പൊങ്കൽ: കോയമ്പത്തൂർ–ചെന്നൈ സ്പെഷൽ ട്രെയിൻ സർവീസിനു ബുക്കിംഗ് തുടങ്ങി
കോയമ്പത്തൂർ: പൊങ്കലിനോടനുബന്ധിച്ചു കോയമ്പത്തൂർ–ചെന്നൈ സ്പെഷൽ ട്രെയിൻ സർവീസിനു ബുക്കിംഗ് തുടങ്ങി.

ചെന്നൈയിൽനിന്നും 13ന് രാത്രി 9.50ന് പുറപ്പെടുന്ന ട്രെയിൻ 14ന് അഞ്ചേമുക്കാലിനു കോയമ്പത്തൂരിൽ എത്തും.

15ന് രാത്രി 10.10ന് കോയമ്പത്തൂരിൽനിന്നും പുറപ്പെടുന്ന ട്രെയിൻ പിറ്റേദിവസം രാവിലെ അഞ്ചിന് ചെന്നൈയിൽ എത്തിച്ചേരും.

പൊങ്കലിനു മുന്നോടിയായി കോയമ്പത്തൂർ ബസ് ഡിവിഷന്റെ നേതൃത്വത്തിൽ സംസ്‌ഥാനത്തിന്റെ വിവിധ ഭാഗങ്ങളിലേക്ക് 350 സ്പെഷൽ ബസുകൾ ഇന്നുമുതൽ സർവീസ് തുടങ്ങും.

കോയമ്പത്തൂരിൽനിന്നും ചെന്നൈയിലേക്ക് അഞ്ച്, മധുരൈ–45, സേലം–40, ട്രിച്ചി–40, പഴനി–അഞ്ച്, തേനി– 10, ഊട്ടി– 20, തിരുപ്പൂരിൽനിന്നും മധുരൈ–30, ട്രിച്ചി–20, സേലം– 20, ഈറോഡിൽനിന്നും ചെന്നൈ–10, കോയമ്പത്തൂർ–20, മധുരൈ– 20, സേലം– 20, ട്രിച്ചി– 20, തേനി– അഞ്ച് എന്നിങ്ങനെ മൊത്തം 350 ബസുകളാണ് സ്പെഷൽ സർവീസ് നടത്തുന്നത്.