ആകെയുള്ള ഫാമിലി പെൻഷന്‍റെ 50% വീതം രണ്ടുപേർക്കും ലഭിക്കും : Deepika.com Tax News

Services & Questions

ആകെയുള്ള ഫാമിലി പെൻഷന്‍റെ 50% വീതം രണ്ടുപേർക്കും ലഭിക്കും

മാതാപിതാക്കൾ സർക്കാർ ജീവനക്കാരായി വിരമിച്ചവരാണ്. രണ്ടു പേരും മരിച്ചു പോയി. 45 വയസിനുമേൽ പ്രായമായ ഞാ നും സഹോദരിയുമാണ് മക്കളായുള്ളത്. ഞങ്ങൾക്ക് സഹോദരന്മാരില്ല. സ്വന്തമായി വരുമാനവും ഇല്ല.

മാതാപിതാക്കളെ ആശ്രയിച്ചുകഴിഞ്ഞിരുന്ന ഞങ്ങളിൽ ഒരാൾക്ക് അവിവാഹിതയായ, 25 വയസിനുമേൽ പ്രായമുള്ള മക്കൾ എന്ന നിലയിൽ ഫാമിലി പെൻഷൻ അനുവദിച്ചു. മൂത്ത മകൾക്കാണ് പെൻഷൻ അനുവദിച്ചത്. മൂത്തമകൾ രോഗിയുമാണ്. അടുത്തകാലത്ത് 25 വയസിനുമേൽ പ്രായമായ അവിവാഹിതകളായ രണ്ടു പെണ്‍മക്കൾക്ക് ഫാമിലി പെൻഷൻ കിട്ടുമെന്നറി യാൻ കഴിഞ്ഞു. ഇതു സംബന്ധിച്ച വിവരങ്ങൾ എന്താണ്?
മറിയം വർക്കി, കട്ടപ്പന

25 വയസിനുമുകളിൽ പ്രായമുള്ള അവിവാഹിതകളായ പെണ്‍മക്കളുണ്ടെങ്കിൽ ഫാമിലി പെൻഷൻ അനുവദിച്ചിരുന്നത് ഒരാൾക്കു മാത്രമായിരുന്നു. എന്നാലിപ്പോൾ ഒന്നിൽ കൂടുതൽ അവിവാഹിതകളും സ്വന്തമായി വരുമാനമില്ലാത്തതും മരിച്ചുപോയ മാതാപിതാക്കളെ ആശ്രയിച്ചു കഴിഞ്ഞിരുന്നവരുമായ പെൺമക്കൾക്ക് ഫാമിലി പെൻഷൻ അനുവദിച്ചുകൊണ്ട് ഉത്തരവായിട്ടുണ്ട്. രണ്ടുപേരും പ്രത്യേകം പ്രത്യേകം അപേക്ഷയും സ്വന്തമായി വരുമാനമില്ലാത്തവരും ആശ്രിതരുമായിരുന്നു എന്നു തെളിയിക്കുന്ന റവന്യു അധികാരിയിൽനിന്ന് ലഭിച്ച സർട്ടിഫിക്കറ്റും സഹിതം അപേ ക്ഷിക്കണം. രണ്ടുപേർക്കും ഫാമിലി പെൻഷൻ ലഭിക്കും. എന്നാൽ ആകെയുള്ള ഫാമിലി പെൻഷന്‍റെ 50 ശതമാനം വീതം മാത്ര മേ രണ്ടുപേർക്കും ലഭിക്കുകയുള്ളൂ. ഒരാളുടെ മരണശേഷം മറ്റേ ആൾക്ക് ഫാമിലി പെൻഷൻ പൂർണമായി ലഭിക്കും.