തിരുവാഭരണ ഘോഷയാത്ര : മദ്യനിരോധനം ഏർപ്പെടുത്തി
പത്തനംതിട്ട:തിരുവാഭരണ ഘോഷയാത്ര കടന്നുപോകുന്ന സ്‌ഥലങ്ങളിൽ മദ്യനിരോധനം ഏർപ്പെടുത്തി ജില്ലാ കളക്ടർ ആർ.ഗിരിജ ഉത്തരവായി. പന്തളത്തും കുളനടയിലും ഇന്ന് രാവിലെ ആറു മുതൽ വൈകുന്നേരം അഞ്ച് വരെയും കിടങ്ങന്നൂരിൽ രാവിലെ 10 മുതൽ രാത്രി എട്ടുവരെയും ആറന്മുളയിലും മല്ലപ്പുഴശേരിയിലും രാവിലെ 11 മുതൽ രാത്രി ഒമ്പത് വരെയും കോഴഞ്ചേരിയിൽ ഉച്ചയ്ക്ക് ഒന്നു മുതൽ രാത്രി 11 വരെയും നിരോധനമുണ്ടാകും. ചെറുകോൽ, അയിരൂർ പ്രദേശങ്ങളിൽ ഇന്ന് ഉച്ചകഴിഞ്ഞ് മൂന്നു മുതൽ നാളെ രാവിലെ ഏഴുവരെയും റാന്നിയിൽ നാളെ രാവിലെ ആറു മുതൽ 10 വരെയും വടശേരിക്കരയിൽ രാവിലെ ആറു മുതൽ ഉച്ചയ്ക്ക് 12 വരെയും റാന്നി പെരുനാട്ടിൽ രാവിലെ എട്ടു മുതൽ രാത്രി 10 വരെയും നിരോധനമുണ്ടാകും.