മാലോം പറമ്പയിൽ കാച്ചിൽ വിളവെടുപ്പ് ഉത്സവം
മാലോം: കേന്ദ്ര തോട്ടവിള ഗവേഷണ കേന്ദ്രത്തോടനുബന്ധിച്ചു പ്രവർത്തിക്കുന്ന കൃഷി വിജ്‌ഞാനകേന്ദ്രത്തിന്റെ ആഭിമുഖ്യത്തിൽ മാലോം പറമ്പയിൽ കാച്ചിൽ വിളവെടുപ്പ് ഉത്സവം നടത്തി. ’കീർത്തി’ ഇനം കാച്ചിലും ’ശ്രീലത’ ഇനം ചെറുകിഴങ്ങുമാണു പറമ്പയിലെ നാലു വീട്ടുവളപ്പിലായി നട്ടു വിളവെടുത്തത്. കൃഷി വിജ്‌ഞാനകേന്ദ്രം നടത്തിവന്ന ഒരു മുൻനിര പ്രദർശനത്തിന്റെ ഭാഗമായാണു പരിപാടി സംഘടിപ്പിച്ചത്. കൃഷി ഭവനിലെ ഉദ്യോഗസ്‌ഥരും പ്രദേശത്തെ കർഷരും പഞ്ചായത്തംഗം അന്നമ്മ മാത്യുവും പരിപാടിയിൽ പങ്കെടുത്തു.