മര്‍ദനമേറ്റ യുവാവ് മരിച്ചു
മെഡിക്കല്‍ കോളജ് : മര്‍ദനമേറ്റ് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന ആള്‍ മരിച്ചു. കടയ്ക്കാവൂര്‍ ടോള്‍സ്‌റ്റോയി സ്‌കൂളിനു സമീപം മഠത്തില്‍ വിളവീട്ടില്‍ നാണുവിന്റെ മകന്‍ പവിത്രന്‍ (47) ആണ് മരിച്ചത്. കഴിഞ്ഞ എട്ടിനു രാത്രി കൂടെ ജോലി ചെയ്യുന്ന ജോസ് എന്നയാളുമായി കൂലി പങ്കുവയ്ക്കുന്നതുമായി തര്‍ക്കമായി. തുടര്‍ന്ന് കുന്നിന്‍പുറത്ത് വച്ചുണ്ടായ പിടിവലിയില്‍ പവിത്രനെ ജോസ് തള്ളി റോഡില്‍ ഇടുകയായിരുന്നു. വീഴ്ചയില്‍ പരിക്കേറ്റ പവിത്രനെ വീണ്ടും മര്‍ദിക്കുകയായിരുന്നു. സാരമായി പരിക്കേറ്റ് മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കെ ആയിരുന്നു മരണം. മൃതദേഹം പോസ്റ്റ്‌മോര്‍ട്ടത്തിനു ശേഷം ബന്ധുക്കള്‍ക്ക് വിട്ടുകൊടുത്തു. കടയ്ക്കാവൂര്‍ പോലീസ് കേസെടുത്തു.