ഖാദി ഓണം–ബക്രീദ് മേള നാളെ മുതൽ കാഞ്ഞങ്ങാട്ട്
Friday, August 26, 2016 2:07 PM IST
കാഞ്ഞങ്ങാട്: കണ്ണൂർ സർവോദയ സംഘത്തിന്റെ ഖാദി ഓണം–ബക്രീദ് മേള നാളെ കാഞ്ഞങ്ങാട് വ്യാപാരഭവനിൽ ആരംഭിക്കും. 15 ദിവസം നീണ്ടുനിൽക്കുന്ന മേളയിൽ വിവിധയിനം ഖാദി തുണികൾ, ഖാദി മസ്ലിൻ, പോളിവസ്ത്ര, സിൽക്ക്, റീൽഡ് സിൽക്ക്, സാരി, ഉന്നക്കിടക്ക, എണ്ണ, തേൻ തുടങ്ങിയ ഖാദി ഉത്പന്നങ്ങളും ഉണ്ടായിരിക്കുമെന്ന് സംഘാടകർ പത്രസമ്മേളനത്തിൽ അറിയിച്ചു. ഖാദി സിൽക്ക് ഇനങ്ങൾക്ക് 20 ശതമാനവും കിഴിവ് അനുവദിക്കും. 1,000 രൂപയുടെ പർച്ചേഴ്സ് നടത്തുന്നവർക്ക് നൽകുന്ന കൂപ്പൺ ആഴ്ചയിലൊരിക്കൽ നറുക്കിട്ട് 25 പവൻ, ആറുപവൻ ഒരു പവൻ സ്വർണനാണയങ്ങൾ നൽകും. മേളയുടെ ഉദ്ഘാടനം നാളെ രാവിലെ 11 ന് കൗൺസിലർ എച്ച്.ആർ. ശ്രീധരൻ നിർവഹിക്കും. അഡ്വ.എം.സി.ജോസ് ആദ്യവിൽപ്പന നടത്തും. സർവോദയ സംഘം പ്രസിഡന്റ് പി.പ്രസാദ് അധ്യക്ഷത വഹിക്കും.

മേളയിൽ 16 ലക്ഷം രൂപയുടെ വിപണനമാണ് പ്രതീക്ഷിക്കുന്നതെന്ന് കണ്ണൂർ സർവോദയ സംഘം സെക്രട്ടറി കെ.വി.വിജയമോഹൻ, ഇൻസ്പെക്ടർ ഇ.ബാലൻ, വി.എൻ.രവീന്ദ്രനാഥൻ, എ.പി.സുരേശൻ എന്നിവർ പറഞ്ഞു.