ലോറി തടയാന്‍ ശ്രമിക്കവേ ലോറിയ്ക്കടിയില്‍പ്പെട്ടയാള്‍ മരിച്ചു
നെടുമങ്ങാട്: ക്രഷര്‍ യൂണിറ്റിലേയ്ക്ക് ലോഡെടുക്കാന്‍ പോയ ലോറി തടയാന്‍ ശ്രമിച്ചയാള്‍ ലോറിക്കടിയില്‍പെട്ട് മരിച്ചു. വേട്ടമ്പള്ളി പത്രംകോട് തടത്തരികത്ത് വീട്ടില്‍ ഷിബു (42) ആണ് മരിച്ചത്. വേങ്കവിള വേട്ടമ്പള്ളി റോഡില്‍ കോളനി ജംഗ്ഷനു സമീപം ബുധനാഴ്ച രാവിലെ പത്തിനായിരുന്നു അപകടം.

പത്ത് മണി കഴിയാതെ പാറപൊടി കയറ്റാനായി ലോറി പോകാന്‍ പാടില്ലെന്ന് പറഞ്ഞ് ഷിബു വണ്ടിയുടെ മുന്നിലേയ്ക്ക് എടുത്തു ചാടി തടയാന്‍ ശ്രമിക്കുന്നതിനിടെ കാല്‍തെറ്റി വണ്ടിയുടെ അടിയില്‍ വീഴുകയായിരുന്നു. പിന്‍ചക്രം തലയിലൂടെ കയറിയിറങ്ങി. സംഭവ സ്ഥലത്തു തന്നെ ഷിബു മരിച്ചു. നെടുമങ്ങാട് പോലീസെത്തിയാണ് മൃതദേഹം ആശുപത്രിയിലെത്തിച്ചത്. ലോറിയുടെ െ്രെഡവറെ പോലീസ് കസ്റ്റഡിയിലെടുത്തു. കൃഷ്ണന്‍ആചാരിയുടെയും ഓമനയുടെയും മകനാണ് ഷിബു. അവിവാഹിതനാണ്. അജി, പരേതനായ ബിജുകുമാര്‍ എന്നിവര്‍ സഹോദരങ്ങളാണ് .