ചികിത്സയിലായിരുന്ന വിദ്യാർഥിനി മരിച്ചു
Friday, August 26, 2016 4:20 PM IST
പാറശാല: സ്വകാര്യ ആശുപത്രിയിൽ ചികിത്സയിലായിരുന്ന വിദ്യാർഥിനി മരിച്ചു. ആറയൂർ, കൊറ്റാമം ഷിനു – ഷീന ദമ്പതികളുടെ മകൾ വൈഷ്ണവി (14) ആണ് മരിച്ചത്. കഴിഞ്ഞ ദിവസം രാവിലെ സ്കൂളിൽ പോകുന്നതിനുവേണ്ടി ബസ് കാത്തു നിൽക്കവെ തലചുറ്റി വീഴുകയായിരുന്നു. ഉടൻ തന്നെ പാറശാലയിലെ സ്വകാര്യ ആശുപത്രിയിലും തുടർന്ന് വിദഗ്ദ്ധ ചികിത്സയ്ക്കായി നെയ്യാറ്റിൻകരയിലെ ഒരു സ്വകാര്യ ആശുപത്രിയിലും പ്രവേശിപ്പിച്ചു ചികിത്സയിലിരിക്കവെ ഇന്നലെ രാവിലെ മരണമടയുകയായിരുന്നു. എട്ടാം ക്ലാസ് വിദ്യാർഥിനിയായിരുന്നു മരിച്ച വൈഷ്ണവി. വർഷ, വന്ദന സഹോദരിമാരാണ്.