തല്ലിത്തകർക്കൽ ഭീകരപ്രവർത്തനം തന്നെയല്ലേ? : Deepika.com Letters

തല്ലിത്തകർക്കൽ ഭീകരപ്രവർത്തനം തന്നെയല്ലേ?

Wednesday, July 26, 2017 11:34 AM IST

ഏതാനും ദിവസം മുമ്പ് ടിവി വാർത്തക്കിടയിൽ വന്ന ഒരു ദൃശ്യം കണ്ട് നടുങ്ങിപ്പോയി. കുറേ ചെറുപ്പക്കാർ കല്ലും വടിയുമായി ഒരു സ്ഥാപനത്തിനടുത്തേക്ക് അലറിക്കൊണ്ട് പാഞ്ഞടുക്കുകയും കെട്ടിടങ്ങൾ അടിച്ചുതകർക്കുകയും ചെയ്യുന്നു. ഇതൊക്കെ നടക്കുന്പോൾ പോലീസുകാർ നോക്കിനിൽക്കുന്നുണ്ട്. ഒരു വിദ്യാർഥി സംഘടനയിൽപ്പെട്ടവർ സുൽത്താൻ ബത്തേരി ഡോൺബോസ്കോ കോളജ് അടിച്ചുതകർക്കുന്നതിന്‍റെ ദൃശ്യമായിരുന്നു അത്.

സിറിയയിലും ഇറാക്കിലുമൊക്കെ നിഷ്‌ഠുരമായ മനുക്ഷ്യാവകാശ ലംഘനങ്ങൾ നടത്തി ന്യൂനപക്ഷങ്ങളുടെ ദേവാലയങ്ങളും സ്ഥാപനങ്ങളും നശിപ്പിക്കുന്ന ഐഎസ് ഭീകരരെയാണ് അപ്പോൾ പെട്ടെന്ന് ഓർമവന്നത്. ഭീകരരുടെ മനസുള്ളവർക്കേ ഒരു വിദ്യാഭ്യാസ സ്ഥാപനത്തിനുനേരെ ഇത്രയും നീചമായ രീതിയിൽ ആക്രമണം നടത്താൻ കഴിയൂ.

ഡോൺബോസ്കോ കോളജിനു നേരെ നടന്ന അക്രമം അത്യന്തം ഹീനമായ പ്രവൃത്തിയാണ്. കോളജിൽ അച്ചടക്ക പാലനത്തിന്‍റെ ഭാഗമായി ഒരു വിദ്യാർഥിയെ സസ്പെൻഡ് ചെയ്തതാണ് ആക്രമണത്തിനു കാരണം. കേരളത്തിൽ ന്യൂനപക്ഷങ്ങളുടെ വിദ്യാഭ്യാസ സ്ഥാപനങ്ങൾ അക്രമിക്കപ്പെടുന്പോൾ ഭരണാധികാരികളുടെ ഭാഗത്തുനിന്ന് യാതൊരെതിർപ്പും ഉണ്ടാകുന്നില്ല എന്നതാണ് ഇതിൽ ഏറ്റവും ഭയാനകമായ വസ്തുത. ഡോൺബോസ്കോ കോളജ് ആക്രമിക്കപ്പെട്ട് ദിവസങ്ങൾ കഴിഞ്ഞിട്ടും അക്രമണത്തെ അപലപിച്ചുകൊണ്ട് ഒരു പ്രസ്താവന പോലും സർക്കാരിനെ പ്രതിനിധീകരിക്കുന്നവരുടെ ഭാഗത്തുനിന്ന് ഉണ്ടായില്ല.

വേദനാജനകമായ മറ്റൊരു കാര്യം ആരെങ്കിലും ഒന്ന് ഉറക്കെ തുമ്മിയാൽ അതേറ്റുപിടിച്ചു ചർച്ച ചെയ്യുന്ന ചാനലുകളും എന്തിനും ഏതിനും പ്രതികരിക്കുന്ന ഇവിടത്തെ ബുദ്ധിജീവികളും സാംസ്കാരിക നായകരും ബത്തേരിയിലെ കോളജിനു നേരെ നടന്ന നീചമായ ആക്രമണത്തെ കണ്ടില്ല എന്നു നടിക്കുകയാണ്്. ന്യൂനപക്ഷങ്ങളെ സംരക്ഷിക്കുന്നതിലും നാട്ടിൽ സമാധാനം നിലനിർത്തുന്നതിലും സർക്കാരിനു താത്പര്യമുണ്ടെങ്കിൽ സുൽത്താൻ ബത്തേരി ഡോൺ ബോസ്കോ കോളജ് അടിച്ചുതകർത്തവരെ മുഴുവൻ പിടികൂടി മാതൃകാപരമായി ശിക്ഷിക്കണം.

ബെന്നി സെബാസ്റ്റ്യൻ കുന്നത്തൂർ, ചിറ്റാരിക്കാൽ

എണ്ണയിൽ ഓടുന്ന സർക്കാർ

202324 വർഷത്തിൽ എണ്ണക്കന്പനികൾ ഉണ്ടാക്കിയ ലാഭം 90,000 കോടി രൂപ. എണ്ണക്കന്പനികളുടെ മേലാളന്മാർ ക

ബസുകളിലെ ഡോറുകൾ

ഏതെങ്കിലും അപകടമോ ദുരന്തമോ ഉണ്ടാകുന്പോൾ ഉടൻ അതുമായി ബന്ധപ്പെട്ട വകുപ്പുകൾ ഉണരുകയും വ്യാപക പരിശോധന നടത്തുകയും ച

കുഴികൾ എന്നു മൂടും?

ജൽജീവൻ പദ്ധതിയുടെ ഭാഗമായി പലേടത്തും റോഡുകൾ വെട്ടിപ്പൊളിച്ചത് മൂടാതെ കിടക്കുകയാണ്. ഇതുമൂലം പല റോഡുകളും കുണ്ടും കു

വക്കീൽമാർ മാത്രം കോട്ടൂരിയാൽ മതിയോ?

കനത്ത വേനൽച്ചൂടിനെത്തുടർന്ന് അഭിഭാഷകർക്ക് മേയ് 31 വരെ കോട്ട് ഒഴിവാക്കാൻ ഹൈക്കോടതി അനുവാദം നൽകിയ വാർത്ത വായിച്ചു. ഉ

മുഖപ്രസംഗം കാലോചിതം

ഉദ്യോഗസ്ഥരുടെയും മറ്റും അനാസ്ഥ മൂലം റോഡിലുണ്ടാകുന്ന അപകടങ്ങളെക്കുറിച്ചു ദീപിക കഴിഞ്ഞ ദിവസം എഴുതിയ മുഖപ്രസംഗം എന്ത

വിദ്യാർഥികൾക്കും തപാൽ വോട്ട് വേണം

തെരഞ്ഞെടുപ്പുമായി ബന്ധപ്പെട്ട ചുമതലകളുള്ള എല്ലാ ഉദ്യോഗസ്ഥർക്കും പോലീസുകാർക്കും തപാൽ വോട്ടിന് സൗകര്യമുണ്ട്. കൂടാ