ഫോണിലൂടെ സമ്മാനം അടിച്ചതായി പറഞ്ഞ് പണം തട്ടുന്നത് വ്യാപകം
Friday, August 26, 2016 2:06 PM IST
പഴയങ്ങാടി: ഫോൺ വിളിച്ച് സമ്മാനം അടിച്ചതായി പറഞ്ഞ് പണം തട്ടുന്നത് വ്യാപകം. പഴയങ്ങാടിയിലെ ഓട്ടോ ഡ്രൈവറായ ഉമ്മർഫറൂഖിനും സുഹൃത്തായ പഴയങ്ങാടിയിലെ ലോട്ടറി തൊഴിലാളിയായ ഷെരീഫുമാണ് ഫോൺ വഴിയുള്ള തട്ടിപ്പിന് ഇരയായത്. ഇവരുടെ ഫോണിലേക്ക് നിങ്ങൾക്ക് സമ്മാനം അടിച്ചതായി സന്ദേശമെത്തി. തുടർന്ന് +998885095422 എന്ന നമ്പറിൽ നിന്ന് സ്ത്രീശബ്ദത്തിൽ പേരും ഫോൺ നമ്പറും കൃത്യത വരുത്തിയതിനുശേഷം നിങ്ങൾക്ക് പതിനായിരം രൂപയുടെ സമ്മാനം അടിച്ചതായും അതിൽ രണ്ടുഗ്രാം സ്വർണ കമ്മൽ 2500 രൂപയുടെ സ്വർണ നെക്ലയിസ് ആണെന്നും തപാൽ ചാർജ് നൽകി നിങ്ങൾക്ക് സമ്മാനം കൈപ്പറ്റാമെന്നും പറഞ്ഞു. അഞ്ച് ദിവസം കഴിഞ്ഞപ്പോൾ പോസ്റ്റൽ വഴി സാധനങ്ങൾ എത്തി. സാധനം വേണ്ടെന്ന് പറഞ്ഞപ്പോൾ തിരിച്ചയയ്ക്കാൻ പറ്റില്ലെന്ന് ആയപ്പോൾ ആയിരം രൂപ പോസ്റ്റൽ ചാർജ് നൽകി സാധനങ്ങൾ കൈപ്പറ്റി. തുറന്നപ്പോൾ നാല് കല്ലുമാലകളാണ് കിട്ടിയത്. ഹൈദരാബാദിൽനിന്നാണ് സാധനങ്ങൾ അയച്ചത്. നമ്പറിൽ ബന്ധപ്പെട്ടപ്പോൾ നിലവിലുമില്ല. സ്ത്രീകളെ ഉപയോഗിച്ച് നടത്തുന്ന പണം തട്ടിപ്പിൽ കൂടുതൽ അബദ്ധങ്ങൾ മലയാളിക്ക് തുടർക്കഥയാകുമ്പോഴാണ് ഇങ്ങനെയുള്ള തട്ടിപ്പ്. തെരഞ്ഞെടുത്തു.