തിരുവനന്തപുരം കൊല്ലം പത്തനംതിട്ട ആലപ്പുഴ കോട്ടയം ഇടുക്കി എറണാകുളം
തൃശൂര്‍ പാലക്കാട് മലപ്പുറം കോഴിക്കോട് വയനാട് കണ്ണൂര്‍ കാസര്‍ഗോഡ്‌
Home   | Editorial   | Latest News  |  Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back to Local News |
ഗ്രാമപഞ്ചായത്തുകൾ ഊർജിത മുന്നേറ്റം നടത്തണം: മന്ത്രി എ.കെ.ശശീന്ദ്രൻ
കൽപ്പറ്റ: തുറസായ സ്‌ഥലങ്ങളിലെ മലമൂത്ര വിസർജനം ഒഴിവാക്കി കേരളത്തെ സമ്പൂർണ ശുചിത്വ സംസ്‌ഥാനമാക്കി മാറ്റാനുള്ള ലക്ഷ്യത്തിൽ ഗ്രാമപഞ്ചായത്തുകൾ ഊർജിതമായി പ്രവർത്തിക്കണമെന്ന് ഗതാഗത മന്ത്രി എ.കെ. ശശീന്ദ്രൻ. കളക്ടറേറ്റിലെ എ.പി.ജെ. ഹാളിൽ ത്രിതല പഞ്ചായത്ത് പ്രസിഡന്റുമാരുടെ യോഗത്തിൽ പ്രസംഗിക്കുകയായിരുന്നു അദ്ദേഹം.

നാട് ഒട്ടേറെ മുന്നേറ്റമുണ്ടാക്കിയ കാലത്തും ആയിരക്കണക്കിന് കുടുംബങ്ങൾക്ക് ഇനിയും ശൗചാലയങ്ങളില്ലെന്ന ദുരവസ്‌ഥ അപമാനമാണ്. ഇതിനൊരു മാറ്റമുണ്ടാകണമെങ്കിൽ ഗ്രാമ തലത്തിൽ നിന്നും കാര്യക്ഷമമായ ഇടപെടൽ അനിവാര്യമാണ്. വരുന്ന ഗാന്ധിജയന്തി ദിനത്തിൽ വയനാട് ജില്ലയിൽ എല്ലാവർക്കും ശൗചാലയങ്ങൾ എന്ന ലക്ഷ്യത്തിലെത്തിക്കാൻ കഴിയണം. ആദിവാസി കോളിനികളിലടക്കം കക്കൂസില്ലാത്ത ഒരു വീടു പോലും ഉണ്ടാകരുത്. കേരളപ്പിറവി ദിനത്തിൽ കേരളത്തെ തുറസായ സ്‌ഥലത്ത് മലമൂത്ര വിസർജനമില്ലാത്ത സമ്പൂർണ ശുചിത്വ സംസ്‌ഥാനമായി പ്രഖ്യാപിക്കാനുള്ള ഒരുക്കമാണ് സർക്കാർ നടത്തുന്നത്.

ജില്ലയ്ക്ക് ഇതിനകം ശൗചാലയ നിർമ്മാണത്തിൽ 65 ശതമാനം പദ്ധതി പൂർത്തീകരണം നടത്താനായിട്ടുണ്ട്. ബാക്കിയുള്ളവയുടെ നിർമാണ പുരോഗതികൾ ഗ്രാമപഞ്ചായത്തുകൾ ഉറപ്പുവരുത്തണം. തനതു ഫണ്ടുകൾ കുറവുള്ള പഞ്ചായത്തുകളും പദ്ധതി നിർവഹണത്തിൽ നിന്നും പിന്നോട്ട് പോകേണ്ടതില്ല. മതിയായ തുക കാലതാമസമില്ലാതെ ലഭ്യമാക്കും. തോട്ടം തൊഴിലാളികളുടെ താമസ കേന്ദ്രങ്ങളിൽ ശൗചാലയങ്ങൾ നിർമിക്കാൻ മാനേജ്മെന്റിന്റെ സഹകരണവും തേടാവുന്നതാണ്. ഗ്രാമതലത്തിൽ ഇതിനകം രൂപവത്കരിച്ചിട്ടുള്ള സപ്പോർട്ടിംഗ് ഗ്രൂപ്പുകളുടെ സഹകരണവും പ്രധാനപ്പെട്ടതാണ്.

ഗ്രാമ പഞ്ചായത്തുകൾ 15 ദിവസത്തിനുള്ളിൽ പ്രവർത്തന പുരോഗതി വിലയിരുത്തണം. വഴി സൗകര്യവും മറ്റും ഇല്ലാത്ത ആദിവാസി മേഖലകളിൽ കക്കൂസ് നിർമാണത്തിന് നിലവിലുള്ള തുക അപര്യാപ്തമാണെന്നുള്ള കാര്യം ശ്രദ്ധയിൽപ്പെട്ടിട്ടുണ്ട്. ഈ പ്രതിസന്ധികൾ പരിഹരിക്കാൻ കക്കൂസ് നിർമിക്കാനുള്ള തുക 25000 രൂപയായി ഉയർത്തിയതായും മന്ത്രി എ.കെ. ശശീന്ദ്രൻ പറഞ്ഞു.

