വോളന്‍ററി റിട്ടയർമെന്‍റ്: 20 വർഷം സർവീസ് വേണം : Deepika.com Tax News

Services & Questions

വോളന്‍ററി റിട്ടയർമെന്‍റ്: 20 വർഷം സർവീസ് വേണം

എയ്ഡഡ് സ്കൂളിൽ എച്ച് എസ്എ ആയി ജോലി ചെയ്യുന്നു. എനിക്ക് ഇപ്പോൾ 19 വർഷവും എട്ടു മാസവും സർവീസുണ്ട്. അഞ്ചു വർഷക്കാലം ശൂന്യവേതന അവധിയെടുത്ത് വിദേശത്ത് ജോലി ചെയ് തിരുന്നു. ഇനി ഏഴു വർഷത്തെ സർവീസ് കൂടി ബാക്കിയുണ്ട്. വോളന്‍ററി റിട്ടയർമെന്‍റ് എടുത്ത് വീണ്ടും വിദേശത്തു പോകേണ്ടതായിട്ടുണ്ട്. വോളന്‍ററി റിട്ടയർമെന്‍റ് എടുത്താൽ ഫുൾ പെൻഷന് അർഹതയുണ്ടോ? അതുപോലെ വോളന്‍ററി റിട്ടയർമെന്‍റിനുള്ള അപേക്ഷ ഇപ്പോൾ കൊടുക്കാൻ സാധിക്കുമോ? 19 വർഷവും എട്ടു മാസവും എന്നുള്ളത് 20 വർഷമായി കണക്കാക്കി അപേക്ഷ സമർപ്പിക്കാൻ സാധിക്കുമോ?
ജോണ്‍ തോമസ്,
കറുകച്ചാൽ

വോളന്‍ററി റിട്ടയർമെന്‍റിനുള്ള അപേക്ഷ സമർപ്പിക്കണമെങ്കിൽ 20 വർഷം പൂർണമായുള്ള സർവീസ് വേണം. 20 വർഷം പൂർത്തിയാക്കിയശേഷം മാത്രമേ വോളന്‍ററി റിട്ടയർമെന്‍റിന് അപേക്ഷ സമർപ്പിക്കാൻ സാധിക്കുകയുള്ളൂ. അതുപോലെ വോളന്‍ററി റിട്ടയർമെന്‍റ് എടുക്കാൻ ഉദേശിക്കുന്ന തീയതിക്ക് മൂന്നു മാസം മുന്പെങ്കിലും അപേക്ഷ സമർപ്പിച്ചിരിക്കണം. വോളന്‍ററി റിട്ടയർമെന്‍റ് എടുക്കുന്നവർക്ക് അവശേഷിക്കുന്ന സർവീസിന്‍റെ അഞ്ചു വർഷം മാത്രമേ സൗജന്യ സർവീസ് (ഗ്രേസ് പീരിഡ്) ആയി ലഭിക്കുകയുള്ളൂ. അങ്ങനെ കണക്കാക്കുന്പോൾ 25 വർഷ ത്തെ സർവീസേ ലഭിക്കുകയുള്ളൂ. ശൂന്യവേതനാവധി സർവീസായി കണക്കാക്കുകയില്ല. ഫുൾ പെൻഷൻ ലഭിക്കണമെങ്കിൽ 30 വർഷ സർവീസ് വേണം.