| | Back to Home | |
|
| മൊബൈൽ
|
|
|
|
|
ധാരാളം ആളുകളുള്ള ഒരു ജിംനേഷ്യം.... ഒരു ബെഞ്ചിനു പുറത്തിരുന്ന മൊബൈൽ ഫോണ് അടിക്കാൻ തുടങ്ങി... ടിന്റുമോൻ ഫോണെടുത്തു സ്പീക്കർ മോഡിൽ വച്ച് സംസാരിക്കാൻ തുടങ്ങി. റൂമിലെ എല്ലാവരും സൈലന്‍റായി....
ടിന്റുമോൻ : ഹലോ...
ഭാര്യ: ഡാർലിംഗ് ... ഇതു ഞാനാ... ഇപ്പോ എവിടെയാ... ജിമ്മിലാണോ??
ടിന്റുമോൻ: അതെ...
ഭാര്യ: ഞാനിപ്പോളൊരു ഷോപ്പിംഗ് മാളിലാ... ഇവിടെ ഒരു ലെതർ കോട്ട് ഉണ്ട്...1000 രൂപയേ ഉള്ളൂ... ഞാനതു വാങ്ങിക്കോട്ടെ??
ടിന്റുമോൻ: പിന്നെന്താ.. അതൊക്കെ ചോദിക്കാനുണ്ടോ....
ഭാര്യ: പിന്നെ.. വരുന്ന വഴിക്കു ഞാൻ മാരുതി ഡീലർ ഷോപ്പിൽ കയറി പുതിയ മോഡലുകൾ കണ്ടു.... ഒരു മോഡൽ എനിക്കു വളരെ ഇഷ്ടപ്പെട്ടു...
ടിന്റുമോൻ: എത്രയുമാകുമതിന്.?
ഭാര്യ: 7,00,000
ടിന്റുമോൻ: ശരി... ആ വിലയ്ക്ക് എല്ലാ ഓപ്ഷനും കിട്ടണം
ഭാര്യ: ഉം ശരി... പിന്നെ ഒരു കാര്യം കൂടി... കഴിഞ്ഞ വർഷം എനിക്കിഷ്ടപ്പെട്ട ആ വീടും സ്ഥലവും മാർക്കറ്റിൽ വീണ്ടും വന്നിട്ടുണ്ട്. ഇപ്പോ അവര് 11,50,000 രൂപ വരെ താഴ്ത്തി....
ടിന്റുമോൻ: കൊള്ളാം... എന്നാലൊരു 11,00,000 രൂപ ആദ്യം പറഞ്ഞു നോക്ക്... അവർ സമ്മതിക്കുവാണെങ്കിൽ ഓകെ... അല്ലേലും സാരമില്ല 11,50,000 രൂപ വാങ്ങിച്ചാലും ലാഭമാ...
ഭാര്യ: ശരി... പിന്നെ കാണാം... ലൗവ് യു സോ മച്ച്...
ടിന്റുമോൻ: ബൈ.. ലവ് യു ടു...
ടിന്റുമോൻ മൊബൈൽ കട്ടു ചെയ്തു... റൂമിലുള്ള എല്ലാവരും ടിന്റുമോനെ അദ്ഭുതത്തോടെ നോക്കുന്പോൾ ടിന്‍റു അവരോട്:
അതേ... ഈ മൊബൈൽ ആരുടെ ആണെന്ന് നിങ്ങൾക്ക് വല്ല പിടിയുമുണ്ടോ....?
|
|
|
|
|
|