കാണികളിൽ കൗതുകം വിരിയിച്ച് വീണ്ടും ചക്കപ്പഴം തീറ്റമത്സരം
Friday, August 26, 2016 10:37 AM IST
പത്തനംതിട്ട: മുനിസിപ്പൽ ഗ്രൗണ്ടിൽ നടക്കുന്ന ചക്ക മഹോൽസവത്തോടനുബന്ധിച്ചു സംഘടിപ്പിച്ച ചക്കപ്പഴം തീറ്റ മൽസരം കാണികൾക്ക് കൗതുകമായി. പുരുഷന്മാർക്കും വനിതകൾക്കും കുട്ടികൾക്കുമായാണ് മത്സരം നടന്നത്. 15 ചുള കുറഞ്ഞ സമയത്തിനുള്ളിൽ തിന്നു തീർക്കുക എന്നതായിരുന്നു മത്സരം. പുരുഷന്മാരുടെ വിഭാഗത്തിൽ പന്ത്രണ്ടുപേർ മത്സരിച്ചു.

പാലക്കാട് സ്വദേശി കണ്ണൻ ഒന്നാം സ്‌ഥാനവും കുമ്പളാംപൊയ്ക സ്വദേശി റെജിൻ് ജേക്കബ് മാമൻ രണ്ടാം സ്‌ഥാനവും നേടി. സ്ത്രീകളുടെ വിഭാഗത്തിൽ ഒമ്പതുപേർ മത്സരിച്ചപ്പോൾ കോന്നി സ്വദേശിനി ജെസി ഒന്നാം സ്‌ഥാനവും കൊല്ലംപടി സ്വദേശിനി അജിത രണ്ടാം സ്‌ഥാനവും നേടി. ആൺകുട്ടികളുടെ വിഭാഗത്തിൽ ഏഴ്പേർ മത്സരിച്ചപ്പോൾ അഴൂർ സ്വദേശി മുഹമ്മദ് ഷാറൂഖ് ഒന്നാം സ്‌ഥാനവും പത്തനംതിട്ട സ്വദേശി രാഹുൽ രണ്ടാം സ്‌ഥാനവും നേടി. പെൺകുട്ടികളുടെ വിഭാഗത്തിൽ മൂന്നുപേർ മത്സരിച്ചപ്പോൾ കൈപ്പട്ടൂർ സ്വദേശിനി ജോനി മേരി ജോർജ് ഒന്നാം സ്‌ഥാനവും പത്തനംതിട്ട സ്വദേശിനി അംഷിത രണ്ടാം സ്‌ഥാനവും നേടി. വിജയികൾക്ക് നാളെ നടക്കുന്ന സമാപന സമ്മേളനത്തിൽ സമ്മാനങ്ങൾ വിതരണം ചെയ്യും.