മലനാട് എസ്എൻഡിപി യൂണിയനു10.83 കോടി രൂപയുടെ ബജറ്റ്
കട്ടപ്പന: മലനാട് എസ്എൻഡിപി യൂണിയനു 10.83 കോടി രൂപയുടെ ബജറ്റ്. 2017–ൽ ചേറ്റുകുഴിയിൽ നിർമിക്കുന്ന കോളജിന്റെ പണികൾ പൂർത്തീകരിക്കുന്നതിനും സാന്ത്വനം സഹായനിധി, വിദ്യാർഥികൾക്കുള്ള സ്കോളർഷിപ്പ് തുടങ്ങിയ പദ്ധതികൾ ഉൾകൊള്ളിച്ചാണ് ബജറ്റ്. യൂണിയൻ സെക്രട്ടറി വിനോദ് ഉത്തമൻ ബജറ്റ് അവതരിപ്പിച്ചു.

കട്ടപ്പന ടൗൺഹാളിൽ നടന്ന വാർഷികയോഗം യൂണിയൻ പ്രസിഡന്റ് ബിജു മാധവൻ ഉദ്ഘാടനംചെയ്തു. യൂണിയൻ വൈസ്പ്രസിഡന്റ് വിധു എ. സോമൻ, ഡയറക്ടർ ബോർഡ് അംഗങ്ങളായ പി.ആർ. മുരളീധരൻ, ഷാജി പുള്ളോലിൽ, കൗൺസിലർമാരായ പി.എൻ. സത്യവാസൻ, കെ.വി. സലി, സന്തോഷ് ചാളനാട്ട്, പി.ആർ. രതീഷ്, മനോജ് ആപ്പാന്താനത്ത്, പി.കെ. രാജൻ തുടങ്ങിയവർ പ്രസംഗിച്ചു.