അനുമോദനവും വിദ്യാഭ്യാസ അവാർഡുദാനവും
Friday, August 26, 2016 10:37 AM IST
കുളത്തൂർ: 2015 – 16 വർഷത്തെ എസ്എസ്എൽസി, പ്ലസ്ടു പരീക്ഷകളിൽ കോട്ടാങ്ങൽ ഗ്രാമപഞ്ചായത്തിൽ നിന്നും എല്ലാ വിഷയങ്ങൾക്കും എ പ്ലസ് നേടിയവർക്കും എംബിബിഎസിനു പഠനം നടത്തുന്നവരുമായ വിദ്യാർഥികളെ പഞ്ചായത്ത് കമ്മിറ്റിയുടെ നേതൃത്വത്തിൽ അനുമോദിക്കും.

മെറിറ്റ് അവാർഡ് ഇന്നു രാവിലെ 11.30ന് കുളത്തൂർ ഗവൺമെന്റ് എൽപി സ്കൂളിൽ ഗ്രാമപഞ്ചായത്ത് പ്രസിഡന്റ് ആലീസ് സെബാസ്റ്റ്യന്റെ അധ്യക്ഷതയിൽ ചേരുന്ന സമ്മേളനം രാജ്യസഭ ഉപാധ്യക്ഷൻ പ്രഫ.പി.ജെ. കുര്യൻ ഉദ്ഘാടനം ചെയ്യും. യോഗത്തിൽ ബ്ലോക്ക് പഞ്ചായത്ത് പ്രസിഡന്റ് ശോശാമ്മ തോമസ്, ജില്ലാ പഞ്ചായത്തംഗം അഡ്വ.റെജി തോമസ്, ത്രിതല പഞ്ചായത്തംഗങ്ങൾ, വിവിധ രാഷ്ര്‌ടീയകക്ഷി നേതാക്കൾ തുടങ്ങിയവർ പ്രസംഗിക്കും.