പെൻഷൻ വീടുകളിലെത്തി തുടങ്ങി
കേരളശേരി: സംസ്‌ഥാനത്തെ പ്രാഥമിക സഹകരണ ബാങ്കുകളിലൂടെ വിവിധ ക്ഷേമപെൻഷനുകൾ ഗുണഭോക്‌താക്കളുടെ വീടുകളിൽ എത്തിതുടങ്ങി. കേരളശേരി ഗ്രാമപഞ്ചായത്തിലെ 2500–ഓളം വരുന്ന വിവിധ ക്ഷേമപെൻഷനുകൾ തടുക്കശേരി സർവീസ് സഹകരണ ബാങ്കിന്റെ ആഭിമുഖ്യത്തിലാണ് വിതരണം നടത്തുന്നത്. ഇതിന്റെ പഞ്ചായത്തുതല ഉദ്ഘാടനം വടശേരി പറയരുകുണ്ട് കോളനിയിൽ നടത്തി.

ബാങ്ക് പ്രസിഡന്റ് എ.വി.നാരായണൻകുട്ടി അധ്യക്ഷത വഹിച്ചു. കേരളശേരി ഗ്രാമപഞ്ചായത്ത് പ്രസിഡന്റ് ബിന്ദു കൃഷ്ണദാസ് വിതരണോദ്ഘാടനം നിർവഹിച്ചു. ബാങ്ക് സെക്രട്ടറി എം.പി.വിജയകുമാരി, ഗ്രാമപഞ്ചായത്തംഗങ്ങളായ ശോഭന, സത്യൻ, വിജയകുമാർ, രാമചന്ദ്രൻ, ശ്രീലത തുടങ്ങിയവരും ബാങ്ക് ജീവനക്കാരായ സി.സുരേഷ്, ബാലസുബ്രഹ്്മണ്യൻ, ജയഗോപാലൻ തുടങ്ങിയവരും പങ്കെടുത്തു.ഓരോരുത്തർക്കും ആറായിരം രൂപ മുതൽ പരമാവധി 15,000 രൂപ വരെയാണ് പെൻഷൻ ലഭിക്കുന്നത്.