ബൈക്കുകൾ കൂട്ടിയിടിച്ച് യുവാവ് മരിച്ചു
പുന്നയൂർക്കുളം: ദേശീയപാത അണ്ടത്തോട് പെരിയമ്പലത്തുവച്ച് രണ്ടു ബൈക്കുകൾ തമ്മിൽ കൂട്ടിയിടിച്ച് പരിക്കേറ്റ യുവാവ് മരിച്ചു. വ്യാഴാഴ്ച രാത്രി 11–ഓടുകൂടിയാണ് അപകടമുണ്ടായത്. അണ്ടത്തോട് പെരിയമ്പലം സ്വദേശി കൊപ്പരവീട്ടിൽ അബൂബക്കറിന്റെ മകൻ നിസാർ (30) ആണ് മരിച്ചത്.

അപകടത്തിൽ മറ്റേ ബൈക്കിലെ മൂന്നു യാത്രക്കാർക്കും പരിക്കേറ്റു. പാലപ്പെട്ടി സ്വദേശികളായ മുഹമ്മദ് ഷാഫി (22), ഷെബീർ (19), സുബൈർ (18) എന്നിവരെ തൃശൂർ അശ്വിനി ആശുപത്രിയിൽ പ്രവേശിപ്പിച്ചു. മരിച്ച നിസാറിന്റെ മൃതദേഹം വടക്കേക്കാട് പോലീസ് ഇൻക്വസ്റ്റ് നടത്തി. മൃതദേഹം അണ്ടത്തോട് ജുമാ മസ്ജിദിൽ കബറടക്കം നടത്തി. അസുഖമായി ആശുപത്രിയിൽ ചികിത്സയിലുള്ള ഭാര്യയെ സന്ദർശിച്ച് മടങ്ങുമ്പോഴാണ് അപകടം. മാതാവ്: മൈമൂന. വടക്കേക്കാട് പോലീസ് മേൽനടപടി സ്വീകരിച്ചു.