കൊടുങ്ങല്ലൂർ താലൂക്ക് ആശുപത്രിയിൽ ഡയാലിസിസ് യൂണിറ്റ് ആരംഭിച്ചു
കൊടുങ്ങല്ലൂർ: ഇന്നസെന്റ് എംപിയുടെ പ്രാദേശിക വികസന ഫണ്ട് ഉപയോഗിച്ച് കൊടുങ്ങല്ലൂർ താലൂക്ക് ആശുപത്രിയിൽ ഡയാലിസിസ് യൂണിറ്റ് പ്രവർത്തനം ആരംഭിച്ചു.

ശ്രദ്ധ ആരോഗ്യപദ്ധതിയുടെ ഭാഗമായുള്ള ഡയാലിസിസ് യൂണിറ്റിന്റെ ഉദ്ഘാടനം ഇന്നസെന്റ് എംപി നിർവഹിച്ചു. പൊതുജനങ്ങളുടെ ആരോഗ്യത്തിന്റെ കാര്യത്തിൽ സർക്കാരുകൾ അതീവ ശ്രദ്ധ കാണിക്കണമെന്ന് ഇന്നസെന്റ് എംപി പറഞ്ഞു. സർക്കാർ ആശുപത്രികളിൽ ആധുനിക സൗകര്യങ്ങൾ ഏർപ്പെടുത്തി പാവപ്പെട്ടവനു സൗജന്യമായി ചികിത്സ ലഭിക്കുന്നത് എംപി ഫണ്ട് ഉപയോഗപ്പെടുത്തി കഴിയാവുന്നതെല്ലാം ചെയ്യുമെന്നു ഇന്നസെന്റ് പറ ഞ്ഞു. വി.ആർ.സുനി ൽകുമാർ എംഎൽഎ അധ്യക്ഷനായിരുന്നു.എംഎൽഎമാരായ പ്രഫ. കെ. യു. അരുണൻ, ഇ.ടി. ടൈസൺ, മതിലകം ബ്ലോക്ക് പഞ്ചായത്ത് പ്രസിഡന്റ് കെ.കെ.അബിദലി, നഗരസഭാ വൈസ് ചെയർമാൻ ഷീല രാജ്കുമൽ, ഗ്രാമപഞ്ചായത്ത് പ്രസിഡന്റുമാരായ ബൈന പ്രദീപ്, പി.വി.സുരേഷ് ബാബു, കെ.കെ.സച്ചിത്ത്, ഇ.ജി.സുരേന്ദ്രൻ, ഇ.കെ.മല്ലിക, ടി.എം.ഷാഫി, പ്രസാദിനി മോഹനൻ, നഗരസഭ സ്റ്റാൻഡിംഗ് കമ്മിറ്റി ചെയർമാൻമാരായ കെ.എസ്.കൈസാബ്, സി.കെ.രാമനാഥൻ, തങ്കമണി സുബ്രഹ്മണ്യൻ, എംപിയുടെ പ്രതിനിധി കെ.ആർ.ജൈത്രൻ, രാഷ്ര്‌ടീയകക്ഷി നേതാക്കളായ പി.കെ.ചന്ദ്രശേഖരൻ, ടി.എം. നാസർ, ടി.എം.ബാബു, എം.ജി.പ്രശാന്ത്ലാൽ, വി.എ.ജോതിഷ്, ടി.എസ്. അനിൽകുമാർ, കെ.എൻ. ഷംസുദ്ദീൻ എന്നിവർ പ്രസംഗിച്ചു. യു.ഗീത റിപ്പോർട്ട് അവതരിപ്പിച്ചു. നഗരസഭാ ചെയർമാൻ സി.സി. വിപിൻചന്ദ്രൻ സ്വാഗതവും ആശുപത്രി സൂപ്രണ്ട് ഡോ. ടി.വി.റോഷ് നന്ദിയും പറഞ്ഞു.