ഒഴുക്കിൽപ്പെട്ടു ഗൃഹനാഥൻ മരിച്ചു
കാഞ്ഞങ്ങാട്: കല്ല്യോട്ട് താന്നിയടി തടിയൻവളപ്പലെ കെ.കുമാരൻ (55) ചാലിൽ ഒഴുക്കിൽപ്പെട്ട് മരിച്ചു. ഇന്നലെ വൈകുന്നേരം അഞ്ചരയോടെയാണ് സംഭവം. ജോലികഴിഞ്ഞ് വീട്ടിനടുത്തുള്ള തടിയൻവളപ്പിലെ ചാലിൽ കുളിക്കാൻ ഇറങ്ങിയതായിരുന്നു. ഏറെ നേരം കഴിഞ്ഞിട്ടും തിരിച്ചെത്താതിനെ തുടർന്ന് ഭാര്യ അന്വേഷിച്ചുചെന്നപ്പോൾ ചാലിനരികിൽ സോപ്പും ചെരിപ്പും കണ്ടു. ഇവർ ഉടൻ നാട്ടുകാരെ വിളിച്ചുകൂട്ടി തെരച്ചിൽ നടത്തിയപ്പോൾ 100 മീറ്റർ അകലെ മൃതദേഹം കണ്ടെത്തി. മൃതദേഹം ജില്ലാ ആശുപത്രി മോർച്ചറിയിൽ. ഭാര്യ: പത്മകുമാരി. മക്കൾ: മഹേഷ്, മനീഷ്, മഞ്ജു.