ശൗചാലയങ്ങളുടെ ആവശ്യത്തെക്കുറിച്ച് ആദിവാസികൾക്കിടയിൽ പലർക്കും അവബോധമില്ലാത്ത അവസ്‌ഥയുണ്ട്. ഇതിനൊരു മാറ്റം വരണം. ബോധവത്കരിക്കാനുള്ള നടപടികൾ കൂടി അനിവാര്യമാണ്. കൈയേറ്റ ഭൂമിയിൽ താമസിക്കുന്ന ആദിവാസി കുടുംബങ്ങൾക്കും കക്കൂസ് നിർമിച്ചു നൽകണം. ഇവരും ശൗചാലയങ്ങളില്ലാത്തവരുടെ ലിസ്റ്റിൽ ഉൾപ്പെട്ടതാണ്. ഗ്രാമപഞ്ചായത്തുകൾ ഇക്കാര്യവും ശ്രദ്ധിക്കണമെന്ന് സി.കെ. ശശീന്ദ്രൻ എംഎൽഎ പറഞ്ഞു. ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി, ജില്ലാ കളക്ടർ ബി.എസ്. തിരുമേനി, ബ്ലോക്ക് പഞ്ചായത്ത് പ്രസിഡന്ററുമാരായ ശകുന്തള ഷൺമുഖൻ, സി.കെ. സഹദേവൻ, ടി.എസ്. ദിലീപ് കുമാർ, ജില്ലാ പ്ലാനിംഗ് ഓഫീസർ എസ്.എച്ച്. സനൽകുമാർ, എൻആർഇജിഎ പ്രോജക്ട് മാനേജർ പി.ജി. വിജയകുമാർ എന്നിവർ പ്രസംഗിച്ചു.

ജില്ലാ ശുചിത്വമിഷൻ പ്രോഗ്രാം ഓഫീസർ കെ. അനൂപ് റിപ്പോർട്ട് അവതരിപ്പിച്ചു. ജില്ലയിലെ ഗ്രാമ പഞ്ചായത്ത് പ്രസിഡന്റുമാർ സെക്രട്ടറിമാർ തുടങ്ങിയവർ യോഗത്തിൽ പങ്കെടുത്തു.


വി​ദ്യാ​ർ​ഥി ജീ​വ​നൊ​ടു​ക്കി​യ നി​ല​യി​ൽ
മാ​ന​ന്ത​വാ​ടി: പ​യ്യ​ന്പ​ള്ളി സെ​ന്‍റ് കാ​ത​റൈ​ൻ​സ് സ്കൂ​ളി​ലെ പ​ത്താം ക്ലാ​സ് വി​ദ്യാ​ർ​ഥി​യെ വീ​ട്ടി​ൽ തൂ​ങ്ങി​മ​രി​ച്ച​നി​ല​യി​ൽ ക​ണ്ടെ​ത്തി. പ​യ് ......
മ​ണി​മ​ല​യാ​റ്റി​ലെ കു​ഴി​ക​ൾ വീ​ണ്ടും മ​ര​ണ​മ​ണി മു​ഴ​ക്കി
വ​ര​ൾ​ച്ച നേ​രി​ടു​ന്ന​തി​ൽ സം​സ്ഥാ​ന സ​ർ​ക്കാ​ർ പൂ​ർ​ണ പ​രാ​ജ​യ​മെ​ന്ന് പി.​സി ജോ​ർ​ജ്
ക​ന്നു​കാ​ലി​ക​ൾ​ക്ക് ഇ​ൻ​ഷ്വറ​ൻ​സ് ഉ​റ​പ്പാ​ക്കും: ക്ഷീരവികസന മ​ന്ത്രി
കേ​ള​കം വോ​ളി ഫെ​സ്റ്റി​ന് നാ​ളെ തു​ട​ക്കം
മ​ട്ടു​പ്പാ​വിൽ നൂ​റുമേ​നി വി​ളയിച്ച് മി​നി സി​വി​ൽ​സ്റ്റേ​ഷ​ൻ ജീ​വ​ന​ക്കാ​ർ
തേ​വ​ർ​ക്ക് പി​ച്ച​ള പൊ​തി​ഞ്ഞ പ​ള്ളി​യോ​ട​മാ​യി
ദേ​ശാ​ട​ന പ​ക്ഷി​ക്കൂ​ട്ടം കാ​യ​ലോ​ര​ത്ത് വി​രു​ന്നെ​ത്തി...
ഭ​ക്തി​ നിർഭരമായി മ​ല​യി​ൻ​കീ​ഴ് ശ്രീകൃ​ഷ്ണ​സ്വാ​മി ക്ഷേ​ത്ര​ ആ​റാ​ട്ട്
വി​ള​പ്പി​ൽ​ശാ​ല​യി​ൽ അ​മ്യൂ​സ്മെ​ന്‍റ് പാ​ർ​ക്ക് ; ന​ഗ​ര​ത്തെ പ്ലാ​സ്റ്റി​ക് വി​മു​ക്ത​മാ​ക്കും
റ​ബ​ർത്തോട്ടം ക​ത്തിന​ശി​ച്ചു
Rashtra Deepika LTD
Copyright @ 2017 , Rashtra Deepika Ltd.