ശന്പള കുടിശിക ലഭിച്ചപ്പോൾ വ്യത്യാസം; തെറ്റു വന്നാൽ പരിഹരിക്കാം : Deepika.com Tax News

Services & Questions

ശന്പള കുടിശിക ലഭിച്ചപ്പോൾ വ്യത്യാസം; തെറ്റു വന്നാൽ പരിഹരിക്കാം

16-7-2000ൽ ആരോഗ്യ വകുപ്പിൽ സ്റ്റാഫ് നഴ്സായി ജോലിയിൽ പ്രവേ ശിച്ചു. എന്‍റെ സഹപ്രവർത്തക 28-7-2000ലും ജോലിയിൽ പ്രവേശിച്ചു. 2014 ജൂലൈയിലെ ശന്പള പരിഷ്കരണം നടത്തിയപ്പോൾ ഞങ്ങളുടെ അടിസ്ഥാന ശന്പളം ഒന്നുതന്നെ ആയിരുന്നു. ഇതിനുമുന്പ് 2009ലെ ശന്പളപരിഷ്കരണത്തിലും ഞങ്ങളുടെ അടി സ്ഥാന ശന്പളം ഒന്നുതന്നെയായിരുന്നു. എന്നാൽ 1-7-2014 മുതൽ 31-1-2016 വരെയുള്ള ശന്പള കുടിശിക ലഭിച്ചപ്പോൾ എനിക്ക് എന്‍റെ സഹപ്രവർത്തകയേക്കാൾ 20,000 രൂപയോളം കുറവുവന്നു. ഓഫീസിൽ പറഞ്ഞെങ്കിലും ഇത് സ്പാർക്കിലെ തെറ്റായിരിക്കുമെന്നാണ് അറിയിച്ചത്. ഇത് പരിഹരിക്കാൻ എന്താണ് ചെയ്യേണ്ടത്.
കെ.എം. ഗീതുകുമാരി,
രാമപുരം

2009ലെ ശന്പളപരിഷ്കരണത്തിലും 2014ലെ പരിഷ്കരണത്തിലും ഒരേ അടിസ്ഥാന ശന്പളം തന്നെയാണ് ലഭിച്ചതെങ്കിൽ രണ്ടു പേർക്കും ഒരേ തുകയാണ് ലഭിക്കേണ്ടത്. സ്പാർ ക്കിൽനിന്ന് സ്റ്റേറ്റ്മെന്‍റ് എടുത്ത് വിശദമായി പരിശോധിക്കുക. താങ്കളുടെയും സുഹൃത്തിന്‍റെയും ലഭിക്കാനുള്ള തുകയിലും നേരത്തേ വാങ്ങിയ തുകയിലും വ്യത്യാസം കാണുന്നുണ്ടോ എന്നു പരിശോധിക്കുക. തെറ്റ് ഉണ്ടെങ്കിൽ അത് ചൂണ്ടിക്കാട്ടി പുതിയ സ്റ്റേറ്റ്മെന്‍റ് ഓഫീസർക്ക് നൽകുക. സ്പാർക്കിൽ ആവശ്യമായ മാറ്റം വരുത്തി ഇതു പരിഹരിക്കാം. സ്പാർക്ക് കൈകാര്യം ചെയ്യുന്ന ജീവനക്കാരനെ ഈ വ്യത്യാസം ബോധ്യപ്പെടുത്തേണ്ടതാണ്.