വിദ്യാഭ്യാസയോഗ്യതയുടെ അടിസ്ഥാനത്തിൽ ജോലി ലഭിക്കും : Deepika.com Tax News

Services & Questions

വിദ്യാഭ്യാസയോഗ്യതയുടെ അടിസ്ഥാനത്തിൽ ജോലി ലഭിക്കും

റവന്യൂ വകുപ്പിൽ യുഡി ക്ലർക്കായി ജോലി ചെയ്തു വരവേ പെട്ടെന്നുണ്ടായ രോഗത്തെതുടർന്നു ഭർത്താവ് മരണപ്പെട്ടു. അദ്ദേഹത്തിന് 17 വർഷം സർവീ സുണ്ട്. ഏഴുവർഷത്തെ സർവീസ് കൂടി ഇനി ബാക്കിയുണ്ട്. ഞങ്ങൾക്ക് കുട്ടികളില്ല. അതിനാൽ അനന്തര അവകാശി ഞാൻ മാത്രമാണ്. ഫാമിലി പെൻഷൻ, ഗ്രാറ്റിവിറ്റി എന്നിവയ്ക്കുള്ള അപേക്ഷകൾ ഇതുവരെയും കൊടുത്തിട്ടില്ല. അദ്ദേഹം മരിച്ചിട്ട് ഏഴു മാസം കഴിഞ്ഞു. എനിക്ക് 47 വയസുണ്ട്. ഞാൻ ബിരുദധാരിയാണ്. എനിക്ക് എൽഡി ക്ലർക്കായി ജോലി കിട്ടുമോ? സീനിയോറിറ്റിയുടെ അടിസ്ഥാനത്തിലാണോ കംപാഷണേറ്റ് വ്യവസ്ഥയിൽ ജോലി നൽകുന്നത്?
പി. ജയലക്ഷ്മി, ആലപ്പുഴ

കംപാഷണേറ്റ് അടിസ്ഥാനത്തിൽ ജോലി ലഭിക്കുന്പോൾ ഡിപ്പാർട്ട്മെന്‍റിലെ അപേക്ഷകരുടെ സീനിയോറിറ്റി പരിഗണിക്കും. അതുപോലെ വിദ്യാഭ്യാസ യോഗ്യതയുടെ അടിസ്ഥാനത്തിലാണ് ജോലി നൽകുന്നത്. താങ്കൾക്ക് എൽഡി ക്ലർക്കായി ജോലി ലഭിക്കാൻ അർഹതയുണ്ട്. ഫാമിലി പെൻഷൻ, ഗ്രാറ്റിവിറ്റി എന്നിവയ്ക്ക് മറ്റ് അവകാശികൾ ഇല്ലാത്തതുകൊണ്ട് താങ്കളുടെ പേരിൽ തന്നെ അനുവദിക്കുന്നതാണ്. ഫാമിലി പെൻഷൻ ലഭിക്കുന്നതിനുവേണ്ടി എത്രയും പെട്ടെന്നുതന്നെ അപേക്ഷ സമർപ്പിക്കുക. കൂടുതൽ കാര്യങ്ങൾക്കായി ഭർത്താവ് അവസാനം ജോലി ചെയ്തിരുന്ന ഓഫീസുമായി ബന്ധപ്പെടുക.