാണ്.കുട്ടികളുടെ ലീഗൽ ഗാർഡിയനാവാൻ എനിക്കു സാധിക്കുമോ? ഇതിനു സർട്ടിഫിക്കറ്റ് ആവശ്യമാണോ?
സരള, ചെറുതോണി

കെഎസ്ആറിലെ നിലവിലുള്ള നിയമപ്രകാരം ഇരട്ടക്കുട്ടികൾക്ക് പെൻഷൻ തുക തുല്യമായി നൽകണമെന്നാണ്. എന്നാൽ ഇതുസംബന്ധിച്ച ചില പ്രശ്നങ്ങൾ ഉണ്ടായപ്പോൾ സർക്കാർ നിയമം ഭേദഗതി ചെയ്തു പുതിയ ഉത്തരവിറക്കിയിട്ടുണ്ട്. ഒരു പ്രസവത്തിൽ രണ്ടിലധികം കുട്ടികളുണ്ടെങ്കിൽ അവരുടെ അർഹമായ ഫാമിലി പെൻഷൻ സമമായി വീതിച്ചു നൽകുന്നതിന് സർക്കാർ അനുമതി നൽകി ഉത്തരവു പുറപ്പെടുവിച്ചിട്ടുണ്ട്.

ഈ ഉത്തരവിന് 01- 04- 2016 മുതൽ മുൻകാല പ്രാബല്യം നൽകിയിട്ടുണ്ട്. കുട്ടികൾ പ്രായപൂർത്തിയാകാത്തവർ ആണെങ്കിൽ ലീഗൽ ഗാർഡിയൻ മുഖേന പെൻഷൻ വാങ്ങുവാൻ അനുവദിച്ചിട്ടുണ്ട്. 23-9-2016ലെ സ.ഉ(പി) 139/2016/ധന. എന്ന സർക്കാർ ഉത്തരവിൽ ഇത് വ്യക്തമാക്കിയിട്ടുണ്ട്. ലീഗൽ ഗാർഡിയന്‍റെ സർട്ടിഫിക്കറ്റ് തഹസീൽദാറിൽനിന്നും വാങ്ങേണ്ടതാണ്.