ഇതരസംസ്‌ഥാന തൊഴിലാളി ഷോക്കേറ്റു മരിച്ചു
Friday, August 26, 2016 4:20 PM IST
തിരുവനന്തപുരം: നഗരത്തിൽ നിർമ്മാണപ്രവർത്തനം നടത്തുന്നതിനിടെ ഇതര സംസ്‌ഥാന തൊഴിലാളി ഷോക്കേറ്റു മരിച്ചു. വെള്ളയമ്പലം ഇൻസ്റ്റിറ്റ്യൂഷൻ ഓഫ് എൻജിനിയേഴ്സിൽ ജോലി ചെയ്യുകയായിരുന്ന ബംഗാൾ സ്വദേശി ദീനബന്ധു (40)വാണ് ഇന്നലെ രാവിലെ മരിച്ചത്. മൃതദേഹം മെഡിക്കൽ കോളജ് ആശുപത്രിയിൽ. കരാറുകാരന്റെ സഹായത്തോടെ ബന്ധുക്കളെ വിവരം അറിയിച്ചിട്ടുണ്ട്. ബന്ധുക്കൾ എത്തിയാൽ മൃതദേഹം വിട്ടുനൽകുമെന്ന് മ്യൂസിയം പോലീസ് അറിയിച്ചു.