പാൻമസാല ശേഖരം പിടികൂടി
കൊല്ലം: എക്സൈസ് എൻഫോഴ്സ്മെന്റ് ആന്റ് ആന്റി നർകോട്ടിക് സ്പെഷ്യൽ സ്ക്വാഡ് നടത്തിയ മിന്നൽ പരിശോധനയിൽ കൊല്ലം ടൗണിൽ നിന്നും വൻപാൻമസാല ശേഖരം പിടികൂടി. താമരക്കുളത്തുള്ള ഒരു ലോഡ്ജിൽ നിന്നാണ് രണ്ടായിരം പായ്ക്കറ്റ് ശംഭു, ഹാൻസ് മുതലായ നിരോധിത പുകയില ഉല്പന്നങ്ങളും 29 കിലോ പാൻമസാലയും കണ്ടെടുത്തത്.

അസി. കമ്മീഷണർ ജി മുരളീധരൻനായരുടെ നിർദ്ദേശാനസരണം സിഐ ജെ താജുദ്ദീൻകുട്ടിയുടെ നേതൃത്വത്തിലായിരുന്നു പരിശോധന. ഇതുമായി ബന്ധപ്പെട്ട് ഉത്തർപ്രദേശ് സ്വദേശിയായ റായിസ് മുഹമ്മദ്(40) എന്നയാളെ കസ്റ്റഡിയിലെടുത്തു. കൊല്ലം നഗരത്തിൽ ബാഗുകൾ വില്പന നടത്തുന്ന ഇയാൾ ഇതിന്റെ മറവിലാണ് സ്കൂൾ വിദ്യാർത്ഥികൾ ഉൾപ്പെടെയുള്ളവർക്ക് പാൻമസാല വില്പന നടത്തിവന്നത്. പിടിച്ചെടുത്ത പാൻമസാല ലേഡീസ് ബാഗുകളിലും സ്കൂൾ ബാഗുകളിലുമായി ഒളിപ്പിച്ചിരിക്കുകയായിരുന്നു. ഇതിന് വിപണിയിൽ ഒരുലക്ഷത്തിലധികം രൂപ വിലവരും. റെയ്ഡിന് സിഐ ജെ താജുദ്ദീൻകുട്ടി, ഇൻസ്പെക്ടർ എം കൃഷ്ണകുമാർ, പ്രിവന്റീവ് ആഫീസർ വിനോദ് ആർ ജി, വിഷ്ണുരാജ്, ദിലീപ്കുമാർ, ബിനു, നിർമമലൻ തമ്പി എന്നിവർ നേതൃത്വം നൽകി.