ജൈവ കർഷകരെ ആദരിച്ചു
ചെമ്പേരി: ഏറ്റുപാറ അൽഫോൻസ ക്രെഡിറ്റ് യൂണിയന്റെ നേതൃത്വത്തിൽ പ്രദേശത്തെ മികച്ച ജൈവ കർഷകരെ ആദരിച്ചു. വർഗീസ് കളപ്പുരയ്ക്കൽ, ചാണ്ടി കോയിക്കൽ, ഫ്രാൻസിസ് കളപ്പുരയ്ക്കൽ എന്നിവരാണ് ആദരിക്കപ്പെട്ടത്. പയ്യാവൂർ പഞ്ചായത്തംഗം ആഗ്നസ് കോവാട്ട് അധ്യക്ഷത വഹിച്ചു. ക്രെഡിറ്റ് യൂണിയൻ ഓർഗനൈസർ സിസ്റ്റർ ദീപ്തി എംഎസ്എംഐ മുഖ്യപ്രഭാഷണം നടത്തി. യൂണിറ്റ് പ്രസിഡന്റ് തോമസ് ചക്കാലമുറിയിൽ കർഷകരെ ഷാൾ അണിയിച്ചു. വൈസ് പ്രസിഡന്റ് ബ്രിജിറ്റ് തേക്കുംകാട്ടിൽ, സെക്രട്ടറി മനോജ് തോണിപ്പാറ എന്നിവർ പ്രസംഗിച്ചു. പയ്യാവൂർ കൃഷിഭവൻ കൃഷി അസിസ്റ്റന്റ് അനീഷ് ആനുകാലിക കാർഷിക വിഷയങ്ങളിൽ ക്ലാസെടുത്തു.