ആദ്യത്തെ എട്ടു വർഷത്തെ ഹയർഗ്രേഡിന് മിലിട്ടറി സർവീസ് പരിഗണിക്കും : Deepika.com Tax News

Services & Questions

ആദ്യത്തെ എട്ടു വർഷത്തെ ഹയർഗ്രേഡിന് മിലിട്ടറി സർവീസ് പരിഗണിക്കും

റവന്യൂവകുപ്പിൽനിന്ന് 2018 ഏപ്രിൽ മാസം വില്ലേജ് ഫീൽഡ് അസിസ്റ്റന്‍റായി വിര മിച്ചു. 17 വർഷത്തെ സർവീസ് മാത്രമേ ഉണ്ടായിരുന്നുള്ളൂ. സംസ്ഥാന സർവീസിൽ പ്രവേശിക്കുന്നതിനുമുന്പ് മിലിട്ടറിയിലായിരുന്നു. മിലിട്ടറിയിൽ 10 വർഷത്തെ സർവീസ് ഉണ്ടായിരുന്നു. എന്‍റെ ഹയർഗ്രേഡ് കണക്കാക്കിയപ്പോൾ മിലിട്ടറി സർവീസ് ഉൾപ്പെടുത്താതെയാണ് ഗ്രേഡ് അനുവദിച്ചത്. എന്നാൽ മിലിട്ടറി സർവീസുംകൂടി ചേർത്ത് ഹയർഗ്രേഡ് നൽകാമായിരുന്നു എന്നാണ് ഇപ്പോൾ മനസിലായത്. ഇത് ലഭിക്കാൻ എന്താണ് ചെയ്യേണ്ടത്?

പി.എൻ. വിജയരാഘവൻ, കട്ടപ്പന

മിലിട്ടറി സർവീസിനുശേഷം സംസ്ഥാന സർവീസിൽ പ്രവേശിക്കുന്നവർക്ക് ഹയർഗ്രേഡ് കണക്കാക്കുന്പോൾ മിലിട്ടറി സർവീസുംകൂടി ചേർത്ത് കണക്കാക്കാവുന്നതാണ്. ഇത് ആദ്യത്തെ എട്ടു വർഷത്തെ ഹയർഗ്രേഡിനു മാത്രമേ ലഭിക്കുകയുള്ളൂ. താങ്കൾക്ക് മിലിട്ടറിയിൽ എട്ടു വർഷത്തിൽ കൂടുതൽ സർവീസുള്ളതുകൊണ്ട് സർവീസിൽ പ്രവേശിച്ച ദിവസംതന്നെ ആദ്യത്തെ എട്ടു വർഷത്തിന്‍റെ ഹയർഗ്രേഡ് അനുവദിക്കാവുന്നതാണ്. വിരമിച്ചെങ്കിലും ഹയർഗ്രേഡ് നേരത്തെ ലഭിക്കേണ്ടതായിരുന്നു എന്നു കാണിച്ചുകൊണ്ടുള്ള അപേക്ഷ തഹസീൽദാർക്കു കൊടുക്കാവുന്നതാണ്. കൂടുതൽ വിവരങ്ങൾ ലഭിക്കാൻ സ.ഉ(പി) നം. 408/2015/ധന. തീയതി. 14/9/2015) എന്ന ഉത്തരവ് പരിശോധിക്കുക.