മധ്യസ്‌ഥത്തിരുനാൾ നാളെമുതൽ
മങ്കൊമ്പ്: തെക്കേക്കര ഈസ്റ്റ് സെന്റ് സെബാസ്റ്റ്യൻസ് പള്ളിയിൽ ഇടവകമധ്യസ്‌ഥന്റെ തിരുനാൾ നാളെ മുതൽ 16 വരെ നടക്കും. തിരുനാളിനു മുന്നോടിയായി ഇന്നുരാവിലെ മുതൽ വൈകുന്നേരം അഞ്ചുവരെ വീടുകളിലേക്ക് കഴുന്ന് പ്രദക്ഷിണം. നാളെ വൈകുന്നേരം അഞ്ചിനു കൊടിയേറ്റ്–വികാരി ഫാ. തോമസ് പീലിയാനിക്കൽ. 5.45നു ആഘോഷമായ വിശുദ്ധ കുർബാന–ഫാ. സഖറിയ ഇരുപതിൽ. 14നു വൈകുന്നേരം അഞ്ചിനു ആഘോഷമായ വിശുദ്ധ കുർബാന ഫാ. ബിനോയ് ആലപ്പാട്ട്.

ആറിനു മധ്യസ്‌ഥ പ്രാർഥന, ലദീഞ്ഞ്. 6.15നു കുരിശടിയിലേക്ക് പ്രദക്ഷിണം–ഫാ. ആന്റണി പൊക്കാവരത്ത്. ഏഴിനു വചനപ്രഘോഷണം ഫാ. ജോബിൻ തയ്യിൽ. പ്രധാന തിരുനാൾ ദിനമായ 15നു രാവിലെ 6.45നു സപ്ര. ഏഴിനു വിശുദ്ധ കുർബാന. പത്തിനു ആഘോഷമായ തിരുനാൾ കുർബാന, പ്രസംഗം–ഫാ. ജോസഫ് തെക്കേക്കളം. ഉച്ചയ്ക്കു 12.15നു തിരുനാൾ പ്രദക്ഷിണം–ഫാ. ദമിയാനോസ് കോച്ചേരി. 16നു ഇടവകയിലെ മരിച്ചവരുടെ ഓർമദിനം. രാവിലെ ഏഴിനു സപ്ര, വിശുദ്ധ കുർബാന. സിമിത്തേരി സന്ദർശനം, ഒപ്പീസ്.